పాన్ ఇండియా స్టార్ ప్రభాస్ నటించిన లేటెస్ట్ మూవీ సలార్..కేజీఎఫ్‌ సినిమాతో సంచలనం సృష్టించిన డైరెక్టర్‌ ప్రశాంత్ నీల్ ఈ సినిమాను తెరకెక్కించారు.. బాహుబలి సినిమాతో పాన్ ఇండియా స్టార్ గా మారిన ప్రభాస్ ఆ తరువాత వరుస సినిమాలు చేసారు. కానీ అవేమి బాహుబలి వంటి భారీ హిట్ అందించలేకపోయాయి.ఇక ఇదే సమయంలో కేజిఎఫ్ సినిమాతో విధ్వంసం సృష్టించిన ప్రశాంత్ నీల్ తో ప్రభాస్ సినిమా అనౌన్స్ చేయడం జరిగింది. మరి ప్రభాస్ రేంజ్ కటౌట్‌ కి.. ప్రశాంత్ నీల్ టేకింగ్‌కి ప్రేక్షకులకు పూనకాలు రావాల్సిందే.. సలార్ సినిమా విడుదలకు ముందు అందరికీ ఇదే అనిపించింది. అన్నట్టుగానే సలార్ పార్ట్-1 సీజ్‌ఫైర్‌ విడుదల తర్వాత బాక్సాఫీస్‌ దగ్గర దుమ్మురేపుతోంది. ఈ సినిమా చివరలోనే సలార్-2 గురించి అనౌన్స్ చేయడంతో శౌర్యాంగ పర్వంపై అంచనాలు మరింతగా పెరిగాయి. సెకండ్‌ పార్ట్ ఎప్పుడెప్పుడు వస్తుందా..అని అంతా ఆసక్తికరంగా ఎదురుచూస్తున్నారు. ఇలాంటి టైమ్‌లో హోంబలే ఫిలింస్‌ ఆసక్తికరమైన అప్‌డేట్‌ ను ఇచ్చింది.
సలార్-2 కి సంబంధించిన డైలాగ్ ప్రోమోను రిలీజ్ చేసింది.. శౌర్యాంగపర్వంలో ఎలాంటి అంశాలు ఉండొచ్చనే విషయాలపై హింట్‌ ఇస్తూ ఒక వీడియోను కాసేపటి క్రితం విడుదల చేసింది. అందులో ‘ ఒక పక్క ఆ కుర్చీ కోసం మొత్తం ఖాన్సర్‌ యుద్ధం చేయడానికి సిద్ధమైంది. ఇంకో పక్క వేలమంది శౌర్యాంగులు ఆ కుర్చీని తగలబెట్టేందుకు సిద్ధమయ్యారు. కానీ దేవా.. అదే కుర్చీని వరదా కు ఇస్తానని మాటిచ్చాడు. కానీ.. దాని మీద కూర్చునే హక్కు దేవాది.’ అంటూ సాగిన డైలాగ్ ప్రోమో అదిరిపోయింది. ఖాన్సర్‌ కుర్చీ మీద దేవా కూర్చుంటాడా.. లేక ఇచ్చిన మాట కోసం వరదా వెనుక నిలబడతాడా..అనే సందేహంతో పార్ట్2 పై ఈ ప్రోమో మరింత ఆసక్తిని పెంచేసింది. 34 సెకండ్ల నిడివితో ఉన్న ఈ ప్రోమో ఇప్పుడు సోషల్‌ మీడియా లో బాగా వైరల్‌గా మారింది.
