Surekha Vani : “వెంటనే డిలీట్ చేయండి.. లేదంటే జైలుకే!”: నటి సురేఖావాణి వీడియో వార్నింగ్

సోషల్ మీడియాలో తన వ్యక్తిగత వీడియో ఒకటి లీక్ కావడంతో జరుగుతున్న అసత్య ప్రచారాలు, వైరల్ అవుతున్న వీడియోపై ప్రముఖ సినీ నటి సురేఖావాణి తీవ్రస్థాయిలో విరుచుకుపడ్డారు. నిన్న రాత్రి నుంచి సామాజిక మాధ్యమాల్లో తనను లక్ష్యంగా చేసుకుని కొందరు ఇష్టారాజ్యంగా వీడియోలు, తప్పుడు రాతలు పోస్ట్ చేస్తున్నారని, ఇది తనను తీవ్ర మనస్తాపానికి గురిచేసిందని ఆమె ఆవేదన వ్యక్తం చేశారు. తమపై జరుగుతున్న ఈ డిజిటల్ దాడిపై సురేఖావాణి ఏమాత్రం ఉపేక్షించకుండా నేరుగా చట్టపరమైన పోరాటానికి దిగారు. తన అనుమతి లేకుండా అసభ్యకరంగా, వైరల్ చేస్తున్న వీడియోలపై ఆమె ఇప్పటికే తెలంగాణ సైబర్ క్రైమ్ విభాగంలో అధికారికంగా ఫిర్యాదు చేశారు. తక్షణమే స్పందించి అండగా నిలిచిన తెలంగాణ పోలీసు యంత్రాంగానికి ఆమె ప్రత్యేక కృతజ్ఞతలు తెలిపారు.

ఈ వ్యవహారంలో సురేఖావాణి ట్రోలర్లు, యూట్యూబ్ ఛానెళ్లకు గట్టి హెచ్చరిక జారీ చేశారు. సంబంధిత వీడియోలను అప్‌లోడ్ చేసిన వారు ఎవరికి వారే స్వచ్ఛందంగా డిలీట్ చేయాలని, అలా చేస్తేనే వారికి మంచిదని స్పష్టం చేశారు. ఇకపై తన అనుమతి లేకుండా, ఇష్టం లేకుండా ఎలాంటి దృశ్యాలు లేదా సమాచారాన్ని పోస్ట్ చేసినా సహించే ప్రసక్తే లేదని, వారిపై క్రిమినల్ మరియు లీగల్ కేసులు నమోదు చేయిస్తానని తీవ్రస్థాయిలో హెచ్చరించారు.