TDP Leader: బాలిక ఆత్మహత్య కేసులో టీడీపీ నేత వినోద్‌కుమార్‌ జైన్‌కు జీవిత కాల జైలు శిక్ష, రూ.3 లక్షల జరిమానా విధిస్తూ పోక్సో కోర్టు తీర్పునిచ్చింది. సెక్షన్‌ 305 కింద జీవితకాల జైలుశిక్షను విధిస్తూ కోర్టు తీర్పునిచ్చింది. పోక్సో యాక్ట్‌ 9,10 సెక్షన్ల కింద ఏడేళ్ల కఠిన కారాగార శిక్ష విధించింది. గత ఏడాది భవానిపురంలో టీడీపీ నేత లైంగిక వేధింపులు తాళలేక అపార్ట్‌మెంట్ నుంచి దూకి బాలిక ఆత్మహత్య చేసుకుంది. ఈ కేసులో టీడీపీ నేత వినోద్ కుమార్ జైన్‌కు జీవితకాల జైలు శిక్ష , రూ.3లక్షల జరిమానా న్యాయస్థానం తీర్పును వెల్లడించింది. ఈ కేసులో బాధితుల తరపున స్పెషల్ పబ్లిక్ ప్రాసిక్యూటర్ గుజ్జుల నాగిరెడ్డి వాదనలు వినిపించారు.
Read Also: AP Bhavan: ఏపీ భవన్ విభజనపై ముగిసిన ఉన్నతాధికారుల భేటీ.. వారం రోజుల్లో మరోసారి..
స్పెషల్ పబ్లిక్ ప్రాసిక్యూటర్ గుజ్జుల నాగిరెడ్డి మీడియాతో మాట్లాడుతూ..”ఫోక్సో కోర్టులో వినోద్ జైన్‌కు పోక్సో కోర్టులో శిక్ష వేశారు. రూ.3 లక్ష రూపాయలు బాధిత కుటుంబాలకు ఇవ్వాలని ఆదేశించారు. లోటస్ లెజెండ్ అపార్ట్‌మెంట్‌లో బాలికను వినోద్ జైన్ వేధింపులకు గురి చేశారు. ఎవరికి చెప్పలేని విధంగా బాలికను లైంగికంగా వేధించారు.సూసైడ్ నోట్లో వినోద్ జైన్ అక్రమాలపై బాలిక స్పష్టంగా రాసింది. రెండూ పేజీల లేఖలో నిందితుడి అకృత్యాలను వెల్లడించింది. బాలిక మరణంతో బాధిత కుటుంబ సభ్యులు నేటికీ కోలుకోలేకపోతున్నారు. నగర పోలీసులను ప్రత్యేకంగా అభినందిస్తున్నాము. 2021 ఎన్నికల్లో టీడీపీ తరపున కార్పొరేటర్‌గా వినోద్ జైన్ పోటీ చేశారు. సమాజంలో పెద్ద మనిషిగా తిరుగుతూ బాలికపై లైంగిక వేధింపులకు పాల్పడ్డారు. పోలీసులు కేసును చాలా సీరియస్‌గా తీసుకున్నారు. సైంటిఫిక్ ఎవిడెన్స్ ఆధారంగా నిందితుడికి శిక్ష పడింది.” అని బాధితుల తరఫున వాదనలు వినిపించిన నాగిరెడ్డి తెలిపారు.
