Padma Awards: అశ్విన్‌కు పద్మ శ్రీ, పిఆర్ శ్రీజేష్‌కు పద్మ భూషణ్..

కేంద్ర ప్రభుత్వం 2025 సంవత్సరానికి గానూ పద్మ అవార్డులను ప్రకటించింది. గణతంత్ర దినోత్సవం సందర్భంగా పద్మ అవార్డులను ప్రకటించారు. దేశంలోని అత్యున్నత పౌర పురస్కారాలలో పద్మ అవార్డును 3 విభాగాల్లో అందజేస్తారు. పద్మశ్రీ, పద్మభూషణ్, పద్మవిభూషణ్ పేరుతో ఇస్తారు. కళలు, సామాజిక సేవ, సైన్స్, ఇంజినీరింగ్, వ్యాపారం, పరిశ్రమలు, వైద్యం, సాహిత్యం, విద్య, క్రీడలు మరియు పౌరసేవ వంటి విభిన్న రంగాలలో ప్రతిభ చూపిన వారికి ఈ అవార్డులు అందిస్తారు. ఈ క్రమంలో పలువురు క్రీడాకారులకు పద్మ అవార్డులు దక్కాయి. భారత మాజీ హాకీ గోల్‌కీపర్ PR శ్రీజేష్‌కు పద్మభూషణ్.. ఆర్ అశ్విన్, ఫుట్‌బాల్ లెజెండ్ IM విజయన్‌లకు పద్మశ్రీ అవార్డులు లభించాయి. అంతేకాకుండా.. హర్విందర్ సింగ్, సత్యపాల్ సింగ్‌లకు పద్మశ్రీ అవార్డులు వచ్చాయి.

Read Also: Padma Awards : తెలుగు రాష్ట్రాలకు ఏడు పద్మ అవార్డులు.. ఎవరెవరికంటే ?

PR శ్రీజేష్‌
గతేడాది ఒలింపిక్స్‌లో భారత్‌కు వరుసగా రెండో కాంస్య పతకాన్ని అందించడంలో శ్రీజేష్ కీలక పాత్ర పోషించాడు. పారిస్‌లో జరిగే ఈవెంట్‌కు ముందు క్రీడ నుండి రిటైర్మెంట్ ప్రకటించాడు. ఆ తర్వాత.. శ్రీజేష్ భారత జూనియర్ పురుషుల జట్టుకు ప్రధాన కోచ్‌గా నియమితుడయ్యాడు .

ఆర్ అశ్విన్
క్రికెట్‌లో అశ్విన్‌ చేసిన సేవలకుగానూ పద్మశ్రీ అవార్డు లభించింది. ఆఫ్-స్పిన్నర్ 2024లో బోర్డర్-గవాస్కర్ ట్రోఫీ మధ్యలో రిటైర్మెంట్ ప్రకటించాడు. అశ్విన్ 106 టెస్టులు ఆడాడు.. 537 వికెట్లతో భారత ఫార్మాట్‌లో అత్యధిక వికెట్లు తీసిన బౌలర్‌గా నిలిచాడు.

IM విజయన్
IM విజయన్‌ను కూడా పద్మశ్రీ అవార్డు వరించింది. అతను భారతదేశపు అత్యుత్తమ ఫుట్‌బాల్ ఆటగాళ్ళలో ఒకరు. మాజీ కేరళ ఫార్వర్డ్ 2000-2004 సమయంలో భారత కెప్టెన్‌గా కూడా పనిచేశాడు. విజయన్ భారత్ తరఫున 72 మ్యాచ్‌లలో 29 అంతర్జాతీయ గోల్స్ చేశాడు.

హర్విందర్ సింగ్
పారాలింపియన్, 2024 పారాలింపిక్స్ బంగారు పతక విజేత హర్విందర్ సింగ్‌కు పద్మశ్రీ అవార్డు లభించింది. హర్విందర్ పురుషుల వ్యక్తిగత రికర్వ్ ఓపెన్ ఫైనల్‌లో పోలాండ్‌కు చెందిన లుకాస్జ్ సిజెక్‌ను ఓడించి పారిస్ పారాలింపిక్స్ 2024లో భారతదేశానికి 4వ బంగారు పతకాన్ని అందించాడు.

పద్మ అవార్డులు 2025: క్రీడల పూర్తి జాబితా
పీఆర్ శ్రీజేష్- పద్మభూషణ్
ఆర్ అశ్విన్ – పద్మశ్రీ
IM విజయన్ – పద్మశ్రీ
సత్యపాల్ సింగ్ – పద్మశ్రీ
హర్విందర్ సింగ్- పద్మశ్రీ