Prabhas : షూటింగ్‌లో ప్రభాస్‌కు గాయం.. ‘ఫౌజీ’ సెట్స్‌లో ఏం జరిగింది?

ప్రస్తుతం గ్లోబల్ స్టార్ ప్రభాస్ వరుస సినిమాలతో ఫుల్ బిజీగా ఉన్నారు. అయితే ఇటీవల విడుదలైన ‘రాజా సాబ్’ సినిమా సమయంలో సోషల్ మీడియాలో ప్రభాస్ లుక్ అలాగే బాడీ లాంగ్వేజ్‌పై కొన్ని నెగటివ్ కామెంట్స్ వచ్చాయి. కొందరు నెటిజన్లు ఫేస్-స్వాప్ (Face-swap) టెక్నాలజీ వాడారని, ప్రభాస్ కష్టపడటం లేదని ట్రోల్ చేశారు. కానీ, తాజాగా జరిగిన ఒక సంఘటనతో ఈ ట్రోలర్స్ అందరికీ ఫ్యాన్స్ గట్టిగా సమాధానం ఇస్తున్నారు.

ప్రస్తుతం ప్రభాస్ హను రాఘవపూడి దర్శకత్వంలో ‘ఫౌజీ’ (Fauzi) సినిమా చేస్తున్నారు. ఈ సినిమాలోని ఒక కీలకమైన హార్స్ రైడింగ్ (గుర్రపు స్వారీ) సీక్వెన్స్ చిత్రీకరిస్తుండగా ప్రభాస్‌కు చిన్నపాటి గాయమైంది. గుర్రంపై నుంచి అదుపు తప్పి కింద పడటంతో చేతులకు స్వల్ప గాయాలయ్యాయి. ఈ వార్త తెలియగానే అభిమానులు ఆందోళన చెందారు, కానీ ఇది చిన్న గాయం మాత్రమేనని, ప్రభాస్ కోలుకున్నారని తెలియడంతో అంతా ఊపిరి పీల్చుకున్నారు. అయితే ఈ గాయం వార్తను చూపిస్తూ ఫ్యాన్స్ ట్రోలర్స్ పై విరుచుకుపడ్డారు.. ‘ప్రభాస్ ఎంత డెడికేషన్ తో పనిచేస్తున్నారో చెప్పడానికి ఇదే నిదర్శనం. డూప్స్ వాడకుండా రిస్కీ సీన్స్ చేస్తున్నప్పుడు ఇలాంటివి జరుగుతుంటాయి’ అంటూ సోషల్ మీడియాలో పోస్ట్‌లు పెడుతున్నారు ఫ్యాన్స్. ప్రభాస్ తన ఆరోగ్యం గురించి కూడా పటించుకోకుండా, సినిమాల కోసం ఎంత కష్టపడుతున్నారో ఈ సంఘటన ద్యారా తెలుస్తోంది. కాగా ప్రస్తుతం ప్రభాస్ ఒకట్రెండు రోజులు విశ్రాంతి తీసుకుని తిరిగి షూటింగ్‌లో పాల్గొననున్నారు. ‘ఫౌజీ’తో పాటు ‘స్పిరిట్’ సినిమాలను వీలైనంత త్వరగా పూర్తి చేసి, మరికొంత కాలం తన ఆరోగ్యంపై దృష్టి పెట్టాలని డార్లింగ్ భావిస్తున్నారు.