టాలీవుడ్ స్టార్ బ్యూటీ సమంత, బాలీవుడ్ సెన్సేషనల్ ఫిల్మ్ మేకర్ రాజ్ నిడిమోరు గత ఏడాది డిసెంబర్ 1న వివాహ బంధంతో ఒక్కటైన సంగతి తెలిసిందే. కోయంబత్తూరులోని ఈషా ఫౌండేషన్లో అత్యంత సన్నిహితుల మధ్య వీరి వివాహం జరిగింది. పెళ్లయిన నాటి నుండి ఈ జంట పర్సనల్ లైఫ్తో పాటు ప్రొఫెషనల్ లైఫ్లోనూ ఎంతో యాక్టివ్గా కనిపిస్తున్నారు. తాజాగా సమంత తన పేరుకు సంబంధించి తీసుకున్న ఒక నిర్ణయం ఇప్పుడు నెట్టింట హాట్ టాపిక్గా మారింది.
Also Read : OTT : ఈ వారం ఓటీటీ సినిమాలు ఇవే
సమంత తన ఇంటి పేరును మరోసారి మార్చుకోబోతుంది. సాధారణంగా పెళ్లి తర్వాత తమ ఇంటి పేరును మార్చుకోవడం చూస్తూనే ఉంటాం. గతంలో అక్కినేని నాగచైతన్యతో వివాహం తర్వాత సమంత తన పేరును ‘సమంత అక్కినేని’గా మార్చుకుంది సమంత. అయితే, విడాకుల తర్వాత మళ్లీ ‘సమంత రూత్ ప్రభు’గా పెట్టుకుంది. ఇప్పుడు రాజ్ నిడిమోరుతో కొత్త జీవితాన్ని ప్రారంభించిన సామ్, తన భర్త ఇంటి పేరును తన పేరు చివర చేర్చుకోవాలని నిర్ణయించుకుంది. ఆమె తన పేరును సమంత నిడిమోరుగా మార్చుకుంది. సమంత ప్రస్తుతం నటిస్తున్న లేటెస్ట్ యాక్షన్ ఎంటర్టైనర్ ‘మా ఇంటి బంగారం’. ఈ చిత్రానికి నందినీ రెడ్డి దర్శకత్వం వహిస్తుండగా, రాజ్ నిడిమోరు క్రియేటర్గా మరియు సహ నిర్మాతగా వ్యవహరిస్తున్నారు. ఈ సినిమా టైటిల్ కార్డ్స్లోనే ఆమె పేరును సమంత నిడిమోరుగా ప్రదర్శించబోతున్నారని ఇండస్ట్రీ వర్గాల టాక్. ఇప్పటికే విడుదలైన ఈ చిత్ర టీజర్ మరియు పోస్టర్లకు అదిరిపోయే రెస్పాన్స్ వచ్చింది. ఈ సినిమా ద్వారానే తన కొత్త పేరును ప్రపంచానికి పరిచయం చేయాలని సమంత భావిస్తున్నట్లు తెలుస్తోంది. మొత్తానికి భర్త మీద ఉన్న ప్రేమతో పేరు మార్చుకుంటున్న సమంత నిర్ణయంపై ఆమె అభిమానులు హర్షం వ్యక్తం చేస్తున్నారు.