Breaking News : ఆర్టీసీ చైర్మన్‌గా ఎమ్మెల్యే ముత్తి రెడ్డి, రైతు బంధు సమితి చైర్మన్‌గా తాటికొండ రాజయ్య

తెలంగాణ ప్రభుత్వం కీకల నిర్ణయం తీసుకుంది. తాజాగా టీఎస్‌ఆర్టీసీ చైర్మన్ గా ఎమ్మెల్యే ముత్తి రెడ్డి యాదగిరి రెడ్డిని, రైతు బంధు సమితి చైర్మన్ గా ఎమ్మెల్యే తాటికొండ రాజయ్యను నియమిస్తూ నిర్ణయం తీసుకుంది. వీరితో పాటు.. ఎంబీసీ చైర్మన్ గా నందికొండ శ్రీధర్, మిషన్ భగీరథ వైస్ చైర్మన్ గా ఉప్పల వెంకటేష్‌లను నియమించింది తెలంగాణ ప్రభుత్వం. ఇందుకు సంబంధించిన ఉత్తర్వులను రాష్ట్ర ప్రభుత్వం గురువారం జారీ చేసింది. స్టేషన్ ఘన్ పూర్ ఎమ్మెల్యే తాటి కొండ రాజయ్యను రైతుబంధు చైర్మన్‌గా నియమిస్తూ ఉత్తర్వులు జారీ చేసిన రాష్ట్ర ప్రభుత్వం.. రాబోయే ఎన్నికల్లో ఎమ్మెల్యే టికెట్ ఇవ్వకపోవడంతో అసంతృప్తితో ఉన్న ఆయనకు కార్పొరేషన్ బాధ్యతలను అప్పగించింది.

Also Read : Tara Shahdeo: షూటర్ తారా “లవ్ జిహాద్” కేసు.. మాజీ భర్తకు జీవిత ఖైదు

అయితే.. రెండేళ్లపాటు ఈ పదవిలో కొనసాగనున్నారు తాటికొండ రాజయ్య. అదే విధంగా మోస్ట్ బ్యాక్ వర్డ్ క్లాసెస్ (ఎంబీసీ) డెవలప్ మెంట్ కార్పొరేషన్ చైర్మన్‌గా ఇటీవల కాంగ్రెస్ నుండి బీఆర్ఎస్‌లో చేరిన నందికంటి శ్రీధర్‌ను నియమించారు. ఈ పదవిలో ఆయన రెండేళ్లపాటు కొనసాగనున్నారు. అదే విధంగా మిషన్ భగీరథ వైస్ చైర్మన్‌గా ఉప్పల వెంకటేష్‌ను నియమిస్తూ ప్రభుత్వం ఉత్తర్వులు జారీ చేసింది. ఆయన రెండేళ్లు కొనసాగుతారు. జనగాం ఎమ్మెల్యే టికెట్‌ను అధిష్టానం కేటాయించకపోవడంతో అసంతృప్తితో ఉన్న సిట్టింగ్ ఎమ్మెల్యే ముత్తిరెడ్డి యాదగిరిరెడ్డికి తెలంగాణ రాష్ట్ర రోడ్డు రవాణా సంస్థ (టీఎస్‌ఆర్టీసీ) చైర్మన్‌‌గా నియమించింది. ఈ నియామక ఉత్తర్వులు వెంటనే అమల్లోకి రానున్నాయని ప్రభుత్వం స్పష్టం చేసింది. ముత్తిరెడ్డి ఈ పదవిలో రెండేళ్లపాటు కొనసాగనున్నారు.

Also Read : AP CM JAGAN: ఢిల్లీలో పలువురు కేంద్ర మంత్రులతో సీఎం జగన్ భేటీ