Rakul Preet Singh: మధ్య వయసు గల వ్యక్తితో రొమాన్స్.. రకుల్‌ పోస్ట్ వైరల్!

Rakul Preet Singh Joins in DDPD 2 Shooting: ఇటీవలే తన బాయ్‌ఫ్రెండ్, నిర్మాత జాకీ భగ్నానిని వివాహం చేసుకున్న రకుల్‌ ప్రీత్‌ సింగ్‌.. ఫుల్ జోష్‌లో ఉన్నారు. సౌత్, నార్త్ సినిమాలతో బిజీ బిజీగా గడుపుతున్నారు. రకుల్‌ కీలక పాత్రలో నటించిన ఇండియన్‌ 2 విడుదలకు సిద్ధంగా ఉంది. తాజాగా ఆమె మరో కొత్త సినిమా సెట్స్‌లోకి అడుగుపెట్టారు. బాలీవుడ్‌ అగ్ర కథానాయకుడు అజయ్‌ దేవగణ్‌, రకుల్ జంటగా నటిస్తున్న సినిమా ‘దే దే ప్యార్‌ దే 2’. తాజాగా ఈ సినిమా చిత్రీకరణలో రకుల్ పాల్గొన్నారు. ఈ విషయాన్ని ఆమె ఇన్‌స్టా వేదికగా తెలిపారు.

‘నా ఫేవరెట్‌ సినిమా దే దే ప్యార్‌ దే 2 సెట్స్‌లో జాయిన్‌ అయ్యాను. చాలా హ్యాపీగా ఉంది’ అని రకుల్‌ ప్రీత్‌ సింగ్‌ ఇన్‌స్టాలో పేర్కొన్నారు. ఈ పోస్ట్ సోషల్ మీడియాలో వైరల్ అవుతోంది. 2019లో విడుదలైన రొమాంటిక్‌ కామెడీ ఎంటర్‌టైనర్‌ ‘దే దే ప్యార్‌ దే’కి కొనసాగింపుగా ఈ సినిమా వస్తోంది. సీక్వెల్‌కు అకివ్‌ అలీకి బదులుగా అన్షుల్‌ శర్మ తెరకెక్కిస్తున్నారు. ఈ సినిమాలో మధ్య వయసు గల ఆశిష్‌ అనే వ్యక్తి 20 ఏళ్ల ఆయేషా ప్రేమ కోసం పరితపిస్తుంటాడు. వయసుతో సంబంధం లేకుండా మొదలైన వీరిద్దరి ప్రేమ.. గెలిచిందో లేదో తెలియాలంటే మరికొన్ని రోజులు ఆగాల్సిందే.

Also Read: Saripodhaa Sanivaaram: హైదరాబాద్‌లో కొత్త షెడ్యూల్‌.. భారీ సెట్‌లో యాక్షన్‌ సీక్వెన్స్‌!

దే దే ప్యార్‌ దే 2ను భూషణ్‌ కుమార్, లవ్‌రంజన్‌ సంయుక్తంగా నిర్మిస్తున్నారు. ఈ చిత్రం వచ్చే ఏడాది మే 1న విడుదల కానుంది. ఇందులో అనిల్‌ కపూర్, మాధవన్‌ కీలక పాత్రలు పోషిస్తున్నారు. తొలి భాగంలో నటించిన టబు సీక్వెల్‌లోనూ నటిస్తారా? లేదా అన్నది తెలియాల్సి ఉంది. ఈ సినిమా చిత్రీకరణ తాజాగా ముంబైలో ప్రారంభమైంది.