Swayambhu : స్వయంభు కొత్త టీజర్ చూశారా.. నిఖిల్ భారీ హిట్ కొట్టేలా ఉన్నాడు

యంగ్ హీరో నిఖిల్ సిద్ధార్థ్ కెరీర్‌లోనే అత్యంత భారీ బడ్జెట్‌తో తెరకెక్కుతున్న పీరియాడికల్ యాక్షన్ డ్రామా ‘స్వయంభు’. భరత్ కృష్ణమాచారి డైరెక్ట్ చేస్తున్న ఈ సినిమా నిఖిల్ కేరీర్ లోనే భారీ బడ్జెట్ పై తెరకెక్కింది. ఇటీవల ఈ సినిమా టీజర్ విడుదలై ఆడియెన్స్ నుండి మంచి రెస్పాన్స్ తెచ్చుకుంది. అయితే, తాజాగా ఈ టీజర్‌ను చిత్రబృందం యూట్యూబ్‌లో మళ్లీ అప్‌లోడ్ (Re-upload) చేసింది.

డిజిటల్ రిలీజ్ సమయంలో తలెత్తిన చిన్నపాటి సాంకేతిక లోపం కారణంగా ఫస్ట్ రిలీజ్ చేసిన టీజర్ లో క్వాలిటీ చాలా నాసిరకంగా ఉంది. కానీ సమయాభావం వలన ఫస్ట్ టీజర్ ను లో క్వాలిటీతో రిలీజ్ చేసారు. ఈ నేపథ్యంలో మేకింగ్ క్వాలిటీపై సంతృప్తి చెందని మేకర్స్ మరోసారి హై క్వాలిటీతో చేంజెస్ చేసారు. ముఖ్యంగా సినిమాస్కోప్ వ్యూలో ఉండాల్సిన విజువల్ ఎఫెక్ట్స్ మరియు కలర్ గ్రేడింగ్‌లో లోపాలను సరిదిద్దారు. ఇప్పుడు రీస్టోర్డ్ HDR తో ఈ టీజర్‌ను సరికొత్తగా అప్‌లోడ్ చేయగా ప్రేక్షకులకు  దృశ్య అనుభూతిని అందించాలనే ఉద్దేశంతోనే ఈ నిర్ణయం తీసుకున్నట్లు పిక్సెల్ స్టూడియోస్ ప్రతినిధులు తెలిపారు. భరత్ కృష్ణమాచారి దర్శకత్వంలో రూపొందుతున్న ఈ సినిమాలో నిఖిల్ మునుపెన్నడూ లేని విధంగా ఒక  యోధుడి పాత్రలో కనిపిస్తున్నారు. సంయుక్త మీనన్, నభా నటేష్ కథానాయికలుగా నటిస్తున్న ఈ చిత్రానికి కె.కె. సెంథిల్ కుమార్ సినిమాటోగ్రఫీ మరియు రవి బస్రూర్ సంగీతం ప్రధాన ఆకర్షణగా నిలిచాయి. భారీ అంచనాలు ఉన్న స్వయంభు ఈ సమ్మర్ లో ప్రేక్షకుల ముందుకు రాబోతుంది.

Also Read : Sharwanand : శర్వానంద్ – శ్రీనువైట్ల మొదలు పెట్టబోతున్నారు