Roshan Meka: తెలుగు చిత్ర పరిశ్రమలో ‘క్లాస్’, ‘మాస్’ ఆడియన్స్ను మెప్పించగల యంగ్ హీరోల్లో రోషన్ మేఖా ఒకరు. ‘పెళ్ళిసందడి’ సినిమాతో మంచి గుర్తింపు తెచ్చుకున్న ఈ యంగ్ హీరో, ఛాంపియన్ సినిమాతో మంచి సక్సెస్ అందుకున్నాడు. ఇప్పుడు తన తర్వాతి ప్రాజెక్టుల విషయంలో స్పీడ్ పెంచాడు. తాజాగా ఈ యంగ్ హీరో డైరెక్టర్ ఇంద్రగంటి మోహనకృష్ణ దర్శకత్వంలో ఒక సరికొత్త ప్రేమకథకు పచ్చజెండా ఊపినట్లు టాలీవుడ్ సర్కిల్లో జోరుగా ప్రచారం జరుగుతుంది.
READ ALSO: Andhra Pradesh Cabinet: ఏపీ కేబినెట్ కీలక నిర్ణయాలు.. 56 అజెండా అంశాలకు ఆమోదం..
దర్శకుడు ఇంద్రగంటి మోహనకృష్ణ అంటే ఆహ్లాదకరమైన ప్రేమకథలకు కేరాఫ్ అడ్రస్. ఆయన దర్శకత్వంలో వచ్చిన ‘అష్టా చమ్మా’, ‘సమ్మోహనం’ వంటి సినిమాల్లో ఉండే సున్నితమైన హాస్యం, లోతైన భావోద్వేగాలు ప్రేక్షకులను ఇట్టే కట్టిపడేస్తాయి. ఇప్పుడు రోషన్ మేఖా కోసం ఇంద్రగంటి ఒక ఫ్రెష్ అండ్ ఫీల్ గుడ్ లవ్ స్టోరీని సిద్ధం చేసినట్లు సమాచారం. రోషన్ ప్రస్తుతం శైలేష్ కొలను దర్శకత్వంలో ఒక ప్రేమ కథ చిత్రం చేస్తున్నాడు. ఇది ఒక ఇంటెన్స్ ఎమోషనల్ లవ్ స్టోరీగా తెరకెక్కుతుంది. ఈ సినిమా సెట్స్పై ఉండగానే, ఇంద్రగంటి ప్రాజెక్టును కూడా లైన్లో పెట్టడం విశేషం. ఒకవైపు శైలేష్ మార్క్ ఎమోషన్స్, మరోవైపు ఇంద్రగంటి మార్క్ లైట్-హార్టెడ్ రొమాన్స్.. ఇలా రెండు వైవిధ్యమైన ప్రేమకథలతో రోషన్ తన కెరీర్ను ప్లాన్ చేసుకుంటున్నాడని అంటున్నారు. ఈ కొత్త ప్రాజెక్ట్కు సంబంధించిన అధికారిక ప్రకటన ఇంకా రాలేదు. త్వరలోనే దీనికి సంబంధించిన అధికారిక ప్రకటన వచ్చే అవకాశం ఉందని సమాచారం. ఈ ప్రాజెక్టుకు సంబంధించి హీరోయిన్ ఎవరు, సంగీతం ఎవరు అందిస్తారు, అనే విషయాలపై ఇంకా సస్పెన్స్ కొనసాగుతోంది. ప్రస్తుతం ప్రీ-ప్రొడక్షన్ పనులు జరుపుకుంటున్న ఈ చిత్రం గురించి త్వరలోనే అఫీషియల్ అనౌన్స్మెంట్ వచ్చే అవకాశం ఉందంటున్నారు.
READ ALSO: The Kerala Story 2: “ది కేరళ స్టోరీ 2’కు సెన్సార్ షాక్: ఏకంగా 16 కట్స్!
