RRR for Oscars : రాజమౌళి ఆశలు ఫలించేనా.? ట్రిపుల్ఆర్‎కు ఆస్కార్ దక్కేనా.. ?

RRR for Oscars : దర్శకధీరుడు రాజమౌళి తాను నిర్మించిన ట్రిపుల్ఆర్ సినిమాకు ఆస్కార్ దగ్గాలని కష్టపడుతున్నారు. ఇండియన్ మూవీగా భారతదేశ ప్రభుత్వం నుంచి అధికారికంగా ఆస్కార్ కి నామినేట్ అవుతుందని అందరూ అనుకున్నారు. కానీ ట్రిపుల్‎ఆర్ కాకుండా ఆస్కార్‌కి గుజరాతీ మూవీ ‘ది లాస్ట్ మూవీ షో’ని నామినేట్ చేసి అందరికి షాక్ ఇచ్చింది. అయితే జనరల్ ఎంట్రీ ద్వారా నామినేషన్స్ నిలవడానికి రాజమౌళి బృందం.. కొన్ని రోజులుగా ఆస్కార్ క్యాంపెయిన్ చేస్తున్న సంగతి విధితమే. ఈ క్రమంలో ‘RRR’ సినిమాకి డిసెంబర్ 21 ముఖ్యమైన రోజు. నేడు జ్యూరీ ఆస్కార్ నామినేషన్స్ జాబితా రాబోతుంది. ప్రతి క్యాటగిరీ నుంచి మొత్తం 15 షార్ట్ లిస్ట్ చేయనున్నారు. ఆ తరువాత 2023 జనవరి 24న, షార్ట్ లిస్ట్ చేసిన 15 నుంచి మళ్లీ ప్రతి క్యాటగిరీలో 5 షార్ట్ లిస్ట్ చేస్తారు. ఫైనల్ విన్నెర్స్ ని 2023 మార్చి 12న ప్రకటించనున్నారు. మరి ఈ లిస్ట్ లో RRR స్థానం దక్కించుకుందో లేదో చూడాలి. టాలీవుడ్ స్టార్ హీరోలు జూనియర్ ఎన్టీఆర్, మెగా పవర్ స్టార్ రామ్ చరణ్ కలిసి నటించిన భారీ మల్టీస్టారర్ ‘ RRR’. భారతీయ సినిమాగా విడుదలైన ఈ సినిమా ప్రపంచ సినీ వేదికలో కూడా మంచి ప్రజాధారణ సంపాదించుకుంది. అంతేకాదు అంతర్జాతీయ పురస్కారాల్లో కూడా అవార్డులను అందుకుంటూ హాలీవుడ్ చిత్రాలకి పోటీగా నిలిచింది. అయితే ఎన్ని అవార్డులు అందుకున్న RRR గురి అంతా ఆస్కార్ ని గెలుచుకోవడమే.