Viral Video: హ్యాట్సాఫ్ బాసూ.. ఒంటికాలితో అద్భుతంగా బ్యాటింగ్ చేసిన యువకుడు!

One Leg Batting Viral Video: క్రికెట్‌ ఆడాలంటే ఎంతో ఫిట్‌నెస్‌ అవసరం. ఫిట్‌నెస్‌తో పాటు కచ్చితమైన ఫుట్‌వర్క్ కూడా చాలా చాలా ముఖ్యం. క్రీజులో నిలబడి బంతిని బాదాలంటే.. ఏ బ్యాటర్‌కైనా ఫుట్‌వర్క్ ఉండాల్సిందే. బంతి గమనాన్ని బట్టి కాళ్ల కదలికలు ఉంటేనే.. సుదీర్ఘంగా క్రీజులో ఉండి పరుగులు చేయగలడు. స్టార్ బ్యాటర్స్ సైతం కొన్నిసారి సరైన ఫుట్‌వర్క్ లేక అవుట్ అయి పోతుంటారు. అయితే ఓ యువకుడు మాత్రం ఒంటికాలితో అద్భుతంగా బ్యాటింగ్ చేశాడు. ఇందుకు సంబందించిన వీడియో సోషల్ మీడియాలో వైరల్ అవుతోంది.

ఓ దివ్యాంగ యువకుడు ఒంటి కాలితో అద్భుతంగా బ్యాటింగ్‌ చేస్తున్నాడు. అతడు ఫాస్ట్ బౌలర్‌ను సునాయాసంగా ఎదుర్కోవడం ఇక్కడ విశేషం. ఓ స్టార్ బ్యాటర్‌కు ఎంత ఫుట్‌వర్క్ ఉంటుందో.. ఈ దివ్యాంగ యువకుడికి ఒక కాలే ఉన్నా అదే దివ్యాంగ ఫుట్‌వర్క్ ఉంది. క్రీజులో సునాయాసంగా కదులుతూ బంతిని బాదుతున్నాడు. అంతేకాదు భారీ షాట్స్ కూడా అలవోకగా బాదేస్తున్నాడు. ఆ యువకుడు ఆడే విధానం చూస్తే.. అతడికి రెండు కాళ్లు ఉన్నాయా? అని ఆశ్చర్యపోకుండా ఉండలేరు.

Also Read: Asian Games 2023: ఆసియా గేమ్స్‌ సెమీస్‌ చేరిన భారత జట్టు!

దివ్యాంగ యువకుడు ఒంటి కాలితో బ్యాటింగ్‌ చేస్తున్న వీడియోను ‘బార్మీ ఆర్మీ’ సామాజిక మాధ్యమాల్లో షేర్‌ చేసింది. ఈ వీడియోకి లైకుల, కామెంట్ల వర్షం కురుస్తోంది. ‘వైకల్యం ఆ యువకుడు ఉత్సాహాన్ని ఏ మాత్రం కుంగదీయలేదు’, ‘సంకల్ప బలంతో వైకల్యాన్ని కూడా ఎదిరించి క్రికెట్‌ను ఆస్వాదిస్తున్నాడు’, ‘హ్యాట్సాఫ్ బాసూ’ అంటూ నెటిజన్లు అతడిని ఎంకరేజ్ చేస్తున్నారు.

How amazing is this guy batting on one 🦵

AN INSPIRATION ❤️ pic.twitter.com/PboTaixI4g

— England’s Barmy Army 🏴󠁧󠁢󠁥󠁮󠁧󠁿🎺 (@TheBarmyArmy) September 20, 2023