హిందూ సంప్రదాయంలో అనేక నమ్మకాలు ఉన్నాయి. అలాంటిదే తుమ్ములపై కూడా ప్రజల్లో కొన్ని నమ్మకాలు ఉన్నాయి. చాలా మంది తుమ్ములను అశుభంగా భావిస్తారు. ప్రత్యేకించి ఏదైనా శుభకార్యాలు జరుపుతున్నప్పుడు.. ఎవరైనా తుమ్మితే అది చాలా అశుభకరమైనదిగా పరిగణిస్తారు. ఎక్కడికైనా వెళ్లే ముందు తుమ్మితే ఆగిపోయి, కొంత సమయం తర్వాత నీళ్లు తాగి బయటకు వెళ్లమని పెద్దలు చెబుతుంటారు. మంచి గురించి మాట్లాడేటప్పుడు ఒక్కసారి తుమ్మితే చెడిపోతుందనేది అపోహా మాత్రమే.. తుమ్మడం అనేది ఎప్పుడూ చెడ్డ శకునం కాదు.. ఒక్కోసారి మంచి సంకేతంగానూ భావిస్తారు.
Also Read : Ramakrishna: విశాఖ స్టీల్ ప్లాంట్కు నష్టం వెనుక కేంద్రం కుట్ర..!
సాధారణంగా ఎవరైనా ఇంటి నుంచి బయటకు వచ్చినప్పుడు ఆ సమయంలో ఎవరైనా తుమ్మితే అది మంచిది కాదని అనుకుంటారు. మీరు ఒక్కసారి మాత్రమే తుమ్మినట్లయితే, దీనిని పరిగణనలోకి తీసుకోవచ్చు. మీరు ఒకటి కంటే ఎక్కువసార్లు తుమ్మినట్లయితే, అది శుభప్రదంగా గుర్తంచవచ్చు. ప్రయాణంలో తుమ్మితే కొంత సమయం పాటు ప్రయాణాన్ని నిలిపివేసుకోవాలి.. పాలు మరిగేటప్పుడు తుమ్మడం కూడా డెంజర్. ఇది ఆరోగ్యానికి హానికరం అని మాత్రమే కాకుండా, మీ వ్యక్తిగత జీవితంలో గొప్ప నష్టానికి సంకేతంగా కూడా పేర్కొంటారు.
Also Read : Fevikwik Treatment: ఇదొక కొత్త టెక్నిక్.. కుట్లకు బదులు చిన్నారికి ఫెవిక్విక్తో వైద్యం
తుమ్ములు మానవులకే కాదు జంతువులకు కూడా మంచి-చెడు. ఏ జంతువు తుమ్మితే మంచిదో తెలుసా? ఏదైనా శుభకార్యం కోసం ఇంటి నుంచి బయటకు వెళ్లేటప్పుడు ఆవు తుమ్మితే ఆ పనిలో విజయం వరిస్తుంది. కుక్క ఒకటి కంటే ఎక్కువసార్లు తుమ్మితే, మీరు దానిని వింటే, అది మీకు చాలా మంచిది. దారిలో ఏనుగును చూడటం చాలా శుభప్రదంగా భావిస్తారు. అంతే కాదు ఏనుగు తుమ్ము శబ్దం వినడం మీ ఎదుగుదలకు ఎంతో సహాయపడుతుంది. అది మీకు గొప్ప శకునం. రోడ్డు మీద నడుస్తూనో, ముఖ్యమైన పని చేస్తున్నప్పుడో ఎవరైనా వెనుక నుంచి తుమ్మితే ఆ పని కచ్చితంగా కంప్లీట్ అవుతుంది. ఏదైనా ముఖ్యమైన పని కోసం ఇంటి నుంచి బయటకు వెళ్లేటప్పుడు మీరు 2 సార్లు కంటే ఎక్కువ తుమ్మినట్లయితే, మీరు సమస్య నుంచి తప్పించుకున్నారని అర్థం..
Also Read : Health Tips : శరీరానికి హాని కలిగించే ఆహారాలు ఏంటో తెలుసా..?
ఏదైనా వ్యాధితో బాధపడుతూ మందు వేసుకుంటూ తుమ్మితే ఆ రోగం త్వరలోనే నయమవుతుందని నమ్మకం వస్తుంది. మీరు దక్షిణం వైపు చూస్తూ తుమ్మితే చాలా మంచిది, ప్రత్యేకించి మీరు ప్రయాణానికి వెళ్లే ముందు ఇది జరిగితే, అది మంచిది. వాస్తు ప్రకారం, అగస్త్య మహర్షిని పశ్చిమ దిశకు అధిపతిగా భావిస్తారు. ఈ దిశలో శని ప్రభావం ఎక్కువ. ఈ దిశను సూర్యాస్తమయ దిశ అని కూడా అంటారు. ఈ దిశలో నిలబడి తుమ్మడం శుభప్రదంగా పరిగణించబడదు. ఇది సంపద నష్టానికి దారితీస్తుంది. ఈశాన్యంలో కూర్చుని తుమ్మడం చాలా శ్రేయస్కరం. త్వరలో మీ ఇంట్లో కొన్ని శుభాలు జరుగుతాయని ఇది సంకేతం. కానీ ఈశాన్య మూలలో ఉన్న గుడిపై కూర్చొని తుమ్మితే అది మీకు హాని చేస్తుంది. మీరు ఉత్తరం వైపు నిలబడి తుమ్మినా లేదా ఇతరులు తుమ్మినట్లు విన్నా కూడా అశుభం. మీరు త్వరలో ఎవరితోనైనా వివాదానికి దిగవచ్చని ఇది సూచిస్తుంది.
నోట్ : ఇంటర్నెట్ లో సేకరించిన సమాచారం ఆధారంగా ఈ వార్తను పబ్లిష్ చేస్తున్నాము. ప్రయత్నించే ముందు సంబంధిత నిపుణుల సలహాలను తీసుకోవాల్సిందిగా మనవి. తదుపరి జరిగే ఎలాంటి పరిణామాలకు Ntvtelugu.com బాధ్యత వహించదు.