Ola, Uber, Rapido Strike: ఓలా, ఉబర్, ర్యాపిడో వినియోగదారులకు షాక్.. రేపు దేశవ్యాప్తంగా బంద్

Ola, Uber, Rapido Strike: ఓలా, ఉబర్, ర్యాపిడో వంటి ప్రముఖ రైడ్-హైలింగ్ ప్లాట్‌ఫామ్‌లను ఉపయోగించే కస్టమర్లకు బిగ్ షాక్ తగిలే అవకాశం ఉంది. రేపు ( ఫిబ్రవరి 7న) రైడ్-హైలింగ్ ప్లాట్‌ఫామ్‌లకు చెందిన డ్రైవర్లు దేశవ్యాప్తంగా సమ్మెకు దిగనున్నారు. డ్రైవర్ల సమస్యలపై ప్రభుత్వ నిర్లక్ష్య వైఖరి, ఛార్జీల విధానాలపై తీవ్ర అసంతృప్తి వ్యక్తం చేస్తూ ఈ సమ్మె చేపట్టినట్లు డ్రైవర్స్ సంఘాలు వెల్లడించాయి. ఈ సమ్మె రేపు ఉదయం 6 గంటల నుంచి మధ్యాహ్నం 12 గంటల వరకు కొనసాగనుంది. ఈ సమయంలో రైడ్-హైలింగ్ సేవలు అందుబాటులో ఉండకపోవడంతో ప్రయాణికులు ఇబ్బందులు ఎదుర్కునే ఛాన్స్ ఉంది.

Read Also: PM Modi: లక్ష్యాలెప్పుడూ సులభంగా ఉండకూడదు.. ‘పరీక్షా పే చర్చ’’లో మోడీ సూచన

అయితే, కనీస బేస్ ఛార్జీలు ఖరారు చేయడం, వేతనాల్లో పారదర్శకత, పెరుగుతున్న ఖర్చులకు అనుగుణంగా ఆదాయం కల్పించడం లాంటి డిమాండ్లతో డ్రైవర్లు ఈ సమ్మెకు పిలుపునిచ్చారు. సమ్మె నేపథ్యంలో రేపు రైడ్-హైలింగ్ సేవలకు అంతరాయం కలగనుంది. తక్షణమే కనీస ఛార్జీలను ప్రకటించడం, వేతనాల్లో పారదర్శకత, అనవసర ఐడీ బ్లాక్‌లు నిలిపివేయడం, భద్రతా బీమా వంటి రక్షణలు కల్పించాలని కేంద్ర, రాష్ట్ర ప్రభుత్వాలని డ్రైవర్లు డిమాండ్ చేస్తున్నారు. డ్రైవర్ల ఆర్థిక ఒత్తిళ్లు, పని పరిస్థితులపై ప్రభుత్వ దృష్టిని ఆకర్షించడమే లక్ష్యంగా ఈ దేశవ్యాప్త సమ్మె చేస్తున్నట్లు తెలుస్తుంది.