Tamannaah : సాహసాలకు సిద్ధమైన తమన్నా..!

వైవిధ్యమైన పాత్రలతో ప్రేక్షకులను అలరిస్తూనే, ప్రత్యేక గీతాల్లో తన గ్లామర్‌తో కుర్రకారుని ఉర్రూతలూగిస్తున్న అందాల తార తమన్నా భాటియా. ఇక ఇప్పుడు ఓ ఆసక్తికరమైన ప్రాజెక్ట్‌తో వార్తల్లో నిలుస్తోంది. బాలీవుడ్ స్టార్ అజయ్ దేవగణ్‌తో కలిసి ఆమె నటిస్తున్న కొత్త సినిమా ‘రేంజర్’ (వర్కింగ్ టైటిల్) గురించి వార్తలు చాలాసార్లు బయటకొచ్చాయి. ఇప్పుడు ఈ చిత్రంపై అధికారిక వివరాలకు ముందే కొన్ని ఆసక్తికరమైన అప్‌డేట్ లు హల్‌చల్ చేస్తున్నాయి. యాక్షన్–అడ్వెంచర్ జానర్‌లో తెరకెక్కుతున్న ఈ చిత్రాన్ని జగన్ శక్తి దర్శకత్వం వహిస్తుండగా, వచ్చే ఏడాది డిసెంబర్ 4న థియేటర్లలో విడుదల చేయాలని చిత్రబృందం నిర్ణయించుకున్నట్లు తెలిసింది.

Also Read : Triptii Dimri: ఎన్టీఆర్ పై కన్నేసిన ‘స్పిరిట్’ బ్యూటీ !

ఈ సినిమాలో అజయ్ దేవగణ్ ఓ అటవీ అధికారిగా కనిపించబోతున్నాడట. అడవుల్లో సాగే మిషన్ నేపథ్యంలో సెట్ అయ్యే ఈ కథలో, తమన్నా కీలక పాత్రలో నటిస్తున్నారు. ప్రత్యేకంగా అడవిలో సాహసాలు చేసే ధైర్యవంత మహిళగా ఆమె పాత్ర ఉండబోతుందట. తమన్నా ఇప్పటివరకు చేయని రకమైన రోల్ ఇది కావడంతో, ఫ్యాన్స్‌ కూడా ఈ ప్రాజెక్ట్‌పై భారీ ఆసక్తి కనబరుస్తున్నారు. త్వరలోనే ఈ సినిమాకు సంబంధించి అధికారిక అనౌన్స్మెంట్, ఫస్ట్‌లుక్ విడుదల చేయాలని యూనిట్ సన్నాహాలు చేస్తోందని చిత్ర వర్గాలు వెల్లడించాయి.