‘The Hundred’లో రోహిత్ శర్మ.! MI లండన్ ఘన విజయం.!

Rohit Sharma at The Hundred 2026: ఇంగ్లాండ్ తో టీమిండియా వన్డే సిరీస్ ముగిసినప్పటికీ.. ‘రోహిత్ శర్మ’ ఇంకా ఇంగ్లండ్‌లోనే ఉన్నారు. అక్కడ జరుగుతున్న ది హండ్రెడ్ (The Hundred) – 2026 టోర్నీ ప్రారంభ మ్యాచ్‌ను ప్రత్యక్షంగా వీక్షించారు. జూలై 21 నుంచి ప్రారంభమైన ఈ లీగ్‌లో MI లండన్ జట్టుకు మద్దతుగా ఓవల్ స్టేడియానికి వచ్చిన రోహిత్, జట్టు యజమాని నీతా అంబానీతో కలిసి మ్యాచ్‌ను ఆస్వాదించారు. ఇందుకు సంబంధించిన వీడియోలు ప్రస్తుతం సోషల్ మీడియాలో వైరల్‌గా మారాయి.

ఓవల్ స్టేడియానికి చేరుకున్న రోహిత్ శర్మకు అభిమానులు ఘన స్వాగతం లభించింది. స్టేడియం బయట ఆయనతో ఫొటోలు, సెల్ఫీలు దిగేందుకు అభిమానులు పోటీపడ్డారు. MI లండన్ కూడా రోహిత్ స్టేడియానికి వచ్చిన వీడియోలను తన సోషల్ మీడియా ఖాతాల్లో పంచుకుంది. ఇక మ్యాచ్ విషయానికి వస్తే.. ‘ది హండ్రెడ్ 2026’ తొలి మ్యాచ్‌లో MI లండన్, సన్‌రైజర్స్ లీడ్స్ జట్టును 7 వికెట్ల తేడాతో ఓడించింది. ముందుగా బ్యాటింగ్ చేసిన సన్‌రైజర్స్ లీడ్స్ 100 బంతులు పూర్తయ్యేలోపే 99 బంతుల్లో 143 పరుగులకు ఆలౌట్ అయింది.

MI లండన్ బౌలర్ రిచర్డ్ గ్లీసన్ 19 బంతుల్లో 25 పరుగులు ఇచ్చి 4 వికెట్లు, కెప్టెన్ సామ్ కరన్ 2 వికెట్లు తీయడంతో మరొక బాల్ మిగిలి ఉండగానే సన్‌రైజర్స్ లీడ్స్ 143 పరుగులకు ఆలౌట్ అయ్యింది. 144 పరుగుల లక్ష్యంతో బరిలోకి దిగిన MI లండన్‌కు ఆరంభంలో ఎదురుదెబ్బ తగిలింది. 44 బంతుల్లో 51 పరుగులకే విల్ జాక్స్, జేమ్స్ విన్స్, జేసన్ రాయ్ వికెట్లు కోల్పోయింది.

అయితే ఆ తర్వాత నికోలస్ పూరన్, సామ్ కరన్ అద్భుతంగా ఆడారు. ఇద్దరూ కలిసి కేవలం 40 బంతుల్లోనే అజేయంగా 93 పరుగుల భాగస్వామ్యం నెలకొల్పి రికార్డు సృష్టించారు. ఇది MI లండన్ తరఫున నాలుగో వికెట్‌కు నమోదైన అత్యధిక భాగస్వామ్యం ఇదే. నికోలస్ పూరన్ కేవలం 22 బంతుల్లోనే 5 సిక్సర్లు, 5 ఫోర్లతో 58 పరుగులతో అజేయంగా నిలిచాడు. మరోవైపు కెప్టెన్ సామ్ కరన్ 39 బంతుల్లో 60 పరుగులు చేసి అజేయంగా నిలిచాడు. ఈ పార్ట్నర్షిప్ కు MI లండన్ ఇంకా 16 బంతులు మిగిలి ఉండగానే.. కేవలం 84 బంతుల్లోనే లక్ష్యాన్ని ఛేదించి విజయాన్ని ఖాయం చేసుకుంది.

బ్యాటింగ్‌లో మెరుపులు మెరిపించడంతో పాటు ఫీల్డింగ్‌లో కూడా రెండు అద్భుతమైన క్యాచ్‌లు పట్టిన నికోలస్ పూరన్ కు ‘ప్లేయర్ ఆఫ్ ది మ్యాచ్’ అవార్డు లభించింది. పూరన్ ఆల్‌రౌండ్ ప్రదర్శనతో MI లండన్ ‘ది హండ్రెడ్ 2026’ సీజన్‌ను విజయంతో ప్రారంభించింది.

Lord's ➡️ The Oval

The Hitman is in attendance for the season opener! 😍#TheHundred 2026 👉 MI London vs Sunrisers Leeds | LIVE NOW! pic.twitter.com/5I9xYzOxrz

— Star Sports (@StarSportsIndia) July 21, 2026