యూపీఐ (UPI) లావాదేవీలకు సంబంధించి సెంట్రల్ రిజర్వ్ బ్యాంక్ (RBI) కీలక ప్రకటనలు చేసింది. రిజర్వ్ బ్యాంక్ యూపీఐ లావాదేవీల పరిమితిని పెంచింది. అంతేకాకుండా.. వినియోగదారుల కోసం ‘డెలిగేటెడ్ పేమెంట్స్’ అనే కొత్త ఫీచర్‌ను ప్రారంభించనున్నట్లు తెలిపింది. ఈ ఫీచర్ ద్వారా.. ఒక వ్యక్తి తన బ్యాంక్ ఖాతా నుండి యూపీఐ ద్వారా చెల్లింపు చేయడానికి మరొక వ్యక్తికి అధికారం ఇస్తుంది. ఇందులో.. రెండవ వ్యక్తి కోసం ప్రత్యేక బ్యాంక్ ఖాతాను యూపీఐకి లింక్ చేయాల్సిన అవసరం ఉండదు. అయితే.. ఈ ప్రక్రియకు ప్రాథమిక వినియోగదారు ఆమోదం అవసరం. దీని వల్ల దేశవ్యాప్తంగా డిజిటల్ చెల్లింపుల పరిధి, వినియోగం పెరుగుతుందని అంచనా వేస్తున్నట్లు రిజర్వ్ బ్యాంక్ గవర్నర్ శక్తికాంత దాస్ తెలిపారు. దీనికి సంబంధించి వివరణాత్మక ఆదేశాలు త్వరలో జారీ కానున్నాయి.
Read Also: Nagarjuna: శోభితా ధూళిపాళ చాలా హాట్‌గా ఉంది.. నాగార్జున షాకింగ్ కామెంట్స్ వైరల్
పన్ను చెల్లింపు పరిమితి పెంపు
అంతేకాకుండా.. యూపీఐ ద్వారా పన్ను చెల్లింపు పరిమితిని పెంచుతున్నట్లు రిజర్వ్ బ్యాంక్ ప్రకటించింది. ప్రస్తుతం.. యూపీఐ కోసం పన్ను చెల్లింపు పరిమితి రూ. 1 లక్ష ఉండేది. దానిని రూ. 5 లక్షలకు పెంచారు. మంగళవారం ప్రారంభమైన మానిటరీ పాలసీ కమిటీ (ఎంపిసి) మూడు రోజుల సమావేశంలో తీసుకున్న నిర్ణయాల గురించి ఆర్బీఐ గవర్నర్ శక్తికాంత దాస్ సమాచారం ఇచ్చారు.యుపిఐ దాని సులభమైన ఫీచర్ల కారణంగా చెల్లింపులకు అత్యంత ప్రాధాన్య పద్ధతిగా మారిందని ఆయన తెలిపారు.
శక్తికాంత దాస్ మాట్లాడుతూ.. ప్రత్యక్ష, పరోక్ష పన్ను చెల్లింపులు సాధారణమైనవి.. అధిక విలువైనవి. అందువల్ల ఒక్కో లావాదేవీకి యూపీఐ ద్వారా పన్ను చెల్లింపు పరిమితిని రూ.లక్ష నుంచి రూ.5 లక్షలకు పెంచాలని నిర్ణయించామన్నారు. దీనికి సంబంధించి అవసరమైన సూచనలు జారీ చేస్తామని పేర్కొన్నారు. ఆర్బీఐ ప్రకారం.. యూనిఫైడ్ పేమెంట్స్ ఇంటర్‌ఫేస్ (యుపిఐ) యూజర్ బేస్ 42.4 కోట్లకు చేరుకుంది. అయితే.. యూజర్ బేస్ మరింత విస్తరించే అవకాశం ఉంది.