ప్రముఖ స్టాండ్-అప్ కమెడియన్ కపిల్ శర్మ కెనడాకు చెందిన “క్యాప్స్ కేఫ్” గురువారం తెల్లవారుజామున మరోసారి కాల్పులతో దద్దరిల్లింది. కేఫ్ పై తొమ్మిది నుంmr పది బుల్లెట్లు పేలాయి. కాల్పుల్లో అద్దాలు ధ్వంసం అయ్యాయి. కాల్పులకు లారెన్స్ బిష్ణోయ్ గ్యాంగ్ బాధ్యత వహించింది. ఈ నెలలో కపిల్ శర్మ కేఫ్ లో జరిగిన కాల్పుల్లో ఇది రెండవ సంఘటన, మొత్తం మీద మూడవ సంఘటన. కాల్పుల్లో ఎవరికీ గాయాలు కాలేదు. ఈ సంఘటనకు సంబంధించిన వీడియో సోషల్ మీడియాలో వైరల్ అవుతోంది, దాడి చేసిన వ్యక్తి కారు లోపల నుంచి విచక్షణారహితంగా కాల్పులు జరుపుతున్నట్లు కనిపిస్తోంది. ఈ సంవత్సరం జూలై 10న, ఆగస్టు 7న కపిల్ శర్మ కెనడియన్ కేఫ్ పై మొదటిసారి కాల్పులు జరిగాయి. రెండు సార్లు కూడా కేఫ్ అద్దాలు పగిలిపోయాయి. ఈ సంఘటనల తర్వాత, కేఫ్ చాలా రోజులు మూసివేశారు.
