Sunrisers Hyderabad: సన్‌రైజర్స్ హైదరాబాద్ చేతికి ఆరంజ్, పర్పుల్ క్యాప్స్.!

Sunrisers Hyderabad: ఐపీఎల్ 2026 సీజన్‌లో సన్‌రైజర్స్ హైదరాబాద్ (Sunrisers Hyderabad) జట్టు అద్భుత ప్రదర్శనతో ప్రత్యర్థి జట్లకు చుక్కలు చూపిస్తుంది. వరుసగా 5 విజయాలతో టాప్ గేర్ లో దూసుకెళ్తుంది SRH జట్టు. కేవలం మ్యాచ్‌ల్లో గెలుపులతోనే కాకుండా, వ్యక్తిగత అవార్డుల పరంగా కూడా SRH ఆధిపత్యం చాటుతోంది. ప్రస్తుతం ఆరంజ్ క్యాప్, పర్పుల్ క్యాప్ రేసుల్లో టాప్‌ లో నిలిచారు.

బ్యాటింగ్ విభాగంలో అభిషేక్ శర్మ (Abhishek Sharma) అద్భుత ఫామ్‌లో కొనసాగుతున్నాడు. ఇప్పటివరకు 9 మ్యాచ్‌ల్లో ఏకంగా 209.35 స్ట్రైక్ రేట్ తో 425 పరుగులు చేసి ఆరంజ్ క్యాప్ రేసులో అగ్రస్థానంలో నిలిచాడు. ఇందులో ఒక సెంచరీ, మూడు హాఫ్ సెంచరీలతో జట్టుకు మంచి ఆరంభాలు అందిస్తున్నాడు. అతనికి తోడుగా అభిమానులు ముద్దుగా కాటేరమ్మ కొడుకుగా పిలుచుకునే హెన్రిచ్ క్లాసెన్ (Heinrich Klaasen) కూడా సూపర్ ఫామ్‌లో ఉన్నాడు. అతను 414 పరుగులతో రెండో స్థానంలో కొనసాగుతూ ఉన్నాడు. SRH ఇన్నింగ్స్ లో మిడిల్ ఓవర్లలో జట్టుకు స్థిరత్వాన్ని అందిస్తూ భారీ స్కోర్లను అందిస్తున్నాడు.

మరోవైపు బౌలింగ్ విభాగంలో ఈషాన్ మలింగా (Eshan Malinga) అద్భుత ప్రదర్శనతో పర్పుల్ క్యాప్‌ రేస్ లో మొదటి స్థానానికి దూసుకొచ్చాడు. 9 మ్యాచ్‌ల్లో 15 వికెట్లు తీసి టాప్‌లో నిలిచాడు. అతని బౌలింగ్ SRH విజయాల్లో కీలక పాత్ర పోషిస్తోంది. డెత్ ఓవర్లలో అతని యార్కర్లు, వేరియేషన్స్ ప్రత్యర్థి బ్యాటర్లను కట్టడి చేస్తున్నాయి. అలాగే బౌలింగ్‌లో ఈషాన్ మలింగా తర్వాత భువనేశ్వర్ కుమార్, జోఫ్రా ఆర్చర్ లు కూడా వికెట్ల వేటలో దూసుకొస్తున్నారు.