Sunny Leone Daughter: పదేళ్లకే సైంటిస్ట్గా మారినా సన్నీ లియోన్ కూతురు!
బాలీవుడ్ స్టార్ నటి సన్నీ లియోన్ తన ముగ్గురు పిల్లల పెంపకం విషయంలో ఎంత జాగ్రత్తగా ఉంటారో అందరికీ తెలిసిందే. తాజాగా ఆమె పెద్ద కుమార్తె నిషా కౌర్ వెబర్ (10) చేసిన ఒక పని నెటిజన్లను ఆశ్చర్యానికి గురిచేస్తోంది. నిషా కేవలం పదేళ్ల వయసులోనే ‘బూ బాక్స్’ (Boo box) అనే ఒక వినూత్నమైన వస్తువును కనిపెట్టి, దానికి అధికారికంగా పేటెంట్ హక్కులను కూడా పొందింది. ఈ విషయాన్ని సన్నీ లియోన్ స్వయంగా దర్శకురాలు ఫరా ఖాన్ యూట్యూబ్ వ్లాగ్లో వెల్లడించారు.
Also Read : Kanchana 4: హోలీ కానుకగా.. ‘కాంచన’ మూవీ ఫ్యాన్స్కు గుడ్ న్యూస్..
ఇది ఒక టూ-ఇన్-వన్ టిష్యూ హోల్డర్. సాధారణంగా మనం టిష్యూ వాడుకున్న తర్వాత వాటిని పారేయడానికి డస్ట్బిన్ కోసం వెతుకుతాం, లేదంటే ఎక్కడపడితే అక్కడ పడేస్తాం. దీనిని గమనించిన నిషా, ఒక టిష్యూ బాక్స్కు పక్కనే చిన్న చెత్త బుట్ట (Mini trash bin) కలిపి ఉండేలా ఈ ‘బూ బాక్స్’ను డిజైన్ చేసింది. అంటే టిష్యూ వాడుకున్న వెంటనే పక్కనే ఉన్న బిన్లో పడేయవచ్చు. దీనివల్ల ఇల్లు పరిసరాలు శుభ్రంగా ఉంటాయి.
ఈ ఆవిష్కరణ వెనుక ఉన్న అసలు కారణాన్ని సన్నీ వివరిస్తూ.. ‘ముంబైలోని దుమ్ము వల్ల నిషాకు తరచూ అలర్జీ వచ్చేది, తను టిష్యూలు వాడి ఎక్కడపడితే అక్కడ పడేస్తుంటే రోజూ తిట్టేదాన్ని. ఆ విసుగు నుంచే నిషాకు ఈ ఐడియా వచ్చింది. ఒక టిష్యూ బాక్స్కు ప్లాస్టర్తో డిస్పోజబుల్ కప్పును అతికించి అమ్మకు చూపించింది. అదే ఇప్పుడు ఒక కమర్షియల్ ప్రొడక్ట్గా మారి నిషాకు సంపాదనను కూడా తెచ్చిపెడుతోంది. పదేళ్లకే తన స్వశక్తితో డబ్బు సంపాదిస్తుంది’ అని నిషాను చూసి సన్నీ లియోన్ గర్వంగా ఫీలవుతున్నారు. 2017లో మహారాష్ట్రలోని లాతూర్ నుంచి నిషాను సన్నీ దత్తత తీసుకున్న సంగతి తెలిసిందే.