సన్రైజర్స్ హైదరాబాద్ జట్టులో మంచి ఆటగాళ్లు ఉన్నప్పటికీ ప్లే ఆఫ్కు చేరకముందే నిష్క్రమిస్తుంది. ఇలాంటి క్రమంలో ఈసారి జరిగిన వేలంలో యాజమాన్యం ఆచితూచి మంచి ఆటగాళ్లను జట్టులోకి తీసుకుంది. ఆస్ట్రేలియా సారథి ప్యాట్ కమిన్స్, ట్రేవిస్ హెడ్, హసరంగా వంటి విదేశీ ఆటగాళ్లను జట్టులోకి తీసుకుంది. దీంతో ఈసారి సన్ రైజర్స్ జట్టు బలంగా కనిపిస్తుంది. ఇదిలా ఉంటే.. ఐపీఎల్ 2024 సీజన్ ప్రారంభానికి ముందు సన్రైజర్స్ హైదరాబాద్ యాజమాన్యం తమ జట్టుకు కొత్త సారథిని నియమించింది. 2023 వరల్డ్ కప్ సాధించడంలో కీలక పాత్ర పోషించిన ఆస్ట్రేలియా కెప్టెన్ ప్యాట్ కమిన్స్ కు పగ్గాలు అప్పజెప్పింది. ఇప్పటివరకు దక్షిణాఫ్రికా స్టార్ క్రికెటర్ ఐదెన్ మార్క్రమ్ కెప్టెన్ గా బాధత్యలు వహించాడు. కాగా.. అతన్ని తొలగించి.. కమిన్స్ కు కెప్టెన్సీ బాధ్యతలు అప్పజెప్పింది. అయితే కమిన్స్ ను రూ. 20.50 కోట్లు పెట్టి సన్ రైజర్స్ యాజమాన్యం కొనుగోలు చేసింది. అయితే ఈసారి ఎలాగైనా ఐపీఎల్ టైటిల్ గెలవాలనే కసితో యాజమాన్యం ఈ నిర్ణయం తీసుకుంది.
PM Narendra Modi: రేపు సంగారెడ్డి జిల్లాలో ప్రధాని మోడీ పర్యటన
కాగా, ఎస్ఆర్హెచ్ కీలక మార్పులతో బరిలోకి దిగుతోంది. గడిచిన రెండు సీజన్లలో ఎస్ఆర్హెచ్ ఇద్దరు కొత్త కెప్టెన్లతోనే బరిలోకి దిగింది. 2022లో కేన్ విలియమ్సన్, 2023లో మార్క్రమ్ ఆ జట్టుకు కెప్టెన్గా వ్యవహరించారు. ఇప్పుడు మూడో కొత్త కెప్టెన్ తో సన్రైజర్స్ బరిలోకి దిగుతోంది. ఇదిలా ఉంటే.. ఈ సీజన్లో హైదరాబాద్ జట్టు కోచింగ్ స్టాఫ్ను కూడా మార్చింది. హెడ్ కోచ్గా ఉన్న బ్రియన్ లారా స్థానంలో డానియల్ వెటోరి.. బౌలింగ్ కోచ్గా ఉన్న డేల్ స్టెయిన్ స్థానంలో జేమ్స్ ఫ్రాంక్లిన్ను నియమించుకున్నారు. ఇక సన్రైజర్స్ చివరగా ఐపీఎల్ టైటిల్ ను 2016లో డేవిడ్ వార్నర్ సారథ్యంలో గెలిచింది. అప్పటి నుంచి మళ్లీ గెలవలేదు. ఇక ఈ నెల 22 నుంచి ఐపీఎల్ ప్రారంభం కానుండగా, హైదరాబాద్ తన మొదటి మ్యాచ్ మార్చి 23న కోల్కతాతో తలపడనుంది.
AP High Court: టెట్, టీఆర్టీ పరీక్ష షెడ్యూల్ మార్చాలని ఏపీ హైకోర్టు ఆదేశం
