OPPO K14 Lite Launch Date: ప్రముఖ స్మార్ట్ఫోన్ బ్రాండ్ ఒప్పో (OPPO) భారత్లో మరో కొత్త K-సిరీస్ స్మార్ట్ఫోన్ను విడుదల చేసేందుకు సిద్ధమైంది. ఒప్పో కే14 లైట్ (OPPO K14 Lite) పేరుతో వస్తున్న ఈ ఫోన్ను సెప్టెంబర్ 16, 2026న మధ్యాహ్నం 12 గంటలకు భారత మార్కెట్లో అధికారికంగా లాంచ్ చేయనుంది. రోజువారీ వినియోగంతో పాటు ఎక్కువ కాలం మన్నిక కోరుకునే వినియోగదారులను లక్ష్యంగా చేసుకుని ఈ ఫోన్ను తీసుకొస్తోంది కంపెనీ.
ఒప్పో కే14 లైట్లో 7,000mAh బ్యాటరీ అందించనుంది. ఎక్కువసేపు ఫోన్ను ఉపయోగించే వారికి ఇది ఉపయోగకరంగా ఉండనుంది. ఈ బ్యాటరీ సుమారు ఆరు సంవత్సరాల పాటు మన్నికగా పనిచేసేలా రూపొందించినట్లు కంపెనీ వెల్లడించింది. ఇంకా ఈ స్మార్ట్ఫోన్లో 120Hz అల్ట్రా బ్రైట్ డిస్ప్లే ఉంటుంది. అధిక రిఫ్రెష్ రేట్ కారణంగా స్క్రోలింగ్, యానిమేషన్లు, ఇతర రోజువారీ పనులు స్మూత్గా ఉండే అవకాశం ఉంది. అలాగే బయట ప్రకాశవంతమైన వాతావరణంలో స్క్రీన్ను సులభంగా చూడటానికి డిస్ప్లేను రూపొందించారు.
మన్నిక విషయంలోనూ ఈ మొబైల్ పై కంపెనీ ప్రత్యేకంగా దృష్టి పెట్టింది. ఈ ఫోన్కు IP64 రేటింగ్ లభించింది. దీంతో దుమ్ము, రోజువారీ వినియోగంలో ఎదురయ్యే నీటి చినుకులు, స్వల్ప స్ప్లాష్ల నుంచి రక్షణ లభించనుంది. సాఫ్ట్వేర్ పరంగా ఈ స్మార్ట్ఫోన్ కలర్ఓఎస్ 16తో నేరుగా అందుబాటులోకి రానుంది. మెరుగైన సిస్టమ్ పనితీరు, స్మూత్ ఆపరేషన్, కొత్త ఇంటర్ఫేస్ ఫీచర్లను ఇందులో అందించనున్నట్లు సమాచారం.
ప్రస్తుతం వెల్లడైన వివరాల ప్రకారం.. ఈ స్మార్ట్ ఫోన్ లో 4GB ర్యామ్ + 64GB స్టోరేజ్ వేరియంట్లో అందుబాటులోకి రానుంది. ఫెదర్ పర్పుల్, స్టోన్ బ్రౌన్ అనే రెండు కలర్ ఆప్షన్లలో ఈ ఫోన్ లభించనుంది. ఒప్పో కే14 లైట్కు సంబంధించిన పూర్తి టెక్నికల్ స్పెసిఫికేషన్లు, అధికారిక ధర, రిటైల్ లభ్యత వంటి వివరాలను కంపెనీ సెప్టెంబర్ 16న జరిగే లాంచ్ ఈవెంట్లో వెల్లడించనుంది. దీంతో ఈ ఫోన్ ధర ఎంత ఉండనుంది, ఇతర ఫీచర్లు ఏమిటనేది లాంచ్ రోజున స్పష్టత రానుంది.