PM-SYM: కేంద్ర పథకం.. నెలకు రూ.55 కడితే 60 ఏళ్ల తర్వాత రూ.3000 పెన్షన్.. 18 నుంచి 40 ఏళ్ల వరకు ఎవరైనా చేరొచ్చు

ప్రధాన మంత్రి శ్రమ యోగి మాన్‌ధన్ కేంద్ర ప్రభుత్వం (కార్మిక మంత్రిత్వ శాఖ) 2019 ఫిబ్రవరి‌లో ప్రారంభించిన స్వచ్ఛంద, సహకార పింఛన్ స్కీమ్. అసంఘటిత రంగం కార్మికులకు వృద్ధాప్యంలో ఆర్థిక భద్రత కోసం రూపొందించారు. దేశంలో సుమారు 42 కోట్ల అసంఘటిత కార్మికులు ఉన్నారు. ఈ స్కీమ్ ద్వారా 60 ఏళ్లు పూర్తయిన తర్వాత నెలకు రూ.3,000 హామీ పింఛన్ లభిస్తుంది. కేంద్ర ప్రభుత్వం మీ వాటాను 50:50 మ్యాచ్ చేస్తుంది.

Also Read:OnePlus 15T: వన్‌ప్లస్ 15T లాంచ్.. 7500mAh గ్లేసియర్ బ్యాటరీ, 100W ఛార్జింగ్

ఎవరు అర్హులు?

అసంఘటిత రంగం కార్మికులు (Unorganised Workers) అయి ఉండాలి. ఉదా: రిక్షా పుల్లర్లు, స్ట్రీట్ వెండర్లు, మిడ్-డే మీల్ వర్కర్లు, హెడ్ లోడర్లు, బ్రిక్ కిల్న్ కార్మికులు, కొబ్బరి కార్మికులు, రాగ్ పికర్లు, డొమెస్టిక్ వర్కర్లు, వాషర్‌మెన్, ల్యాండ్‌లెస్ లేబరర్లు, సొంత వ్యాపారులు, వ్యవసాయ కార్మికులు, నిర్మాణ కార్మికులు, బీడీ కార్మికులు, హ్యాండ్‌లూమ్ కార్మికులు, లెదర్ వర్కర్లు, ఆడియో-విజువల్ వర్కర్లు మొదలైనవారు.
వయస్సు 18 నుండి 40 సంవత్సరాల మధ్య ఉండాలి
నెలవారీ ఆదాయం రూ. 15,000 లేదా అంతకంటే తక్కువ ఉండాలి
అసంఘటిత రంగ కార్మికులై ఉండాలి
EPFO, ESIC లేదా NPS (ప్రభుత్వ నిధులతో నడిచేవి)లో సభ్యులై ఉండకూడదు
ఆదాయపు పన్ను చెల్లింపుదారు కాకూడదు.

తప్పని సరిగా ఉండాలి: ఆధార్ కార్డు + సేవింగ్స్ బ్యాంక్ ఖాతా / జన్ ధన్ ఖాతా (IFSC కోడ్‌తో).

ప్రయోజనాలు

60 ఏళ్లు పూర్తయిన తర్వాత: నెలకు రూ.3,000 హామీ పింఛన్ (DBT ద్వారా ఖాతాకు వస్తుంది).
కుటుంబ పింఛన్: సబ్‌స్క్రైబర్ మరణిస్తే భార్య/భర్తకు 50% (రూ.1,500) ఫ్యామిలీ పింఛన్ లభిస్తుంది.
ముందస్తు ఎగ్జిట్ / మరణం / డిసేబిలిటీ సందర్భాల్లో మీ వాటా + వడ్డీ (సేవింగ్స్ బ్యాంక్ రేటు లేదా ఫండ్ ఎర్నింగ్ ఏది ఎక్కువో) తిరిగి వస్తుంది.

ప్రతి నెలా ఎంత కాంట్రిబ్యూషన్ అవసరం?

ఈ పథకంలో మీరు చెల్లించే మొత్తం, మీరు ఏ వయస్సులో విరాళం ఇవ్వడం ప్రారంభిస్తారనే దానిపై ఆధారపడి ఉంటుంది.

నెలకు రూ. 55 నుండి ప్రారంభం (యువకులకు)
నెలకు రూ. 200 వరకు (సుమారు 40 ఏళ్ల వయస్సులో చేరేవారికి)

విశేషం ఏమిటంటే, ప్రభుత్వం మీ విరాళానికి పూర్తిగా సమానమైన మొత్తాన్ని అందిస్తుంది.
లబ్ధిదారుడు నెలవారీగా 50% వాటా చెల్లించాల్సి ఉంటుంది మరియు కేంద్ర ప్రభుత్వం కూడా అంతే వాటాను అందిస్తుంది.

Also Read:Story Board : అల్టిమేటం ఇచ్చిన అమెరికా.. ఎందుకు వెనక్కి తగ్గింది..? ఏమవుతుంది యుద్ధం ?

ఈ పథకానికి ఎలా దరఖాస్తు చేసుకోవాలి?

మీ ఆధార్ మరియు సేవింగ్స్ బ్యాంక్ ఖాతాతో CSCని సందర్శించండి.
ఆధార్ ఉపయోగించి బయోమెట్రిక్ ధృవీకరణను అందించండి.
ఆ తర్వాత ఆన్‌లైన్ రిజిస్ట్రేషన్ ఫారమ్‌ను పూరించండి.
మీరు మొదటి చందాను నగదు రూపంలో చెల్లించవలసి ఉంటుంది.
మీ బ్యాంక్ ఖాతా నుండి ఆటో-డెబిట్ సదుపాయాన్ని ఎంచుకోండి.
రిజిస్ట్రేషన్ విజయవంతమైన తర్వాత, మీ PM-SYM కార్డును స్వీకరించండి.