Steve Smith: అతడి వల్లే నేను బీర్ తాగకుండానే వచ్చేశా..

యాషెస్ సిరీస్ 2023 టోర్నీ క్రికెట్ అభిమానులకు ఫుల్ భలే కిక్ ఇచ్చింది. మొదటి మ్యాచ్ నుంచి ఆఖరి మ్యాచ్ వరకూ ప్రతీ టెస్టు కూడా నువ్వా-నేనా అన్నట్లుగానే సాగింది. బెన్ స్టోక్స్ బజ్ బాల్ కాన్సెప్ట్‌కి, ప్యాట్ కమ్మిన్స్ కూల్ బాల్ కాన్సెప్ట్‌ దిమ్మతిరిగే ఆన్సర్ ఇచ్చింది. నాలుగో టెస్టు వర్షం కారణంగాడ్రాగా ముగియగా ఇంగ్లాండ్, ఆస్ట్రేలియా చెరో రెండేసి మ్యాచ్ లను గెలిచాయి. 2-2 తేడాతో యాషెస్ 2023 డ్రాగా ముగిసింది. అయితే, 2021లో 4-0 తేడాతో ఆస్ట్రేలియా యాషెస్ సిరీస్ ను గెలిచింది.

Read Also: Veerendra Babu Arrest: రేప్ కేసులో ప్రముఖ నటుడు అరెస్ట్

యాషెస్ సిరీస్ ముగిసిన తర్వాత ఇరు జట్ల ఆటగాళ్లు కలిసి సెలబ్రేట్ చేసుకోవడం ఆనవాయితీగా వస్తోంది. అయితే ఓవల్ టెస్టు తర్వాత ఇంగ్లండ్ ప్లేయర్లు, గంటల తరబడి డ్రెస్సింగ్ రూమ్‌కే పరిమితం కావడంతో ఈసారి బీర్ పార్టీ జరుగలేదు అని.. తాజాగా ఆసీస్ టెస్టు వైస్ కెప్టెన్ స్టీవ్ స్మిత్ చెప్పాడు. మేం చాలా సార్లు, ఇంగ్లండ్ డ్రెస్సింగ్ రూమ్ దగ్గరికి వెళ్లి తలుపులు కొట్టి పిలిచాం.. అక్కడ చాలా సేపటి నుంచి వెయిట్ చేస్తున్నాం.. బెన్ స్టోక్స్ వచ్చి, రెండు నిమిషాలు అని చెప్పి లోపలికి వెళ్లాడు.. రెండు గంటలైన రాలేదు.. ఇంకా వెయిట్ చేయడం కరెక్ట్ కాదని అక్కడ నుంచి వెళ్లిపోయినట్లు స్మిత్ పేర్కొన్నాడు.

Read Also: Pawan Kalyan: విశాఖపై కేంద్ర ప్రభుత్వం నజర్ పెట్టింది..

బీర్ తాగుతున్నామా? లేదా అనే విషయం పక్కనబెడితే, పరువు పోగొట్టుకోవడం ఇష్టం లేక వెళ్లిపోయినట్లు స్టీవ్ స్మిత్ తెలిపాడు. నా కెరీర్‌లో మొదటి సారి యాషెస్ సిరీస్ తర్వాత బీర్ పార్టీ జరుగలేదన్నాడు. ఇది సిగ్గు చేటు అంటూ స్టీవ్ స్మిత్ కామెంట్ చేశాడు. అయితే, దీనిపై ఇంగ్లండ్ టెస్టు కెప్టెన్ బెన్ స్టోక్స్ రియాక్ట్ అయ్యాడు. ఓ ఇంగ్లండ్ ప్లేయర్‌కి ఏదో ముఖ్యమైన పని పడింది.. అది అనుకున్నదానికంటే చాలా లేట్ అయింది అని తెలిపాడు. ఇక, నైట్ క్లబ్ పార్టీకి ఆసీస్ వైస్ కెప్టెన్ స్టీవ్ స్మిత్ హాజరు కాలేదు. ఆ రోజు రాత్రి జరిగిన నైట్ క్లబ్‌లో పార్టీకి కొందరు ఆస్ట్రేలియా ప్లేయర్స్ వెళ్లినట్లు తాను విన్నాను అని స్మిత్ పేర్కొన్నాడు.