Tillu Square : మళ్లీ లవ్ లో ఫెయిలైన టిల్లు..!

నాగ చైతన్య సినిమా జోష్ తో తన సినీ కెరీర్‌ను ప్రారంభించిన సిద్ధు జొన్నలగడ్డ గురించి ప్రత్యేకంగా తెలుగు సినీ ప్రేమికులకు పరిచయం చేయాల్సిన పనిలేదు. పదేళ్ల క్రితమే నటుడిగా సినీ ఎంట్రీ ఇచ్చాడు. ఇక ఆ మధ్య డీజే టిల్లు అంటూ వచ్చి.. భారీ హిట్ అందుకున్నాడు జొన్నలగడ్డ . ఆ సినిమా మొదటి రోజు సాధించిన కలెక్షన్స్ తోనే బ్రేక్ ఈవెన్ ని సొంతం చేసుకుని బాక్స్ ఆఫీస్ వద్ద దుమ్ము లేపింది. కేవలం ఇక్కడమాత్రమే కాకుండా అటు ఓవర్సీస్‌ లో కూడా మంచి కలెక్షల్స్‌ ను రాబట్టింది ఈ సినిమా. ఇక ఈ సినిమాకు సీక్వెల్‌ గా ఓ సినిమా వస్తోన్న సంగతి మనందరికీ తెలిసిందే. ఈ సినిమాకు టిల్లు స్క్వేర్ అనే టైటిల్‌ ను ఖరారు చేశారు. ఇక ఈ సినిమాకి సంబంధించి అన్ని కార్యక్రమాలను పూర్తి చేసుకున్న నేపథ్యంలో మార్చి29న ప్రపంచవ్యాప్తంగా భారీగా విడుదలకానుంది. ఇందులో భాగంగానే ఇదివరకే ఈ సినిమా నుంచి ట్రైలర్ విడుదలైంది.

Also read: Election Commission: “రెడ్ లైన్ క్రాస్ చేయొద్దు”.. పొలిటికల్ పార్టీలకు ఈసీ వార్నింగ్..

మల్లిక్ రామ్ దర్శకత్వంలో వస్తున్న ఈ రొమాంటిక్ కామెడీ ఎంటర్టైనర్ టిల్లు స్క్వేర్‌ ట్రైలర్ మాత్రం యూత్ ఫుల్ కంటెంట్‌ తో అదరకొట్టింది. ట్రైలర్‌ ను చూస్తే.. మొదటి పార్ట్ కంటే కూడా డబుల్ డోస్‌ తో ఈ సినిమా ఉండబోతున్నట్లు అర్థమవుతుంది. ట్రైలర్ లో ముఖ్యంగా అనుపమ పరమేశ్వరన్, సిద్దు జొన్నలగడ్డల మధ్య జరిగే కెమిస్ట్రీ అదిరిపోయింది. వీటికితోడు అనేక కామెడీ సన్నివేశాలు కూడా సినిమాలో ఉన్నట్లు తెలుస్తోంది. చూడాలి మరి థియేటర్స్‌ లో సినిమా ఎలా ఆకట్టుకుంటుందో. ఈ సినిమా సూర్యదేవర నాగవంశీ నిర్మాణంలో సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్‌ పై విడుదల కాబోతుంది.

Also read: Odisha Assembly Polls: ఒడిశాలో 4 దశల్లో అసెంబ్లీ ఎన్నికల పోలింగ్.. షెడ్యూల్ ఇదే..

ఇక ఇప్పటికే ఈ సినిమా నుండి విడుదలైన రాధిక సాంగ్ సోషల్ మీడియాలో ట్రెండింగ్ గా మారింది. మార్చి 18 మరోసారి ఈ సినిమా నుండి మరో పాటను విడుదల చేయనుంది చిత్ర బృందం. ‘ ఓ మై లిల్లీ ‘ అంటూ సాగే పాటను మార్చి 18 హైదరాబాద్ లోని AMB మాల్ లో నిర్వహించే ఈవెంట్ లో రిలీజ్ చేయబోతున్నట్లు తెలుస్తోంది. ఈ పాటను ప్రముఖ గాయకుడు శ్రీరామ్ చంద్ర పాడినట్లు తెలుస్తోంది. ఫుల్ ఎనర్జిటిక్ గా ఉండే జొన్నలగడ్డకి ఈ పాట ఏ మాత్రం సూట్ అవుతుందో చూడాలిమరి. ఈ సినిమా ప్రపంచవ్యాప్తంగా మార్చి 29న భారీగా విడుదలకానుంది. తాజాగా ‘ ఓ మై లిల్లీ ‘ పాటకు సంబంధించిన ప్రోమో రిలీజ్ అయ్యింది. మరెందుకు ఆలస్యం మీరు కూడా ఈ వీడియోని చూసేయండి.