Poco F6 Deadpool Edition: ‘పోకో’ నుంచి లిమిటెడ్ ఎడిషన్‌ స్మార్ట్‌ఫోన్‌.. ‘డెడ్‌పూల్’ థీమ్‌ అదిరిపోయిందిగా!

Poco F6 Deadpool Edition Price in India: ఇటీవలి కాలంలో టెక్ మార్కెట్‌లో లిమిటెడ్ ఎడిషన్‌ స్మార్ట్‌ఫోన్‌ల సందడి ఎక్కువైంది. అన్ని మొబైల్ తయారీ కంపెనీలు లిమిటెడ్‌ ఎడిషన్ ఫోన్‌లను లాంచ్‌ చేస్తూ వస్తున్నాయి. ఈ క్రమంలో ప్రముఖ స్మార్ట్‌ఫోన్ తయారీ కంపెనీ ‘పోకో’.. ఇండియాలో కొత్త మోడల్‌ను లాంచ్‌ చేసింది. ‘డెడ్‌పూల్’ సినిమా ఆధారంగా ప్రత్యేకమైన డిజైన్‌‌తో రూపొందించిన కొత్త మోడల్‌ను విడుదల చేసింది. ఈ స్మార్ట్‌ఫోన్‌ పేరు.. ‘పోకో ఎఫ్‌6 డెడ్‌పూల్ లిమిటెడ్ ఎడిషన్’. డెడ్‌పూల్‌ ప్రాంచైజీలోని మూడో చిత్రం ‘డెడ్‌పూల్‌ అండ్‌ వుల్వరైన్‌’ విడుదల సందర్భంగా ఈ ఫోన్‌ను అందుబాటులోకి తీసుకొచ్చింది.

పోకో ఎఫ్‌6 ఫోన్‌ను మార్వెల్ సూపర్‌ హీరో డెడ్‌పూల్‌ థీమ్‌తో డిజైన్‌ చేశారు. కెమెరా చుట్టూ డెడ్‌పూల్‌ లోగోను అందించారు. కామిక్స్‌, మార్వెల్ మూవీస్‌ ఇష్టపడేవారికోసం ఈ లిమిటెడ్ ఎడిషన్‌ను కంపెనీ తీసుకొచ్చింది. ఇప్పటికే లాంచ్‌ అయిన ఈ ఫోన్‌ ఆగస్టు 7వ తేదీ నుంచి ఈ కామర్స్ దిగ్గజం ఫ్లిప్‌కార్ట్‌లో అందుబాటులో ఉంటుంది. 12జీబీ+256జీబీ స్టోరేజ్‌ వేరియంట్‌ ధర రూ.33,999గా ఉంది. అయితే బ్యాంక్‌ ఆఫర్‌లో భాగంగా రూ.4వేల డిస్కౌంట్‌ అనంతరం రూ.29,999కే సొంతం చేసుకోవచ్చు.

Also Read: BMW CE 04 Price: బీఎండబ్ల్యూ నుంచి ఎలక్ట్రిక్ స్కూటర్.. ధర తెలిస్తే మైండ్ బ్లాకే!

స్పెసిఫికేషన్‌లు:
# 6.67-ఇంచెస్1.5K (1,220×2,712 పిక్సెల్‌లు) రిజల్యూషన్
# అమోలెడ్‌ డిస్‌ప్లే, 120Hz వరకు రిఫ్రెష్ రేట్‌
# ఆండ్రాయిడ్ 14-ఆధారిత హైపర్‌ ఓఎస్‌
# స్నాప్‌డ్రాగన్ 8s Gen 3 SoC
# వెనకాల 50MP+8MP కెమెరాలు
# 20MP సెల్ఫీ కెమెరా
# 5,000mAh బ్యాటరీ
# 90W ఫాస్ట్ చార్జింగ్‌కు సపోర్ట్