Nani’s Saripodhaa Sanivaaram Shooting Update: నేచురల్ స్టార్ నాని హీరోగా, వివేక్ ఆత్రేయ దర్శకత్వంలో వస్తున్న సినిమా ‘సరిపోదా శనివారం’. ‘అంటే సుందరానికీ’ తర్వాత ఈ నాని, వివేక్ నుంచి వస్తున్న రెండో చిత్రం ఇది. డీవీవీ ఎంటర్టైన్మెంట్స్పై డీవీవీ దానయ్య, కళ్యాణ్ దాసరి ఈ సినిమాను నిర్మిస్తున్నారు. ఇందులో నాని సరసన ప్రియాంక అరుళ్ మోహన్ నటిస్తున్నారు. సరిపోదా శనివారం సినిమా ఆగస్టు 29న ప్రేక్షకుల ముందుకు వస్తోంది. పాన్ ఇండియా చిత్రంగా వస్తున్న ఈ చిత్రం తెలుగుతో పాటు తమిళం, కన్నడ, మలయాళం, హిందీ భాషల్లో విడుదల కానుంది.
సరిపోదా శనివారం చిత్ర షూటింగ్ చివరి దశలో ఉంది. ఈ సినిమా తాజాగా హైదరాబాద్లో కొత్త షెడ్యూల్ను ప్రారంభించుకుంది. ప్రత్యేకంగా సిద్ధం చేసిన ఓ భారీ సెట్లో నానిపై ఓ యాక్షన్ సీక్వెన్స్ను చిత్రీకరిస్తున్నారట. రామ్-లక్ష్మణ్ నేతృత్వంలో ఈ ఫైట్ సీక్వెన్స్ తెరకెక్కుతోందట. దాదాపు 10 రోజులకు పైగా ఈ షెడ్యూల్ సాగనున్నట్లు తెలుస్తోంది. మాస్ యాక్షన్ ఎంటర్టైనర్గా ఈ చిత్రం రానుంది.
Also Read: T20 World Cup 2024: ప్రపంచకప్లో నెదర్లాండ్స్ బోణీ.. ఇంగ్లండ్కు నిరాశ!
భిన్నమైన కథాంశంతో సరిపోదా శనివారం రూపొందుతోంది. మిగిలిన రోజుల్లో సాదాసీదాగా ఉంటూ.. శనివారం మాత్రమే తనలోని కోపాన్ని ప్రదర్శించే హీరో కథ ఇది. యాక్షన్ సహా వినోదానికి పెద్దపీట వేసినట్లు తెలుస్తోంది. ఇందులో తమిళ డైరెక్టర్ ఎస్జె సూర్య ప్రతినాయకుడిగా కనిపించనున్నాడు. ఈ చిత్రంకు జేక్స్ బిజోయ్ సంగీతం అందిస్తున్నారు. దసరా, హాయ్ నానిలతో బ్లాక్ బస్టర్ హిట్స్ కొట్టిన నాని.. సరిపోదా శనివారంతో హ్యాట్రిక్ ఖాతాలో వేసుకోవాలని చూస్తున్నాడు.
