RGV: 1990వ దశకంలో బాలీవుడ్ను అండర్వరల్డ్ ఏ విధంగా శాసించిందో అందరికీ తెలిసిందే. అప్పట్లో తెర వెనుక గ్యాంగ్స్టర్ల నీడలో చిత్ర పరిశ్రమ నడిచేదని, నిర్మాతలు, దర్శకులు బెదిరింపులకు గురయ్యేవారని ఎన్నో కథనాలు ప్రచారంలో ఉన్నాయి. అయితే దర్శకుడు రామ్ గోపాల్ వర్మ (ఆర్జీవీ) మాత్రం ఈ విషయంలో అందరినీ ఆశ్చర్యపరిచే నిజాలను వెల్లడించారు. తన ఆత్మకథ ‘గన్స్ అండ్ థైస్’ (Guns and Thighs) ప్రస్తావనలో ఆయన చేసిన వ్యాఖ్యలు ఇప్పుడు సోషల్ మీడియాలో వైరల్ అవుతున్నాయి.
READ ALSO: Asim Munir: ఇరాన్కు “యుద్ధ వేషం”, అమెరికాకు “సూట్”.. అసిమ్ మునీర్ డ్రెస్సింగ్ వెనక వ్యూహం..
దావూద్కు పుస్తకాన్ని అంకితం ఇవ్వాలనుకున్నా..
తన ఆత్మకథను అండర్వరల్డ్ డాన్ దావూద్ ఇబ్రహీంకు అంకితం ఇవ్వాలని నిర్ణయించుకున్నట్లు వర్మ వెల్లడించారు. “నేను ఆ పుస్తకాన్ని దావూద్కే అంకితం చేశాను, కానీ ప్రచురణకర్తలు భయపడి ఆయన పేరును తొలగించారు. ఒకవేళ దావూద్ ఇబ్రహీం లేకపోతే, నేను ‘సత్య’, ‘కంపెనీ’ వంటి ఐకానిక్ చిత్రాలను తీయగలిగే వాడిని కాదు. ఆయన వల్లే నేను బతుకుతున్నాను, అలాంటప్పుడు ఆయనకు ఎందుకు అంకితం ఇవ్వకూడదు?” అని ఆర్జీవీ ప్రశ్నించారు.
నాకు బెదిరింపులు రాలేదు..
బాలీవుడ్ ప్రముఖులు గ్యాంగ్స్టర్ల నుంచి బెదిరింపు ఫోన్ కాల్స్ వస్తున్నాయని భయపడేవారని, కానీ తనకు మాత్రం అలాంటి పరిస్థితి ఎప్పుడూ ఎదురుకాలేదని వర్మ పేర్కొన్నారు. “నాకు ఎప్పుడూ బెదిరింపులు రాలేదు. ఎందుకంటే అండర్వరల్డ్ వాళ్లకు నేను తీసిన ‘సత్య’, ‘కంపెనీ’ సినిమాలు అంటే చాలా ఇష్టం. ఆ సినిమాలు చూసి వారు నన్ను తమ ఆత్మబంధువులా భావించారు. అందుకే వాళ్లు నన్ను ఎప్పుడూ ఇబ్బంది పెట్టలేదు” అని ఆయన వివరించారు. అప్పట్లో గ్యాంగ్స్టర్ల జీవితాలపై తీసిన చిత్రాలకు స్వయంగా ఆ గ్యాంగ్స్టర్లే నిధులు సమకూర్చారని వర్మ సంచలన వాస్తవాన్ని బయటపెట్టారు. ‘సత్య’, ‘కంపెనీ’తో పాటు ‘షూటౌట్ ఎట్ వాడాలా’, ‘షూటౌట్ ఎట్ లోఖండ్వాలా’ వంటి చిత్రాలకు అండర్వరల్డ్ నుంచే పెట్టుబడులు వచ్చాయని ఆయన చెప్పారు. గతంలో వచ్చిన ‘దీవార్’, ‘ముకద్దర్ కా సికిందర్’ వంటి క్లాసిక్ సినిమాలకు కూడా ఇలాంటి మద్దతే ఉందని ఆయన అభిప్రాయపడ్డారు. అండర్వరల్డ్ అంటే కేవలం భయానికి మాత్రమే గుర్తు కాదని, తనకు క్రియేటివ్ ఇన్స్పిరేషన్ అని ఆర్జీవీ చెప్పారు.
READ ALSO: SS Rajamouli: ప్రపంచ సినిమాను ఏలబోతున్న ‘వారణాసి’.. ఇండియన్ సినిమా దిశను మార్చబోతున్న జక్కన్న!