Redmi A3: రెడ్ మీ నుంచి మరో స్మార్ట్ ఫోన్.. ధర, ఫీచర్స్?

ప్రముఖ మొబైల్ కంపెనీ రెడ్ మీ అదిరిపోయే ఫీచర్స్ తో మార్కెట్ లోకి కొత్త మొబైల్స్ ను తీసుకొని వస్తున్నారు.. ఈ కంపెనీ ఇప్పటివరకు తీసుకువచ్చిన అన్ని మొబైల్స్ కు మార్కెట్ లో మంచి డిమాండ్ ఉంది.. అయితే ఇప్పుడు మరో బడ్జెట్ ఫోన్ ను మార్కెట్ లోకి తీసుకొని వచ్చింది.. అదే రెడ్ మీ ఎ3.. ఈ ఫోన్‌ను ప్రేమికుల దినోత్సవం సందర్భంగా ఫిబ్రవరి 14వ తేదీన లాంచ్‌ చేయనున్నారు. ఈ ఫోన్ ఫీచర్స్, కాస్ట్ గురించి ఇప్పుడు వివరంగా తెలుసుకుందాం..

రెడ్‌మీ ఏ3 స్మార్ట్‌ ఫోన్‌ ఫీచర్ల విషయానికొస్తే ఇందులో 6.71 ఇంచెస్‌తో కూడిన ఐపీఎస్‌ ఎల్‌సీడీ డిస్‌ప్లేను అందించారు. 1600X720 పిక్సెల్స్‌ రిజల్యూషన్‌ ఈ స్క్రీన్‌ సొంతం. అలాగే 90 హెచ్‌జెడ్‌ రిఫ్రెష్‌ రేట్‌, కార్నింగ్ గొరిల్లా గ్లాస్‌ ప్రొటెక్షన్‌ ఈ స్మార్ట్‌ ఫోన్‌ ప్రత్యేకత.. 2.2 జీహెచ్‌జెడ్‌ ఆక్టా కోర్‌ మీడియాటెక్‌ హీలియో జీ36 చిప్‌సెట్‌ ప్రాసెసర్‌తో పనిచేస్తుంది. 12ఎన్‌ఎమ్‌ ప్రాసెస్‌ టెక్నాలజీని ఇందులో అందించారు.. అంతేకాదు ఆ ఫోన్ 4జీ కూడా సపోర్ట్ చేస్తుంది..

ఆండ్రాయిడ్‌ 13 ఆపరేటింగ్ సిస్టమ్‌తో పనిచేసే ఈ స్మార్ట్‌ ఫోన్‌ను 4జీబీ, 6జీ ర్యామ్‌, 128 జీబీ ఇంటర్నల్ స్టోరేజ్‌ వేరియంట్‌లో తీసుకొచ్చారు. ఎస్‌డీ కార్డు ద్వారా 1టీబీ వరకు ఇంటర్నల్‌ మెమోరీని పెంచుకోవచ్చు.. ఇక కెమెరాను చూస్తే.. 13 మెగాపిక్సెల్స్‌తో కూడిన రెయిర్‌ కెమెరాను ఇచ్చారు. అలాగే సెల్ఫీలు, వీడియో కాల్స్‌ కోసం 8 మెగాపిక్సెల్స్‌తో కూడిన ఫ్రంట్‌ కెమెరాను అందించారు. బ్లూటూత్‌ 5.0, ఎఫ్‌ఎమ్‌రేడియో వంటి కనెక్టివిటీ ఫీచర్స్‌ అందించారు… ఇంకా సెన్సార్ ను కూడా కలిగి ఉంటుంది. ధర విషయానికొస్తే.. పదివేలు లోపు ఉండవచ్చు అని చెబుతున్నారు..