Credit Card: రికార్డు సృష్టించిన క్రెడిట్ కార్డు వినియోగం.. తొలిసారి రూ.1.4లక్షల కోట్ల వ్యయం

Credit Card: క్రెడిట్ కార్డ్ వినియోగం రికార్డు స్థాయిని తాకుతోంది. ఈ కార్డుల వ్యయం తొలిసారిగా రూ.1.4 లక్షల కోట్లు దాటింది. అయితే 2022-23లో, క్రెడిట్ కార్డ్ ఖర్చు నిర్దిష్ట పరిధిలోనే ఉంది. రిజర్వ్ బ్యాంక్ ఆఫ్ ఇండియా విడుదల చేసిన తాజాగా డేటాను విడుదల చేసింది. యువ కస్టమర్‌లు తమ కార్డుల ద్వారా ఇంటి అద్దె నుండి కిరాణా సామాగ్రి వరకు దాదాపు అన్నింటికీ చెల్లిస్తున్నారు. 2019-20 ఆర్థిక సంవత్సరంలో రూ.60,000 కోట్ల నుండి 2022-23 నాటికి రూ.1.2 లక్షల కోట్లకు క్రెడిట్ కార్డ్‌ల ద్వారా సగటు నెలవారీ ఖర్చు మూడేళ్లలో రెట్టింపు అవుతుందని RBI డేటా చూపుతోంది. ఈ ఏడాది మే నెలలో లావాదేవీ విలువ రికార్డు స్థాయిలో రూ.1.4 లక్షల కోట్లకు చేరుకుంది.

Read Also:Japan: జపాన్‌ అంతరిక్ష ప్రయోగం విఫలం.. రాకెట్‌ ఇంజిన్‌ పరీక్షల్లోనే పేలిపోయింది

UPI, డెబిట్ కార్డ్‌లు లేదా NEFT/RTGS వంటి ప్లాట్‌ఫారమ్‌లు వంటి ఇతర ప్రత్యామ్నాయ మోడ్‌లు ద్వారా గరిష్ట లావాదేవీలను చూస్తున్నప్పటికీ కూడా గత సంవత్సరం నుండి క్రెడిట్ కార్డుల వాడకం గరిష్టంగా పెరిగింది. గతంలో లేని అనేక వర్గాల ఖర్చులు ఇప్పుడు భారీగా విజృంభిస్తున్నాయని నిపుణులు చెబుతున్నారు. ఫ్లిప్‌కార్ట్, అమెజాన్ వంటి సంస్థలతో భాగస్వామ్యం కారణంగా ప్రతినెలా 2-2.5 లక్షల మంది కస్టమర్లు క్రెడిట్ కార్డ్‌లో చేరుతున్నారని తెలిపారు. గత 18 నెలలుగా ఈ ప్రక్రియ కొనసాగుతోంది. ఇవన్నీ కాకుండా ఇంతకుముందు క్రెడిట్ కార్డులను పొదుపుగా వాడే 30-40 ఏళ్ల వయసు వారు ఇప్పుడు విరివిగా ఉపయోగిస్తున్నారు. వాస్తవానికి, క్రెడిట్ కార్డ్‌లను ఉపయోగించడం వైపు కస్టమర్‌లను ఆకర్షిస్తున్నది రివార్డ్ పాయింట్‌లు, డిస్కౌంట్‌లు, ఇతర ఆఫర్ల సంఖ్య.

Read Also:MYTH: గ్రహణం సమయంలో బయటికి వెళితే నల్లగా మారతారా.. నిజమా ?

ఏప్రిల్‌లో 8.65 కోట్లతో పోలిస్తే మేలో 8.74 కోట్లకు మళ్లీ క్రెడిట్ కార్డుల సంఖ్య పెరిగింది. ఈ ఆర్థిక సంవత్సరం మొదటి రెండు నెలల్లో క్రెడిట్ కార్డులు దాదాపు 20 లక్షల మేర పెరిగాయి. ICICI సెక్యూరిటీస్ నివేదిక ప్రకారం, “FY23లో క్రెడిట్ కార్డ్‌ల నుండి ఖర్చులు రూ. 1.1 లక్షల కోట్ల నుండి రూ. 1.3 లక్షల కోట్ల వరకు ఉన్నాయి. మే 2023లో మొదటిసారిగా క్రెడిట్ కార్డ్ ఖర్చు రూ.1.4 లక్షల కోట్లకు చేరుకుంది. మే నెలలో ఒక్కో క్రెడిట్ కార్డుపై ఖర్చు చేసిన మొత్తం రూ.16,144 కోట్లు. అతిపెద్ద ప్రైవేట్ బ్యాంక్ HDFC బ్యాంక్ అత్యధిక సంఖ్యలో క్రెడిట్ కార్డ్‌లను ఉపయోగిస్తోంది. మే నెలలో హెచ్‌డిఎఫ్‌సి బ్యాంక్ కార్డ్ కౌంట్ 1.812 కోట్లుగా ఉంది. మొత్తం వ్యయంలో దీని క్రెడిట్ కార్డుల వాటా 28.5 శాతం.