The Rajasaab : ప్రభాస్ ‘ది రాజా సాబ్’ క్లైమాక్స్ కోసం స్పెషల్ మహల్ ?

The Rajasaab : ‘సలార్‌’, ‘కల్కి 2898 ఏడీ’ చిత్రాల సక్సెస్‌ తర్వాత డార్లింగ్ ప్రభాస్‌ నుంచి వస్తున్న చిత్రం ది రాజాసాబ్. కమర్షియల్ చిత్రాల దర్శకుడు మారుతి దర్శకత్వం వహిస్తున్న ఈ చిత్రాన్ని టీజీ విశ్వప్రసాద్‌ నిర్మిస్తున్నారు. పాన్‌ ఇండియా రేంజ్‎లో విడుదల కానుంది. నిధి అగర్వాల్‌, మాళవిక మోహనన్‌ హీరోయిన్లుగా నటిస్తున్నారు. చిత్రీకరణ చివరి దశకు చేరుకుంది. మిగిలిన షూటింగ్‌ను వేగంగా పూర్తి చేసేందుకు మారుతీ టీమ్ కృషి చేస్తోంది. అయితే సినిమా సమ్మర్ కానుకగా ఏప్రిల్ 10న విడుదల కావాల్సి ఉంది. ఈ నేపథ్యంలో సినిమా గురించి పలు వార్తలు చక్కర్లు కొడుతున్నాయి.

Read Also:Dead Body in Parcel: చేసిందంతా చెల్లెలి భర్తే.. నిందితుడు చిక్కితే వీడనున్న చిక్కుముడులు!

ఈ సినిమాకు సంబంధించి ఎలాంటి వార్త వచ్చినా నెట్టింట్లో తెగ వైరల్ అవుతోంది. వచ్చే షెడ్యూల్ లో ఈ సినిమా క్లైమాక్స్ సీక్వెన్స్ ను ప్లాన్ చేస్తున్నారని.. ఈ సీక్వెన్స్ కోసం ప్రత్యేకంగా ఓ స్పెషల్ మహల్ సెట్ ను వేస్తున్నట్లు వార్తలు వినిపిస్తున్నాయి. ఈ స్పెషల్ మహల్ సెట్ లోనే ‘ది రాజా సాబ్’ క్లైమాక్స్‎లోని కీలక భాగాన్ని షూట్ చేస్తారట. ఈ సినిమాకు తమన్ మ్యూజిక్ అందిస్తున్నారు. పీపుల్‌ మీడియా ఫ్యాక్టరీ పతాకంపై టీజీ విశ్వప్రసాద్‌ ఈ సినిమాను నిర్మిస్తున్నారు. ఈ సినిమా పై ఇప్పటికే భారీ అంచనాలు ఉన్నాయి. ప్రస్తుతం ఈ చిత్ర షూటింగ్ నిర్విరామంగా జరుగుతుంది. ఇప్పటివరకు 80 శాతం షూటింగ్ పూర్తయింది. ఈ విషయాన్ని చిత్ర యూనిట్ మూడ్రోజుల కిందట అధికారికంగా ప్రకటించింది.

Read Also:GameChanger : పోకిరి, ఒక్కడు లాంటి మాస్ ఎంటర్టైనర్ ఈ గేమ్ ఛేంజర్ : శంకర్