Houthi rebels: ఎర్ర సముద్రంలో వాణిజ్య నౌకలపై హౌతీ రెబల్స్ వరుస దాడుల చేస్తున్నాయి. దీంతో అమెరికా దాని 12 మిత్ర దేశాలు కలిసి ఈ ముఠాకు సీరియస్ వార్నింగ్ ఇచ్చాయి. దాడులు తక్షణమే ఆపకుంటే తమ మిలటరీకి పని చెప్పాల్సి ఉంటుందని హెచ్చరికలు జారీ చేశాయి. ఈ మేరకు 12 దేశాలు సంయుక్తంగా ఓ ప్రకటనను రిలీజ్ చేశాయి.
Read Also: Pannun murder plot: ఖలిస్తానీ పన్నూ కేసులో నిఖిల్ గుప్తా పిటిషన్ తిరస్కరించిన సుప్రీంకోర్టు..
అమెరికా, ఆస్ట్రేలియా, న్యూజిలాండ్, సింగపూర్, యూకే, బహ్రెయిన్, బెల్జియం, జర్మనీ, ఇటలీ, జపాన్, కెనడా, డెన్మార్క్, నెదర్లాండ్స్ దేశాలు ఈ ప్రకటనపై ఉమ్మడిగా సంతకాలు చేశాయి. ఇజ్రాయెల్-హమాస్ యుద్ధానికి ప్రతిస్పందనగా గతేడాది డిసెంబర్ 19 నుంచి ఇప్పటి వరకు హౌతీ రెబల్స్ ఎర్రసముద్రంలో 23 సరకు రవాణా నౌకలపై దాడి చేశాయి. ఈ నేపథ్యంలోనే 12 దేశాలు హౌతీ రెబల్స్ కు స్ట్రాంగ్ వార్నింగ్ ఇచ్చాయి.
Read Also: Covid-19 In US: అమెరికాలో కరోనా విజృంభణ.. నాలుగు రాష్ట్రాలకు మార్గదర్శకాలు జారీ
ఇప్పటికే అన్యాయంగా నిర్బంధించిన వాణిజ్య నౌకలతో పాటు సిబ్బందిని విడిచిపెట్టాలని ఆ ప్రకటనలో అమెరికా దాని మిత్ర దేశాలు స్పష్టం చేశాయి. ప్రాణాలకు, ప్రపంచ ఆర్థిక వ్యవస్థకు, ఈ ప్రాంతంలోని కీలకమైన జలమార్గంలో స్వేచ్ఛా వాణిజ్యాన్ని బెదిరించడం కొనసాగితే అందుకు పరిణామాలకు బాధ్యత వహించాల్సి ఉంటుందని ఆగ్రహం వ్యక్తం చేశాయి.
