Aha Naa Pellanta : టీవీలోకి వచ్చేస్తున్న ఓటీటీ సూపర్ హిట్ కామెడీ సిరీస్..

రాజ్ తరుణ్ హీరో గా నటించిన జీ 5 ఒరిజినల్ వెబ్​ సిరీస్ అహ నా పెళ్లంట. ఓటీటీ జీ5 వేదికగా వీక్షకులను ఆకట్టుకున్న ఈ సూపర్​ హిట్​ కామెడీ వెబ్​ సిరీస్​ అహ నా పెళ్లంట బుల్లితెర ప్రేక్షకులను అలరించేందుకు జీ సినిమాలు వేదికగా ప్రసారం కానుంది.ఈ మొత్తం సీజన్​ని ఒక సినిమాగా అందించనుంది. జీ5లో అత్యధికంగా వీక్షించిన తెలుగు సిరీస్ గా అహ నా పెళ్లంట  ఫిబ్రవరి 29 గురువారం మధ్యాహ్నం 12 గంటలకు జీ తెలుగులో ప్రసారం కానుంది.ఓ మధ్యతరగతి కుటుంబానికి సంబంధించిన కథను ఓ పెద్ద ట్విస్ట్‌తో చెప్పే కథే అహ నా పెళ్లంట. ఈ సిరీస్​ కథ మొత్తం శీను (రాజ్ తరుణ్) చుట్టూ తిరుగుతుంది. స్కూల్లో జరిగిన సంఘటనతో జీవితంలో ఏ అమ్మాయిని చూడనని తండ్రికి మాటిస్తాడు శీను.కానీ, అనుకోకుండా మహా (శివానీ రాజశేఖర్​) శీను జీవితంలోకి వస్తుంది. తర్వాత ఊహంచని ట్విస్ట్​తో కథ మలుపు తిరుగుతుంది. అసలు శీను స్కూల్లో జరిగిన సంఘటన ఏంటి.. మహా, శీను జీవితాన్ని మారుస్తుందా..వీటికి సమాధానాలు తెలియాలంటే జీ సినిమాలులో సినిమాగా ప్రసారం కానున్న అహ నా పెళ్లంట సిరీస్ చూడాల్సిందే. ఓటీటీలో సబ్‌స్క్రిప్షన్ వల్ల చూడలేకపోయిన వారు బుల్లితెరపై ఎంచక్కా ఈ సిరీస్‌ను సినిమాగా చూసి ఎంజాయ్ చేయొచ్చు.

జీ5 ఒరిజినల్​ వెబ్ సిరీస్ అహ నా పెళ్లంటలో హీరో రాజ్ తరుణ్ తల్లిగా ప్రముఖ నటి ఆమని ముఖ్య పాత్ర పోషించింది. అలాగే నటుడు హర్షవర్ధన్ తండ్రి పాత్రలో నటించి ఆకట్టుకున్నారు. భావోద్వేగాల మేళవింపు గా రూపొందిన ఈ కామెడీ సిరీస్‌కు సంజీవ్ రెడ్డి దర్శకత్వం వహించారు. పక్కా ఫ్యామిలీ ఎంటర్‌టైనర్ అహ నా పెళ్లంట ఈ గురువారం మీ ముందుకు రాబోతుంది, తప్పక చూడండి అంటూ జీ తెలుగు తాజాగా ప్రకటించింది.ఇదిలా ఉంటే షార్ట్స్ ఫిల్మ్స్ ద్వారా పాపులర్ అయిన రాజ్ తరుణ్ ఉయ్యాల జంపాల సినిమాతో హీరోగా వెండితెరపై హీరోగా ఎంట్రీ ఇచ్చాడు.. ఆ మూవీలో చిన్నారి పెళ్లికూతురు ఫేమ్ అవికా గోర్ హీరోయిన్‌గా ఎంట్రీ ఇచ్చింది. ఈ సినిమా బాక్సాఫీస్ వద్ద సూపర్ హిట్‌గా నిలిచింది. దీంతో రాజ్ తరుణ్ హీరోగా మంచి గుర్తింపు పొందాడు.తర్వాత సినిమా చూపిస్తా మావ,కుమారి 21 ఎఫ్ మూవీస్‌తో మంచి హిట్స్ అందుకున్నాడు.ఇటీవల నాగార్జున నటించి సూపర్ హిట్ కొట్టిన నా సామిరంగ సినిమాలో రాజ్ తరుణ్ కీలక పాత్ర పోషించాడు. ఇక జీవిత, రాజశేఖర్ దంపతుల కూతురిగా శివాని రాజశేఖర్ హీరోయిన్ గా ఎంట్రీ ఇచ్చింది.ఇటీవల కోటబొమ్మాళీ పీఎస్ సినిమాతో ఈ భామ అద్భుత విజయం అందుకుంది.