PM Modi : తన వీడియో తానే చూసుకుని కంగుతిన్న మోడీ.. ఆయన్ను కూడా వదల్లేదు

PM Modi : ఆర్టిఫిషియల్ ఇంటెలిజెన్స్ సహాయంతో తయారు చేసిన ఫేక్ వీడియోల అంశాన్ని గత వారం ఒక కార్యక్రమంలో ప్రధాని నరేంద్ర మోడీ లేవనెత్తారు. ఇది మాత్రమే కాదు, ఈ సమయంలో తాను అలాంటి డీప్ ఫేక్ వీడియోను చూశానని, అందులో తాను గర్బా డ్యాన్స్ చేస్తున్నానని చెప్పాడు. చాలా మంది మహిళలతో గర్బా చేస్తున్న ప్రధాని నరేంద్ర మోడీ అంటూ ఆ వీడియో సోషల్ మీడియాలో షేర్ అవుతోంది. ప్రధాని మోడీ మాట్లాడుతూ, ‘నిజమేమిటంటే, నేను పాఠశాల వదిలిపెట్టినప్పటి నుండి గార్బా చేయలేదు. కానీ నేను కూడా డీప్‌ఫేక్ వీడియో బాధితుడిని అయ్యానంటూ ఆశ్చర్యం వ్యక్తం చేశారు.

ఇప్పుడు ఈ వ్యవహారంలో నిజం వెలుగులోకి వచ్చింది. నిజానికి ఆ వీడియో ఫేక్ కాదు కానీ డ్యాన్స్ చేస్తున్న వ్యక్తి ప్రధాని నరేంద్ర మోడీలా కనిపిస్తున్నాడు. వీడియోలో కనిపిస్తున్న వ్యక్తి ఇప్పుడు ముందుకు వచ్చి ఆ వీడియో ఫేక్ కాదని, నాదేనని చెప్పాడు. ఈ విధంగా ప్రధానమంత్రి నరేంద్ర మోడీ తన వీడియోగా షేర్ అవుతున్న వీడియోలో తాను లేనని చెప్పడం సరైనదే. అయితే ఇది డీప్‌ఫేక్ కూడా కాదు, ఇది ముంబై వ్యాపారవేత్త వికాస్ మహంతేకి చెందినది. అతడు అచ్చం పీఎం నరేంద్ర మోడీలాగే ఉంటాడు.

Read Also:quarrel over dress: అత్త అల్ట్రామోడ్రన్ కోడలు ట్రెడిషనల్.. పోలీసుల వద్దకు చేరిన పంచాయితీ

మలాద్‌లో ఉక్కు ప్యాకేజింగ్ వ్యాపారం నిర్వహిస్తుంటారు వికాస్ మహంతే. ఆయనను ఎవరైనా దూరం నుంచి చూస్తే ప్రధాని నరేంద్ర మోడీనే అనుకుంటారు. అతని రూపురేఖలు చూసి ప్రజలు తమ కార్యక్రమాలకు తరచూ ఆహ్వానిస్తుంటారు. అక్కడ నరేంద్రమోడీని పోలి ఉండటంతో ఆయన సెంటరాఫ్ అట్రాక్షన్ అవుతారు. పంకజ్ సోధా అనే వ్యక్తి లండన్లో నివసిస్తుంటాడు. అతను వికాస్ మహంతేని లండన్‌కు పిలిచాడు. దీపావళికి ముందు ఓ కార్యక్రమానికి ఆహ్వానించారు.

దీపావళికి ముందు జరిగిన ఇదే ఈవెంట్‌లో సోదా కుటుంబానికి చెందిన మహిళలతో వికాస్ మహంతే డ్యాన్స్ చేయగా దానికి సంబంధించిన వీడియో వైరల్‌గా మారింది. ఇది ప్రధాని నరేంద్ర మోడీకి సంబంధించిన వీడియోగా సోషల్ మీడియాలో షేర్ చేయడం ప్రారంభించింది. అది ప్రధాని నరేంద్ర మోడీకి కూడా చేరడంతో అది తన డీప్‌ఫేక్ వీడియో అని అనుకున్నారు. ఇప్పుడు వికాస్ మహంతే స్వయంగా ఆ వీడియో డీప్‌ఫేక్ కాదని, ప్రధాని నరేంద్ర మోడీని పోలి ఉన్న తనదని నిజం చెప్పాడు. ప్రధాని నరేంద్ర మోడీ కంటే 10 ఏళ్లు చిన్నవాడైన వికాస్ మహంతే స్వయంగా వీడియోను విడుదల చేసి నిజం చెప్పాడు.

Read Also:Telangana Elections 2023: ఐదు రాష్ట్రాల్లో తెలంగాణ టాప్.. రాజస్థాన్ కంటే ఎక్కువ సొత్తు ఇక్కడే సీజ్