Rapido: స్విగ్గీ, జొమాటోకు పోటీగా ఫుడ్ డెలివరీ రంగంలోకి ర్యాపిడో ఎంట్రీ!

Rapido: ఫుడ్ డెలివరీ రంగం రోజురోజుకు విస్తృతంగా అభివృద్ధి చెందుతోంది. ఇష్టమైన ఆహార పదార్థాలను కేవలం కొన్ని నిమిషాల్లోనే ఇంటికి చేరవేయడం ద్వారా ఈ సేవలు ప్రజల మనసుల్లో ప్రత్యేక స్థానం సంపాదించుకున్నాయి. ప్రస్తుతానికి, ఈ రంగంలో ప్రముఖ సంస్థలు స్విగ్గీ (Swiggy), జొమాటో (Zomato) ఆధిపత్యాన్ని ప్రదర్శిస్తున్నాయి. అయితే, ఇప్పుడు మరో ప్రధాన ఆటగాడు ఈ రంగంలో అడుగుపెట్టేందుకు సన్నద్ధమవుతున్నట్లు సమాచారం. క్యాబ్ బుకింగ్ సేవల ద్వారా మంచి గుర్తింపు తెచ్చుకున్న ర్యాపిడో (Rapido) కూడా ఇప్పుడు ఫుడ్ డెలివరీ మార్కెట్‌లోకి ప్రవేశించవుతున్నట్లు సమాచారం.

Read Also: Rohit Sharma: 2027 వన్డే ప్రపంచకప్‌ రోహిత్‌ శర్మ ఆడాలి.. ఆస్ట్రేలియా దిగ్గజం కీలక వ్యాఖ్యలు

స్విగ్గీ, జొమాటోకు గట్టి పోటీ:

ప్రస్తుతం ఫుడ్ డెలివరీ విభాగంలో స్విగ్గీ, జొమాటో సంస్థలు మార్కెట్‌ను పూర్తిగా ఆక్రమించుకున్నాయి. అయితే, ఈ విభాగంలో ర్యాపిడో తనదైన వ్యూహంతో గట్టి పోటీని అందించేందుకు ప్రయత్నాలు ముమ్మరం చేస్తోంది. త్వరలోనే ఫుడ్ డెలివరీ సేవలను ప్రారంభించేందుకు సంబంధిత సంస్థలతో చర్చలు జరుపుతున్నట్లు సమాచారం. ఇప్పటికే పలు ప్రముఖ రెస్టారెంట్‌ల యజమానులతో సంస్థ ప్రతినిధులు సమావేశమైనట్లు తెలుస్తోంది.

కమిషన్ విధానంలో మార్పులు?

ప్రస్తుత ఫుడ్ డెలివరీ ప్లాట్‌ఫామ్స్ అమలు చేస్తున్న కమిషన్ విధానాన్ని సవాలు చేయాలనే ఉద్దేశంతో ర్యాపిడో వ్యాపార ప్రణాళికను సిద్ధం చేస్తోంది. ప్రస్తుతం స్విగ్గీ, జొమాటో రెస్టారెంట్ల నుంచి భారీ కమిషన్ వసూలు చేస్తున్నాయని వ్యాపారవేత్తలు చెబుతున్నారు. అయితే, ర్యాపిడో తక్కువ కమిషన్ విధానం ద్వారా రెస్టారెంట్ యజమానులను ఆకర్షించే అవకాశముంది. ఈ వ్యూహంతో, ర్యాపిడో త్వరలోనే ఫుడ్ డెలివరీ రంగంలో కీలక స్థానాన్ని ఆక్రమించే అవకాశాలున్నాయి.

Read Also: Jio OTT Plans: ఒక్క రీఛార్జ్ తో 12 OTT యాప్స్ కు ఫ్రీ యాక్సెస్.. OTT లవర్స్ ఓ లుక్కేయండి

ర్యాపిడో 2015లో క్యాబ్ బుకింగ్ సేవలను ప్రారంభించింది. కేవలం దశాబ్దంలోపే దేశంలోని రైడ్ షేరింగ్ విభాగంలో రెండో స్థానాన్ని పొందగలిగింది. ప్రస్తుతం దేశవ్యాప్తంగా 100కు పైగా నగరాల్లో ర్యాపిడో సేవలు అందుబాటులో ఉన్నాయి. ఇప్పటికే ద్విచక్ర వాహన సేవల ద్వారా వ్యక్తిగతంగా రెస్టారెంట్లకు డెలివరీ సేవలను అందిస్తోంది. ఇప్పుడు ఫుడ్ డెలివరీ రంగంలోకి ప్రవేశించి, 2025 నాటికి దేశవ్యాప్తంగా 500 నగరాలకు తన సేవలను విస్తరించాలనే లక్ష్యంతో ర్యాపిడో ముందుకు సాగుతోంది. దీనివల్ల వినియోగదారులకు మరిన్ని ఎంపికలు లభించడంతో పాటు, రెస్టారెంట్ యజమానులకు తక్కువ ఖర్చుతో మరింత లాభదాయకమైన డెలివరీ సేవలు అందించడానికి అవకాశం ఉంటుంది.

ర్యాపిడో ఈ రంగంలో ప్రవేశించడం ద్వారా, ఫుడ్ డెలివరీ మార్కెట్‌లో భారీ మార్పులు చోటు చేసుకునే అవకాశం ఉంది. తక్కువ ధర, వేగవంతమైన డెలివరీ, మెరుగైన కస్టమర్ సపోర్ట్ వంటి అంశాలతో ర్యాపిడో వినియోగదారులను ఆకట్టుకునే యత్నం చేయనుంది. మొత్తంగా, ర్యాపిడో ఎంట్రీ వల్ల ఫుడ్ డెలివరీ రంగంలో పోటీ పెరిగి వినియోగదారులకు ప్రయోజనం కలిగే అవకాశాలు ఎక్కువగా ఉన్నాయి. ఇప్పుడు ర్యాపిడో ఫుడ్ డెలివరీ మార్కెట్‌లో తనదైన ముద్ర వేసుకోగలదా? స్విగ్గీ, జొమాటోలను ఎదుర్కొనేందుకు సిద్దమైందా? అనేది ఆసక్తికరంగా మారింది.