SpaceX: స్పేస్ ఎక్స్ రాకెట్ సేఫ్ ల్యాండ్.. ఎలాన్ మస్క్ విషెస్

స్పేస్ ఎక్స్ 250వ రాకెట్‌ను సేఫ్ గా ల్యాండింగ్ చేసేసింది. తాజాగా ఫాల్కన్ 9 రాకెట్‌ను కాలిఫోర్నియా తీరంలో వాండెన్‌బర్గ్ స్పేస్ ఫోర్స్ బేస్ నుంచి సక్సెస్ ఫుల్ గా ప్రయోగించింది. ఐర్లాండ్‌కు చెందిన తొలి శాటిలైట్, దక్షిణ కొరియా నిఘా ఉపగ్రహాన్ని ఈ రాకెట్ ద్వారా ప్రయోగించారు. ఈ మొదటి దశ ఫాల్కన్ 9 రాకెట్.. వాండెన్‌బర్గ్‌లోని ల్యాండింగ్ జోన్ 4 దగ్గర సురక్షితంగా ల్యాండ్ అయింది. కాగా.. అంతరిక్షం నుంచి క్షేమంగా స్పేస్ ఎక్స్ ల్యాండింగ్ చేసిన రాకెట్‌లలో ఇది 250వది. ఈ సందర్భంగా స్పేస్ ఎక్స్ టీమ్ కి ఆ సంస్థ ఫౌండర్ ఎలాన్ మస్క్ విషెస్ చెప్పారు.

Read Also: Election Counting: రేపే నాలుగు రాష్ట్రాల్లో అసెంబ్లీ ఎన్నికల కౌంటింగ్..

ఈ ప్రయోగంలో మొత్తం 25 ఉపగ్రహాలను సదరు రాకెట్ తీసుకెళ్లింది. యూనివర్సిటీ కాలేజ్ డబ్లిన్ స్టూడెంట్స్ నిర్మించిన ఎడ్యుకేషనల్ ఐరిష్ రీసెర్చ్ శాటిలైట్-1 ఇందులో ఒకటి.. ఇక, దక్షిణ కొరియాకు చెందిన ఐదు ఉపగ్రాహాలను 2025 నాటికి అంతరిక్షంలోకి పంపించాలని స్పేస్ ఎక్స్ సంస్థ ఒప్పందం కుదుర్చుకోగా.. ప్రస్తుతం తొలి ఉపగ్రహాన్ని ప్రయోగించారు. ఇక, దక్షిణ కొరియాకు చెందిన 425 ప్రాజెక్ట్ ఈఓ/ఐఆర్ ఉపగ్రహం 1,700 పౌండ్లు (800 kg) ద్రవ్యరాశిని కలిగి ఉంది. ఇన్‌ఫ్రారెడ్, ఎలక్ట్రో-ఆప్టికల్ సామర్థ్యాలను కలిగి ఉంటుంది. నింగిలోకి గూఢచారి ఉపగ్రహాన్ని ఉత్తర కొరియా మోహరించినట్లు ప్రకటించిన కొద్ది రోజులకే దక్షిణ కొరియా శాటిలైట్ కూడా నింగిలోకి దూసుకెళ్లింది.

Congrats to the @SpaceX team on the 250th landing of a Falcon rocket
pic.twitter.com/U3KoKGmUOm

— Elon Musk (@elonmusk) December 2, 2023