Team India Schedule: టీమిండియా బిజీ షెడ్యూల్.. 5 నెలల్లో ఏకంగా..?

Team India Schedule: జూన్‌ నెలలో టీ20 ప్రపంచకప్ టైటిల్ గెలిచిన తర్వాత, భారత జట్టు జింబాబ్వే, శ్రీలంకలో పర్యటించింది. ఇప్పుడు స్వదేశంలో బంగ్లాదేశ్‌తో టీమిండియా టెస్టు, టీ20ల సిరీస్‌ ఆడాల్సి ఉంది. శ్రీలంక పర్యటనలో భారత జట్టు ఆగస్టు 7న చివరి వన్డే ఆడింది. సెప్టెంబర్ 19 నుంచి బంగ్లాదేశ్‌తో తదుపరి టెస్టు మ్యాచ్ జరగనుంది. కాగా భారత జట్టుకు 42 రోజుల విరామం లభించింది. అయితే., బంగ్లాదేశ్‌ సిరీస్‌ నుంచే అసలు విషయం మొదలవుతుంది. భారత జట్టు వచ్చే 5 నెలల్లో నిరంతరం మ్యాచ్‌లు ఆడనుంది. టీమ్ షెడ్యూల్ చాలా టైట్ గా ఉంది. సెప్టెంబర్ 19 నుంచి వచ్చే 111 రోజుల్లో (3 నెలల 19 రోజులు) భారత జట్టు 10 టెస్టు మ్యాచ్‌లు ఆడాల్సి ఉంది. మొత్తం 5 నెలల్లో 10 టెస్టులు కాకుండా 8 టీ20, 3 వన్డే మ్యాచ్‌లు ఆడాల్సి ఉంది.

MS Dhoni: ఇండియా ఆల్‌టైమ్ ఎలెవన్.. ఎంఎస్ ధోనీకి దక్కని చోటు!

మరో 5 నెలల్లో (ఛాంపియన్స్ ట్రోఫీకి ముందు) భారత జట్టు బంగ్లాదేశ్, న్యూజిలాండ్, ఆస్ట్రేలియా, ఇంగ్లండ్‌ లతో సిరీస్‌లు ఆడాల్సి ఉంది. బంగ్లాదేశ్‌తో స్వదేశంలో జరిగే సిరీస్‌తో ఇది ప్రారంభమవుతుంది. భారత్, బంగ్లాదేశ్ మధ్య 2 టెస్టులు, 3 టీ20ల సిరీస్ జరగనుంది. దీని తర్వాత న్యూజిలాండ్ జట్టు భారత్‌లో పర్యటించనుంది. ఆ తర్వాత ఇద్దరి మధ్య మూడు మ్యాచ్‌ల టెస్టు సిరీస్‌ జరగాల్సి ఉంది. ఏడాది చివర్లో, భారత జట్టు ఆస్ట్రేలియాలో పర్యటించనుంది. అక్కడ ఇరు జట్ల మధ్య 5 మ్యాచ్‌ల టెస్ట్ సిరీస్ ఉంటుంది. ఆ తర్వాత భారత్‌లో పర్యటించనున్న ఇంగ్లండ్‌ జట్టు ఆ తర్వాత ఇరు జట్లు 5 టీ20, 3 వన్డేల సిరీస్‌ ఆడనున్నాయి. ఛాంపియన్స్ ట్రోఫీకి ముందు ఫిబ్రవరి 2025లో ఇంగ్లాండ్‌ తో సిరీస్ జరుగుతుంది. ఈ సిరీస్ ఛాంపియన్స్ ట్రోఫీ కోసం, మిగిలిన సన్నాహాల కోసం తన బలమైన జట్టును తయారు చేయడానికి భారత జట్టుకు ఈ 3 ODI మ్యాచ్‌లు మాత్రమే ఉన్నాయి. భారత జట్టు పూర్తి షెడ్యూల్‌ను చూడండి.

Indian National Anthem: 14 వేల గొంతులు ఒక్కసారిగా జాతీయగీతం ఆలాపన.. గూస్‭బంప్స్ పక్కా..

భారత్‌లో బంగ్లాదేశ్‌ పర్యటన..

మొదటి టెస్ట్ – చెన్నై – 19 నుండి 23 సెప్టెంబర్.
రెండవ టెస్ట్ – కాన్పూర్ – 27 సెప్టెంబర్ నుండి అక్టోబర్ 1 వరకు.

మొదటి T20 – గ్వాలియర్ – 6 అక్టోబర్.
రెండవ T20 – ఢిల్లీ – 9 అక్టోబర్.
మూడవ T20 – హైదరాబాద్ – 12 అక్టోబర్.

న్యూజిలాండ్ టూర్ ఆఫ్ ఇండియా (2024)..

16-20 అక్టోబర్: 1వ టెస్టు, బెంగళూరు.
24-28 అక్టోబర్: 2వ టెస్టు, పూణె.
1-5 నవంబర్: 3వ టెస్టు, ముంబై.

భారత జట్టు ఆస్ట్రేలియా పర్యటన (నవంబర్-జనవరి 2025)..

22-26 నవంబర్: మొదటి టెస్ట్, పెర్త్.
6-10 డిసెంబర్: రెండవ టెస్ట్, అడిలైడ్.
డిసెంబర్ 14-18: మూడవ టెస్ట్, బ్రిస్బేన్.
డిసెంబర్ 26-30: నాల్గవ టెస్ట్, మెల్బోర్న్.
03-07 జనవరి: ఐదవ టెస్ట్, సిడ్నీ.

భారత్‌లో ఇంగ్లండ్‌ పర్యటన…

తొలి టీ20 – 22 జనవరి – కోల్‌కతా.
రెండో టీ20 – 25 జనవరి – చెన్నై.
మూడో టీ20 – 28 జనవరి – రాజ్‌కోట్.
నాలుగో టీ20 – 31 జనవరి – పూణె.
ఐదో టీ20 – 2 ఫిబ్రవరి – ముంబై.

మొదటి వన్డే – 6 ఫిబ్రవరి – నాగ్‌పూర్.
రెండవ ODI – 9 ఫిబ్రవరి – కటక్.
మూడవ ODI – 12 ఫిబ్రవరి – అహ్మదాబాద్.