Business Payments via Cards : వీసా, మాస్టర్‌కార్డ్‌లపై ఇక ఆ చెల్లింపులు నిషేధం

Rakesh Reddy

2 years ago

Business Payments via Cards : వీసా, మాస్టర్ కార్డ్ వంటి అంతర్జాతీయ చెల్లింపు వ్యాపారులకు భారతదేశంలో పెద్ద ఎదురుదెబ్బ తగిలింది. వీసా, మాస్టర్ కార్డ్‌లపై చర్యలు తీసుకుంటూ కార్డుల ద్వారా వ్యాపార చెల్లింపులను నిలిపివేయాలని రిజర్వ్ బ్యాంక్ కోరింది. చర్య తర్వాత రెండు చెల్లింపు వ్యాపారుల సీనియర్ అధికారులు సెంట్రల్ బ్యాంక్ అధికారులను కలిశారు. వీసా, మాస్టర్ కార్డ్ విలువ పరంగా కార్డ్ చెల్లింపులలో ఆధిపత్యం చెలాయిస్తాయి. ఫిబ్రవరి 8న రిజర్వ్ బ్యాంక్ ఈ చర్య తీసుకుంది. కార్డ్‌ల ద్వారా కంపెనీలు చేసే వ్యాపార చెల్లింపులను (వాణిజ్య చెల్లింపులు) నిలిపివేయాలని వీసా, మాస్టర్ కార్డ్‌లను రిజర్వ్ బ్యాంక్ కోరింది. తదుపరి నోటీసు వచ్చేవరకు బిజినెస్ పేమెంట్ సొల్యూషన్ ప్రొవైడర్స్ (BPSP) అన్ని లావాదేవీలను నిలిపివేయాలని రిజర్వ్ బ్యాంక్ వారిని కోరింది.

ఈ చర్య వెనుక గల కారణాలను రిజర్వ్ బ్యాంక్ ఇంకా వెల్లడించలేదు. అయితే, ఈ కార్డును ఉపయోగించి KYC చేయని వ్యాపారులకు చెల్లింపులు జరుగుతున్నాయని వార్తల్లో చెప్పబడింది. ఈ విషయం ఆర్బీఐని కలవరపెడుతోంది. ఇది కాకుండా రిజర్వ్ బ్యాంక్ కొన్ని పెద్ద లావాదేవీలలో మోసం, మనీలాండరింగ్‌ను అనుమానిస్తోంది. నిజానికి, బ్యాంకులు బడా కార్పొరేట్లకు ఇటువంటి కార్డులను జారీ చేస్తాయి. ఇవి బ్యాంకుల నుంచి పొందే క్రెడిట్ లైన్ల కింద కార్పొరేట్లకు అందుబాటులో ఉంటాయి. చిన్న కంపెనీలకు చెల్లింపులు చేయడానికి పెద్ద కార్పొరేట్లు ఈ కార్డులను ఉపయోగిస్తారు. కార్డుల ద్వారా వాణిజ్య చెల్లింపుల వ్యవస్థను ఉపయోగించి, పెద్ద కార్పొరేట్ సంస్థలు బ్యాంకుల నుండి పొందిన క్రెడిట్ లైన్ల నుండి KYC చేయని చిన్న కంపెనీలకు డబ్బు చెల్లించిన కొన్ని కేసులను RBI కనుగొంది. దీంతో మనీలాండరింగ్‌కు కార్డు మార్గాన్ని ఉపయోగిస్తున్నారని ఆర్‌బీఐ అనుమానం వ్యక్తం చేసింది.

ఆర్‌బిఐ చర్య తర్వాత, టాప్ పేమెంట్ వ్యాపారులు వీసా, మాస్టర్‌కార్డ్‌ల ఉన్నతాధికారులు బుధవారం ఆర్‌బిఐ అధికారులను కలిశారని కొన్ని మీడియా నివేదికలు పేర్కొంటున్నాయి. బిజినెస్ స్టాండర్డ్‌లోని ఒక నివేదిక ప్రకారం.. వీసా, మాస్టర్‌కార్డ్ టాప్ ఎగ్జిక్యూటివ్‌లు కార్పొరేట్ కార్డ్-టు-బిజినెస్ ఖాతా డబ్బు బదిలీల విషయంలో ఎలాంటి వ్యాపార నమూనాను అనుసరించాలో తెలుసుకోవాలనుకున్నారు. ఇందుకోసం ఆర్బీఐ ఉన్నతాధికారులను కలిశారు.