Russia–China: ముంచుకొస్తున్న మరో యుద్ధం.. తైవాన్పై దాడికి చైనాకు రష్యా సాయం..!
- Follow Us :
-
-
Add as a preferred
source on google
Russia–China: రష్యా – చైనాల మధ్య స్నేహం ఇప్పటిది కాదు. ప్రపంచంలో అగ్రరాజ్యానికి వ్యతిరేకంగా నిలిచిన రెండు కమ్యూనిస్టు దేశాలు ఇవి. ఇకపై ఈ రెండు దేశాల స్నేహం కేవలం ఆయుధ సరఫరాలకే పరిమితం అయినట్లు లేదని లీక్ అయిన దాదాపు 800 పేజీలు పత్రాలు చెబుతున్నాయి. ఈ పేపర్ లీక్లో ఈ రెండు దేశాల సంబంధంలో కొత్త, ప్రమాదకరమైన మలుపును వెల్లడించాయి. ఇంతకీ ఏంటా సంబంధం, ఈ రెండు దేశాల కొత్త సంబంధంతో ఏ దేశానికి మూడిందనేది ఈ స్టోరీలో తెలుసుకుందాం..
READ ALSO: అందంతో అదరగొడుతున్న ఫ్యాషన్ క్వీన్ క్రితి శెట్టి..
నివేదికలో సంచలన విషయాలు..
లండన్లోని రాయల్ యునైటెడ్ సర్వీసెస్ ఇన్స్టిట్యూట్ (RUSI) నివేదిక ప్రకారం.. చైనా తైవాన్పై వైమానిక దాడికి సిద్ధం కావడానికి రష్యా బీజింగ్కు సైనిక పరికరాలు, శిక్షణను అందిస్తోందని పేర్కొంది. పత్రాల ప్రకారం.. రష్యా చైనాకు అధిక ఎత్తులో ఉన్న పారాచూట్ వ్యవస్థలు, ఉభయచర ట్యాంకులు, సాయుధ సిబ్బంది వాహకాలు, ట్యాంక్ వ్యతిరేక తుపాకులను సరఫరా చేయడానికి అంగీకరించిందని వెల్లడించింది. వీటి ధర $210 మిలియన్లకు పైగా ఉంటుందని అంచనా. ఈ కొనుగోలు ఒప్పందంలో అన్ని వాహనాలు దాని కమ్యూనికేషన్లు, మందుగుండు సామగ్రిని కలిగి ఉండాలని చైనా రష్యాకు స్పష్టంగా పేర్కొందని తెలిపింది. ఇది సాధారణ కొనుగోలు కాదు, కానీ బాగా ప్రణాళికాబద్ధమైన తయారీలో భాగం అనిపిస్తుందని వెల్లడించింది.
రష్యా అసలు లక్ష్యం ఏంటి?
రష్యా – ఉక్రెయిన్ యుద్ధంలో మాస్కో చాలా కష్టాలు పడుతుందని విశ్లేషకులు అభిప్రాయం వ్యక్తం చేశారు. ఈ యుద్ధంలో రష్యాకు డబ్బు అవసరం చాలా ఉంది. చైనాకు ఆయుధాలు అమ్మడం ద్వారా తన ఖజానా నింపుకోవాలని అది కోరుకుంటోందని తెలిపారు. కానీ అసలు ఆట దీని కంటే పెద్దదని వాళ్లు చెబుతున్నారు. ఆసియా-పసిఫిక్లో అమెరికాను దృష్టి మరల్చడానికి, బీజింగ్ తైవాన్పై దాడి చేయాలని మాస్కో కోరుకుంటుందనే అభిప్రాయాన్ని వ్యక్తం చేస్తున్నారు.
ముప్పు ముంగిట తైవాన్..
2027 నాటికి తైవాన్పై దాడి చేయడానికి సిద్ధం కావాలని జి జిన్పింగ్ తన సైన్యాన్ని ఆదేశించారని అమెరికా నిఘా సంస్థలు ఇప్పటికే హెచ్చరించాయి. చైనా తనను తాను సూపర్ పవర్గా స్థాపించుకోవాలని కోరుకుంటోందని, అందుకు తైవాన్ దాని ప్రాథమిక లక్ష్యం అని అమెరికా నిఘా వర్గాలు పేర్కొంటున్నాయి. ఇప్పుడు రష్యా సాంకేతికత, పారాచూటింగ్ అనుభవం ఈ ప్రణాళికను 10-15 ఏళ్ల ముందుకు తీసుకెళ్లవచ్చని నిఘా వర్గాలు వెల్లడిస్తున్నాయి. ఇక్కడ విశేషం ఏమిటంటే ఉక్రెయిన్లో రష్యన్ పారాట్రూపర్లు ఘోరంగా విఫలమయ్యారు. హోస్టోమెల్ ఎయిర్ఫీల్డ్ను స్వాధీనం చేసుకోవాలనే వారి ప్రణాళిక ఘోరంగా విఫలమైంది. కానీ చైనా ఆ వైఫల్యం నుంచి నేర్చుకుంటోంది. బీజింగ్ తైవాన్పై దాడి చేస్తే, అది మొదట తన వైమానిక రక్షణలను నాశనం చేసి, ఆపై ఓడరేవులు, ఎయిర్ఫీల్డ్ల సమీపంలో సాయుధ వాహనాలను ల్యాండ్ చేయడానికి పారాట్రూపులను ఉపయోగిస్తుందని నివేదికలు సూచిస్తున్నాయి.
బలహీనతలను బలాలుగా మార్చుకుంటున్నాయి..
ఈ ఒప్పందంలో అత్యంత ప్రమాదకరమైన అంశం ఏమిటంటే చైనా – రష్యాలు రెండూ ఒకరి బలహీనతలను మరొకరు బలాలుగా మార్చుకుంటున్నాయి. చైనాకు అధునాతన సాంకేతికత ఉంది, రష్యాకు పోరాట అనుభవం ఉంది. దీంతో ఈ రెండు దేశాలు చేతులు కలిపి ఆసియా-పసిఫిక్లో ఒక పెద్ద యుద్ధానికి మార్గం సుగమం చేసే వాతావరణాన్ని సృష్టిస్తున్నాయని విశ్లేషకులు అభిప్రాయం వ్యక్తం చేస్తున్నారు. బీజింగ్ తైవాన్పై దాడి చేస్తే, అది కేవలం ఒక ద్వీప యుద్ధం కాదని, యునైటెడ్ స్టేట్స్, జపాన్, ఇతర మిత్రదేశాలను ఆకర్షించే ప్రపంచ సంఘర్షణ అవుతుందని చెబుతున్నారు.