Sri Lanka Squad: ఐపీఎల్ స్టార్‌లకు చోటు.. శ్రీలంక టీ20 ప్రపంచకప్ జట్టు ఇదే!

Sri Lanka Squad for T20 World Cup 2024: టీ20 ప్రపంచకప్ 2024 కోసం శ్రీలంక క్రికెట్ బోర్డు (ఎస్‌ఎల్‌సీ) తమ జట్టును ప్రకటించింది. 15 మందితో కూడిన జట్టును గురువారం ఎస్‌ఎల్‌సీ ప్రకటించింది. ఆల్ రౌండర్ వనిందు హసరంగా శ్రీలంక జట్టుకు నాయకత్వం వహించనున్నాడు. గత ఏడాది డిసెంబర్‌లో శ్రీలంక టీ20 కెప్టెన్‌గా హసరంగా ఎంపికైన విషయం తెలిసిందే. మిడిల్ ఆర్డర్ బ్యాటర్ చరిత్ అసలంక వైస్ కెప్టెన్‌గా బాధ్యతలు నిర్వర్తించనున్నాడు.

దాదాపు మూడు సంవత్సరాల తర్వాత ఈ ఏడాది జనవరిలో టీ20 ఫార్మాట్‌లోకి రీఎంట్రీ ఇచ్చిన ఏంజెలో మాథ్యూస్ టీ20 ప్రపంచకప్ జట్టులో చోటు దక్కించుకున్నాడు. మాథ్యూస్ పొట్టి ప్రపంచకప్‌లో ఆడడం ఇది ఆరోసారి కావడం గమనార్హం. మాజీ కెప్టెన్ దసున్ షనకతో పాటు ప్రస్తుత వన్డే సారథి కుసాల్ మెండిస్, ప్రస్తుత టెస్ట్ కెప్టెన్ ధనంజయ డి సిల్వా కూడా జట్టులో ఉన్నారు. ఇక ఐపీఎల్ స్టార్స్ మహేశ్ తీక్షణ, మతీషా పతిరణలు లంక జట్టుకు ఎంపికయ్యారు.

శ్రీలంక జట్టు:
వనిందు హసరంగ (కెప్టెన్), చరిత్ అసలంక (వైస్ కెప్టెన్), కుసాల్ మెండిస్, పాతుమ్ నిస్సంక, కమిందు మెండిస్, సదీర సమరవిక్రమ, ఏంజెలో మాథ్యూస్, దసున్ షనక, ధనంజయ డి సిల్వ, మహేశ్ తీక్షణ, దునిత్ నువనంత చౌశరమీర, దుష్మ్ నువనంత చౌరమీర, మతీషా పతిరనా, దిల్షన్ మదుశంక.
ట్రావెలింగ్ రిజర్వ్‌లు:
అసిత ఫెర్నాండో, విజయకాంత్ వియాస్కాంత్, భానుక రాజపక్సే, జనిత్ లియానాగే.