Site icon NTV Telugu

Pakistan Cricket: పాక్ క్రికెట్‌లో సంచలనం.. కెప్టెన్‌పై వేటు.. బాబర్‌కు బైబై.. జట్టులో ఊచకోతలు!

RAMAKRISHNA KENCHE
Pakistan Captaincy

Pakistan Captaincy

Pakistan Cricket: శ్రీలంకపై పాకిస్థాన్ భారీ స్కోర్ చేసింది. సొంత శ్రీలంక సొంత గడ్డపై పాక్ 212 పరుగులు సాధించింది. ఈ నేపథ్యంలో ఓ సంచలన వార్త బయటకు వచ్చింది. పాకిస్థాన్ క్రికెట్‌లో మరో పెద్ద మార్పుకు రంగం సిద్ధమవుతున్నట్లు తెలుస్తోంది. టీ20 వరల్డ్ కప్ ఫలితం ఎలా ఉన్నా, జట్టు కెప్టెన్ సల్మాన్ అలీ అఘా పదవి కోల్పోవడం ఖాయమనే వార్తలు వినిపిస్తున్నాయి. పాకిస్థాన్ క్రికెట్ బోర్డు వర్గాల సమాచారం ప్రకారం.. ఛైర్మన్ మొహ్సిన్ నక్వీ జట్టు ప్రదర్శనపై తీవ్ర అసంతృప్తిగా ఉన్నట్లు తెలుస్తోంది. “ఈసారి సెలెక్టర్లు, జట్టు మేనేజ్‌మెంట్, బోర్డు వర్గాలు టీమ్ ఆడుతుందని హామీ ఇచ్చారు. కానీ వరల్డ్ కప్‌లో ఆశించిన ఫలితాలు రాలేదు” అని ఒక విశ్వసనీయ వర్గాల సమాచారం తెలిపింది. సల్మాన్‌ను టీ20 కెప్టెన్సీ నుంచి తప్పించే నిర్ణయాన్ని నక్వీకి ఇప్పటికే తెలుసట. హెడ్ కోచ్ మైక్ హెస్సన్, సెలెక్టర్లతో కలిసి కొందరు సీనియర్ ఆటగాళ్లను సైతం టీమ్‌ నుంచి తప్పించనున్నారట. ఈ వరల్డ్ కప్ తర్వాత సల్మాన్ అలీ అఘాతో పాటు బాబర్ ఆజమ్, ఉస్మాన్ ఖాన్ వంటి కొందరు ఆటగాళ్లు తమ టీ20 అంతర్జాతీయ కెరీర్‌కు గుడ్‌బై చెప్పే అవకాశముందని వర్గాలు చెబుతున్నాయి. మరోవైపు.. కొత్త కెప్టెన్ ఎంపికపై కసరత్తు జరుగుతోంది. షాదాబ్ ఖాన్, షాహీన్ షా ఆఫ్రిది పేర్లు ప్రధానంగా పరిశీలనలో ఉన్నట్లు సమాచారం. అయితే.. ఇప్పటికే ఈ వార్తలు సోషల్ మీడియాలో వైరల్‌గా మారాయి. మీమ్స్ చక్కర్లు కొడుతున్నాయి.

READ MORE: Ajit Pawar Plame crash: అజిత్ పవార్ విమానం ఎలా కుప్పకూలింది.? AAIB సంచలన నివేదిక..

Exit mobile version