Samsung Galaxy S24: గెలాక్సీ ఎస్‌24పై భారీ డిస్కౌంట్‌.. ప్రత్యేక ఆఫర్స్ కూడా!

దక్షిణ కొరియాకు చెందిన ప్రముఖ మొబైల్ తయారీ దిగ్గజం ‘శాంసంగ్‌’ ఇటీవల ‘గెలాక్సీ ఎస్‌ 25’ సిరీస్‌ను లాంచ్ చేసిన విషయం తెలిసిందే. గెలాక్సీ ఎస్‌ 25, గెలాక్సీ ఎస్‌ 25 అల్ట్రా, గెలాక్సీ ఎస్‌ 25 ప్లస్‌ సిరీస్‌ ఫోన్లను కంపెనీ విడుదల చేసింది. ఎస్‌25 సిరీస్‌ లాంచ్ నేపథ్యంలో ఎస్‌ 24 ఫోన్ ధరలను కంపెనీ తగ్గించింది. బేస్‌ వేరియంట్‌పై రూ.10 వేల డిస్కౌంట్‌ ఇస్తోంది. శాంసంగ్‌ అధికారిక వెబ్‌సైట్లో ఇప్పటికే తగ్గింపు ధరలు అందుబాటులో ఉన్నాయి.

2024 జనవరిలో గెలాక్సీ ఎస్‌ 24, గెలాక్సీ ఎస్‌ 24 ప్లస్, గెలాక్సీ ఎస్‌ 24 అల్ట్రాను శాంసంగ్‌ లాంచ్‌ చేసింది. ఇందులో బేస్‌ వేరియంట్‌ ఎస్‌ 24 ధరల్ని కంపెనీ తగ్గించింది. 8జీబీ128జీబీ వేరియంట్‌ ధర రూ.74,999 కాగా.. రూ.10వేల డిస్కౌంట్‌ అనంతరం రూ.64,999కే అందుబాటులో ఉంది. 8జీబీ+256జీబీ వేరియంట్‌ ధర రూ.79,999 ఉండగా.. రూ.70,999కే లభించనుంది. 8జీబీ+512జీబీ ధర రూ.89,999 కాగా.. రూ.82,999కే లభిస్తుంది.

ప్రత్యేక డిస్కౌంట్లు కూడా శాంసంగ్‌ కంపెనీ అందిస్తోంది. హెచ్‌డీఎఫ్‌సీ బ్యాంక్‌ క్రెడిట్‌ కార్డ్‌ ద్వారా కొనుగోలు చేస్తే రూ.10వేలు ఇన్‌స్టంట్‌ డిస్కౌంట్‌ లభిస్తుంది. ఎస్‌ 24 బేస్‌ వేరియంట్‌ (8జీబీ128జీబీ)ను రూ.54,999కే ఇంటికి తీసుకెళ్లిపోవచ్చు. ఎంపిక చేసిన క్రెడిట్‌ కార్డులపై నో-కాస్ట్‌ ఈఎంఐ సదుపాయం ఉంది. అయితే శాంసంగ్‌ వెబ్‌సైట్‌ కంటే ఫ్లిప్‌కార్ట్‌లో ఎస్‌ 24 మొబైల్‌ ధర కాస్త ఎక్కువగా (రూ.66,999) ఉంది. బ్యాంక్‌ ఆఫర్స్ ద్వారా ఈ ధర కొంచెం తగ్గనుంది.