*ఇవాళ 5 ప్రభుత్వ మెడికల్ కాలేజీల ప్రారంభోత్సవం
విజయనగరం మెడికల్ కాలేజీ ప్రాంగణం నుంచి ముఖ్యమంత్రి వైఎస్ జగన్ వర్చువల్గా ప్రారంభించనున్నారు. వచ్చే విద్యా సంవత్సరంలో మరో ఐదు మెడికల్ కాలేజీలు అందుబాటులోకి రానున్నాయి. మొత్తం17 నూతన ప్రభుత్వ మెడికల్ కాలేజీలను ఏపీ సర్కారు నిర్మించనుంది రూ. 8,480 కోట్ల వ్యయంతో మొత్తం17 నూతన ప్రభుత్వ మెడికల్ కాలేజీల నిర్మాణం జరుగుతోంది. దీంతో రాష్ట్రంలో ఎంబీబీఎస్ సీట్ల సంఖ్య భారీగా పెరుగనుంది. ఇప్పటికే ఉన్న 2,185 ఎంబీబీఎస్ సీట్లకు అదనంగా మరో 2,550 ఎంబీబీఎస్ సీట్లు పెరగనున్నాయి. నేడు వైద్య కళాశాల ప్రారంభోత్సవానికి ముఖ్యమంత్రి జగన్మోహన్ రెడ్డి జిల్లాకు రానున్నారు. ఉదయం 10.30 గంటలకు జేఎన్టీయూ సమీపంలో ఏర్పాటు చేసిన హెలిపాడ్కు చేరుకోనున్నారు. అక్కడ నుంచి 10.45 గంటలకు వైద్య కళాశాల ప్రాంగణానికి చేరుకొని అక్కడ ఏర్పాటు చేసిన దివంగత మాజీ ముఖ్యమంత్రి వై.ఎస్.రాజశేఖర్ రెడ్డి విగ్రహాన్ని ఆవిష్కరించనున్నారు. అనంతరం వైద్య కళాశాల ప్రారంభానికి సంబంధించిన శిలాఫలకాన్ని సీఎం జగన్ ఆవిష్కరించనున్నారు. వైద్య కళాశాలలో ఏర్పాటు చేసిన ఫొటో ఎగ్జిబిషన్, స్కిల్ ల్యాబ్లను సందర్శించనున్నారు. అనంతరం బయోకెమిస్ట్రీ ల్యాబ్, అనాటమీ మ్యూజియం పరిశీలించనున్నారు సీఎం జగన్. 11.30 గంటలకు లెక్చర్ హాలుకు చేరుకొని రాష్ట్రంలో కొత్తగా ఏర్పాటు చేసిన ఐదు ప్రభుత్వ వైద్య కళాశాలల్ని వర్చువల్గా ప్రారంభించనున్నారు. ముఖ్యమంత్రి, ఇతర ప్రముఖులు సందేశాలను ఇస్తారని, అనంతరం ఐదు కళాశాలల వైద్య విద్యార్ధులతో ముఖ్యమంత్రి వీడియో కాన్ఫరెన్స్ ద్వారా మాట్లాడనున్నారు. తరువాత హెలిప్యాడ్కు సమీపాన ఏర్పాటు చేసిన వినతుల స్వీకరణ కార్యక్రమంలో పాల్గొననున్నారు. అనంతరం జిల్లాకు చెందిన ప్రజాప్రతినిధులతో సమావేశం కానున్నారు.
*9 జిల్లాల్లో వైద్య కళాశాలలు.. వర్చువల్గా ప్రారంభించనున్న సీఎం కేసీఆర్
దేశ వైద్య రంగంలో తెలంగాణలో నేడు సరికొత్త రికార్డు నమోదు కానుంది. తొమ్మిది ప్రభుత్వ వైద్య కళాశాలల్లో తరగతులు ప్రారంభం కానున్నాయి. కామారెడ్డి, కరీంనగర్, ఖమ్మం, జయశంకర్ భూపాలపల్లి, కుమ్రంభీం ఆసిఫాబాద్, నిర్మల్, రాజన్న సిరిసిల్ల, వికారాబాద్, జనగాం జిల్లాల్లో రాష్ట్ర ప్రభుత్వం ఏర్పాటు చేసిన మెడికల్ కాలేజీల్లో వర్చువల్ తరగతులను సీఎం కేసీఆర్ ప్రారంభించనున్నారు. ప్రభుత్వం ఈ కార్యక్రమాన్ని పండుగ వాతావరణంలో నిర్వహించనుంది. మెడికల్ కాలేజీ ఏర్పాటు వల్ల కలిగే ప్రయోజనాలను ప్రజలకు వివరించాలని ఇటీవల మంత్రులు కేటీఆర్, హరీశ్ రావు ఆయా జిల్లాల ప్రజా ప్రతినిధులను ఆదేశించిన సంగతి తెలిసిందే. ఈ మేరకు ఆయా జిల్లా కేంద్రాల్లో జరిగే కార్యక్రమాల్లో మంత్రులు, ఎమ్మెల్యేలు పాల్గొననున్నారు. జిల్లా కేంద్రాల్లో కనీసం 15-20 వేల మందితో భారీ ర్యాలీలు నిర్వహించనున్నారు. ఇందులో యువత, విద్యార్థులు పెద్ద ఎత్తున పాల్గొంటారన్నారు. వైద్య కళాశాల ఏర్పాటుతో విద్యార్థులకే కాకుండా దానికి తోడు అందుబాటులోకి రానున్న దవాఖాన ద్వారా ప్రజలకు అత్యుత్తమ వైద్యసేవలు అందుతాయి. కామారెడ్డిలో జరిగే కార్యక్రమంలో వైద్యారోగ్యశాఖ మంత్రి హరీశ్రావు స్వయంగా పాల్గొంటారని సమాచారం. ఇదిలా ఉండగా కేవలం కార్పొరేట్ దవాఖానల్లో మాత్రమే అందుబాటులో ఉండే ప్రపంచ స్థాయి రోబోటిక్ వైద్య సేవలను రాష్ట్ర ప్రభుత్వం నిమ్స్, ఎంఎన్జే డిస్పెన్సరీలకు విస్తరించింది. తద్వారా పేద ప్రజలకు నాణ్యమైన, అధునాతన వైద్య సేవలు ఉచితంగా అందుతున్నాయి. నిమ్స్ అభివృద్ధికి సీఎం కేసీఆర్ ఇటీవల రూ.156 కోట్లు మంజూరు చేయడం గొప్ప విషయమన్నారు. తెలంగాణ ప్రాంతంలో గుండెకాయ లాంటి హైదరాబాద్ వాసుల వైద్య అవసరాలను తీర్చేందుకు జీహెచ్ ఎంసీ పరిధిలోని 6 జోన్లకు 6 డీఎంహెచ్ ఓ పోస్టులను ప్రభుత్వం మంజూరు చేసింది. గాంధీలో సంతానోత్పత్తి కేంద్రం, అవయవ మార్పిడి కేంద్రం ఏర్పాటు చేయనున్నారు. గాంధీ, నిమ్స్, అల్వాల్లో సూపర్స్పెషాలిటీ ఎంసీహెచ్లు నిర్మాణంలో ఉన్నాయి. జీహెచ్ఎంసీలో 350 బస్తీ దవాఖానలను ఏర్పాటు చేశారు. అన్ని రంగాల్లో అగ్రగామిగా ఉన్న హైదరాబాద్ ను అధునాతన వైద్య సేవలకు కేరాఫ్ అడ్రస్ గా మార్చి మెడికల్ హబ్ గా తీర్చిదిద్దేందుకు ప్రభుత్వం చర్యలు చేపట్టడం విశేషం.
*నేడు రాష్ట్రవ్యాప్తంగా టెట్ పరీక్ష
ఉపాధ్యాయ అర్హత పరీక్ష (టెట్) నిర్వహణకు అధికారులు ఏర్పాట్లు పూర్తి చేశారు. నిరుద్యోగుల ఉద్యోగ ఆకాంక్షలను తీర్చేందుకు ప్రభుత్వం గ్రూప్ పరీక్షలు, ఇతర ఉద్యోగాల ఖాళీలను వరుసగా భర్తీ చేస్తోంది. ఈ క్రమంలో ఖాళీగా ఉన్న ఉపాధ్యాయ పోస్టులను కూడా భర్తీ చేసేందుకు ఇటీవల నోటిఫికేషన్ విడుదలైంది. నిర్వహించనుంది. ఉమ్మడి పాలమూరులోని ఐదు జిల్లాల్లోనూ కలెక్టర్ల ఆదేశాల మేరకు విద్యాశాఖ అధికారులు ఏర్పాట్లను దాదాపు పూర్తి చేశారు. ఈ పరీక్షలు రెండుసార్లు నిర్వహించనున్నారు. టీటీసీ అర్హత కోసం పేపర్-1 పరీక్ష ఉదయం 9:30 నుంచి మధ్యాహ్నం 12 గంటల వరకు, బీఈడీ అర్హతకు సంబంధించిన పేపర్-2 పరీక్ష మధ్యాహ్నం 2:30 నుంచి సాయంత్రం 5 గంటల వరకు నిర్వహించనున్నారు. పాలమూరులోని ఐదు జిల్లాల్లో పేపర్-1 పరీక్షకు 46,998 మంది అభ్యర్థులు హాజరుకానుండగా, 198 పరీక్షా కేంద్రాలను ఏర్పాటు చేశారు. పేపర్-2 పరీక్షకు 33,800 మంది అభ్యర్థులు హాజరవుతుండగా, 148 పరీక్షా కేంద్రాలను సిద్ధం చేశారు. పరీక్ష కేంద్రాలుగా ఉన్న విద్యాసంస్థలకు గురువారం మధ్యాహ్నం, శుక్రవారం సెలవులు ఇచ్చారు. సీసీ కెమెరాల పర్యవేక్షణలో పరీక్షలు నిర్వహించనున్నారు. బస్సులు కూడా సమయానికి నడుస్తాయని ఆ దేశాలు తెలిపాయి. పోలీసు బందోబస్తుతో ఎలాంటి అవాంఛనీయ సంఘటనలు జరగకుండా చర్యలు తీసుకుంటున్నారు.
*ఈడీ విచారణకు వెళ్లకూడదని కవిత నిర్ణయం!
ఢిల్లీ మద్యం కుంభకోణంలో బీఆర్ఎస్ ఎమ్మెల్సీ కల్వకుంట్ల కవితకు ఎన్ఫోర్స్మెంట్ డైరెక్టరేట్ నోటీసులు పంపిన సంగతి తెలిసిందే. నేడు విచారణకు హాజరుకావాలని నోటీసుల్లో పేర్కొన్నారు. ఈ నేపథ్యంలో నేడు విచారణకు హాజరు కాకూడదని కవిత నిర్ణయించుకున్నట్లు తెలుస్తోంది. లీగల్ నోటీసులపై న్యాయ విచారణ అనంతరం ఈ మేరకు నిర్ణయం తీసుకున్నట్లు సమాచారం. సుప్రీంకోర్టులో తాను వేసిన పిటిషన్ను కొట్టివేస్తే ఈడీ విచారణకు వెళ్లాలని కవిత నిర్ణయించుకున్నట్లు తెలుస్తోంది. కవిత లాయర్లు ఆమెకు బదులు ఢిల్లీకి వెళ్లనున్నారు. నేడు కామారెడ్డిలో జరిగే భారీ బహిరంగ సభలో కల్వకుంట్ల కవిత పాల్గొననున్నారు. గతంలో ఎన్ఫోర్స్మెంట్ డైరెక్టరేట్ పంపిన నోటీసులపై కవిత స్పందించారు. మోదీ నోటీసు అందిందని అన్నారు. సీరియస్గా తీసుకోవలసిన అవసరం లేదని కవిత కొట్టిపారేశారు. ఇది రాజకీయ పార్టీ నుంచి వచ్చిందని కవిత వ్యాఖ్యానించారు. ఈడీ నోటీసులను తమ పార్టీ లీగల్ సెల్ పరిశీలిస్తోందని, న్యాయ నిపుణుల సలహా మేరకు నిర్ణయం తీసుకుంటామని కవిత స్పష్టం చేశారు. ఎన్నికల సమయం కావడంతో కొత్త ఎపిసోడ్ని విడుదల చేసేందుకు ప్రయత్నిస్తున్నామని ఆమె పేర్కొన్నారు. ఇది మొదటి నుంచి రాజకీయ ప్రేరేపిత కేసు అని కవిత వ్యాఖ్యానించారు. ఈ నోటీసును ఎవరూ సీరియస్గా తీసుకోవద్దని అన్నారు. ఈ కేసు విచారణ ఎంతకాలం కొనసాగుతుందో తెలియదుగానీ… గతంలో 2జీ స్కాం కేసు విచారణకు కూడా చాలా సమయం పట్టిందని అన్నారు. తెలంగాణ రాష్ట్ర ప్రజలు కూడా ఈ నోటీసులను సీరియస్గా తీసుకోవడం లేదని కవిత అన్నారు. అయితే.. ఈ నోటీసులకు సంబంధించి.. ఆయన ఇప్పటికే పలుమార్లు విచారణకు హాజరుకాగా.. మరోసారి నోటీసులు రావడం సర్వత్రా ఆసక్తిని కలిగిస్తోంది. అయితే.. ఈడీ విచారణకు హాజరుకావడాన్ని వ్యతిరేకిస్తూ కవిత సుప్రీంకోర్టును ఆశ్రయించడంతో.. విచారణ ఇంకా కొనసాగుతోంది. ఈ క్రమంలో.. మళ్లీ నోటీసులు రావడంతో.. కవిత తరఫు న్యాయవాదులు నేడు ఢిల్లీకి వెళ్లనున్నారు. సుప్రీంకోర్టు నుంచి స్పష్టమైన ఆదేశాలు వచ్చే వరకు విచారణకు వెళ్లనని కవిత సూటిగా చెప్పారు. మరి ఈ వ్యాఖ్యలపై ఈడీ ఎలా స్పందిస్తుందో.. సుప్రీంకోర్టు ఎలాంటి ఆదేశాలు ఇస్తుందనేది సర్వత్రా ఆసక్తికరంగా మారింది.
*భగ్గుమంటున్న గోధుమల ధర.. కఠిన చర్యలు తీసుకోనున్న కేంద్రం
ప్రస్తుతం సామాన్యుడు బతికే పరిస్థితి కనిపించడం లేదు. గూడు సరే కూడు కోసం కూడా కోటి తిప్పలు పడాల్సి వస్తుంది. నిత్యావసర వస్తువుల ధరలు రోజు రోజుకు ఆకాశాన్ని చూస్తున్నాయి. పదేళ్ల కాలంలో ఎన్నడూ లేనంతగా బియ్యం ధరలు పెరిగాయి. కనీసం గోధుమలతోనైనా ఓ రొట్టె చేసుకుని కడుపు నింపుకుందాం అంటే అవి భగ్గుమంటున్నాయి. గోధుమల ధరలు పెరుగుతూనే ఉన్నాయి. అసెంబ్లీ ఎన్నికలకు ముందు గోధుమల ధరలు పెరగడంతో ప్రభుత్వం రంగంలోకి దిగింది. ధరల పెరుగుదలను దృష్టిలో ఉంచుకుని కేంద్ర ప్రభుత్వం గోధుమల నిల్వ పరిమితిని 3000 టన్నుల నుంచి 2000 టన్నులకు తగ్గిస్తున్నట్లు ప్రకటించింది. ప్రభుత్వం తీసుకున్న ఈ నిర్ణయం వెంటనే అమలులోకి వచ్చింది. ఈ నిర్ణయాన్ని ఆహార కార్యదర్శి సంజీవ్ చోప్రా ప్రకటించారు. ఇటీవలి కాలంలో గోధుమల ధరల పెరుగుదలను దృష్టిలో ఉంచుకుని స్టాక్ పరిమితిని సమీక్షించామన్నారు. సెప్టెంబర్ 14 నుండి వ్యాపారులు, పెద్ద చైన్ రిటైలర్లు స్టాక్ పరిమితిని తగ్గిస్తున్నట్లు తెలిపారు. అంతకుముందు, జూన్ 12న ప్రభుత్వం గోధుమ వ్యాపారుల కోసం మార్చి 2024 వరకు 3,000 టన్నుల గోధుమ స్టాక్ పరిమితిని విధించింది. ప్రస్తుతం దానిని 2,000 టన్నులకు తగ్గించారు. గత నెలలో, ఫ్యూచర్స్ ట్రేడింగ్లో ఎన్సిడిఎక్స్లో గోధుమ ధరలు నాలుగు శాతం పెరిగాయి. గోధుమల ధర క్వింటాల్కు రూ.2,550కి పెరిగింది. దేశంలో తగినంత గోధుమ లభ్యత ఉందని, అయితే కొందరు కృత్రిమంగా గోధుమల కొరతను సృష్టించేందుకు ప్రయత్నిస్తున్నట్లు కనిపిస్తోందని ఆహార కార్యదర్శి అన్నారు. గోధుమ దిగుమతులపై పన్నును ఎత్తివేసే యోచన ప్రభుత్వం వద్ద లేదని తెలిపిన ఆహార శాఖ కార్యదర్శి.. రష్యా నుంచి గోధుమల దిగుమతిపై ప్రభుత్వ వైఖరిని కూడా స్పష్టం చేశారు. ప్రస్తుతం ప్రభుత్వం వద్ద అలాంటి ప్రణాళిక లేదని అన్నారు. ఆహార సరఫరా మంత్రిత్వ శాఖ విడుదల చేసిన ప్రకటనలో అన్ని గోధుమ నిల్వ సంస్థలు గోధుమ స్టాక్ పరిమితి పోర్టల్ (https://evegoils.nic.in/wsp/login)లో నమోదు చేసుకోవాలన్నారు. ప్రతి శుక్రవారం పోర్టల్లో స్టాక్ సమాచారాన్ని వారికి అందించాలని పేర్కొంది. అలా చేయని వ్యాపారులపై నిత్యావసర వస్తువుల చట్టం ప్రకారం చర్యలు తీసుకుంటాం. కొత్త ఆర్డర్ నోటిఫికేషన్ జారీ చేసిన 30 రోజుల్లోగా నిర్దేశిత స్టాక్ పరిమితికి మించి ఎక్కువ స్టాక్ ఉన్న వ్యాపారులు నిర్ణీత పరిమితిలోపు స్టాక్ను తీసుకురావాలని ప్రభుత్వం తెలిపింది. దేశంలో గోధుమలకు కృత్రిమ కొరత ఏర్పడకుండా చూసేందుకు, కేంద్ర ప్రభుత్వం, రాష్ట్ర ప్రభుత్వం స్టాక్ పరిమితిని పర్యవేక్షిస్తూనే ఉంటాయి. ధరలను నియంత్రించేందుకు, మార్కెట్లో అందుబాటులో ఉండేలా నిశితంగా పరిశీలిస్తామని ప్రభుత్వం తెలిపింది.
*భూమి చుట్టూ నాలుగు రౌండ్లు వేసిన ఆదిత్య ఎల్-1 మిషన్
భారతదేశం మొదటి సన్ మిషన్ కింద అంతరిక్షంలోకి పంపబడిన ఆదిత్య L-1 అంతరిక్ష నౌక నాల్గవ ‘ఎర్త్ బౌండ్ విన్యాసాన్ని’ విజయవంతంగా పూర్తి చేసింది. భారత అంతరిక్ష పరిశోధన సంస్థ ‘ఇండియన్ స్పేస్ రీసెర్చ్ ఆర్గనైజేషన్’ (ఇస్రో) ఈ విషయాన్ని ట్వీట్ ద్వారా తెలియజేసింది. సరళమైన భాషలో ‘ఎర్త్ బౌండ్ యుక్తి’ అంటే భూమి చుట్టూ తిరుగుతున్నప్పుడు దాని గురుత్వాకర్షణ శక్తి ద్వారా అంతరిక్షంలో ప్రయాణించడానికి వేగాన్ని ఉత్పత్తి చేయడం. ఆదిత్య L-1 సూర్యుని అధ్యయనం కోసం అంతరిక్షంలోకి పంపబడింది. ఇది భారతదేశపు మొదటి అంతరిక్ష అబ్జర్వేటరీ. సూర్యుడు, భూమి మధ్య ఐదు లాగ్రాంజ్ పాయింట్లు ఉన్నాయి. గ్రహణం లేదా అడ్డంకులు లేకుండా సూర్యుడు కనిపించే ప్రదేశాన్ని లాగ్రేంజ్ పాయింట్ అంటారు. ఆదిత్య ఎల్-1 వ్యోమనౌకను లాగ్రాంజ్ పాయింట్ 1కి పంపుతున్నారు. భూమికి లాగ్రాంజ్ పాయింట్ 1 దూరం 15 లక్షల కిలోమీటర్లు కాగా సూర్యుడి నుంచి భూమికి ఉన్న దూరం 15 కోట్ల కిలోమీటర్లు.
*జువెనైల్ హోమ్లో అమానుషం.. పిల్లలను చెప్పుతో కొట్టిన మహిళ అధికారి
బాల ఖైదీలుగా హోమ్లోకి వచ్చిన పిల్లలకు మంచి బుద్దులు, సత్ప్రవర్దన అలవాటు చేయాల్సిన బాధ్యత జువెనైల్ హోమ్ అధికారులది. తెలిసి, తెలియక చేసిన నేరాలకు వారు శిక్ష అనుభవిస్తూ ఉంటారు. అయితే వారిని తీర్చిదిద్దాల్సిన అక్కడి సిబ్బంది కొన్నిసార్లు వారితో కఠినంగా ప్రవర్తిస్తూ ఉంటారు. చిన్నపిల్లలనే కనికరం లేకుండా కర్కశంగా కొడుతూ ఉంటాయి. తాజాగా అలాంటి ఘటనలకు సంబంధించిన వీడియో ఒకటి సోషల్ మీడియాలో వైరల్ అవుతుంది. ఓ మహిళా అధికారి తన బాధ్యతలు మరిచి చిన్నపిల్లలను చెప్పుతో కొట్టింది. ఈ ఘటన ఆగ్రాలో చోటు చేసుకుంది. దీనికి సంబంధించిన వీడియో ఎక్స్ (ట్విటర్)లో పోస్ట్ చేయడంతో సోషల్ మీడియాలో చక్కర్లు కొడుతుంది. ఆగ్రాలోని జువైనల్ హోంలో సీసీ టీవీలో కొన్ని దృశ్యాలు రికార్డయ్యారు. ఇవి సోమవారం నుంచి సోషల్ మీడియాలో దర్శనం ఇవ్వడంతో అక్కడి చిన్నారుల పరిస్థితి ఎంత దారుణంగా ఉందో తెలుస్తుంది. ఈ వీడియోలుఅందరిని షాక్కి గురి చేస్తున్నాయి. సోమవారం, మంగళవారం రెండు వీడియోలు విడుదల కాగా అవి విస్మయానికి గురిచేస్తున్నాయి. సోమవారం విడుదల చేసిన వీడియోలో ఒక గదిలో మంచంపై పడుకొని ఆరుగురు బాలికలు ఉన్నారు. ఇంతలో సడెన్ గా అక్కడికి వచ్చిన జువైనల్ హోం సూపరింటెండెంట్ పూనమ్ పాల్ కనికరం లేకుండా ఓ బాలికను చెప్పుతో ఎలా పడితే అలా కొట్టింది. అంతేకాకుండా ఇతర బాలికలను కూడా ఇష్టం వచ్చినట్లు తిట్టడం వీడియోలో కనిపిస్తుంది. ఇదంతా చూస్తున్న తోటి ఉద్యోగులు కూడా ఆమెను ఆపలేదు. ఇంకా మంగళవారం విడుదలైన వీడియోలో ఏడేళ్లు వయసు ఉన్న బాలికను మంచానికి కట్టేశారు. ఆమె విడుపించుకోవడానికి ప్రయత్నించిన వీలు కాలేదు. దీనికి సంబంధించిన వీడియోలు సోషల్ మీడియాలో వైరల్ కావడంతో ఆమెపై చర్యలు తీసుకోవాలని చాలామంది డిమాండ్ చేశాడు. దీంతో ఈ విషయంపై విచారణ జరిపిన అధికారులు పాల్ ను విధుల నుంచి సస్పెండ్ చేశారు. ఆమెపై కేసు నమోదు చేశారు.
*బంగ్లాదేశ్తో భారత్ మ్యాచ్
పాకిస్థాన్పై అద్భుత విజయం సాదించిన శ్రీలంక ఆసియా కప్ 2023 ఫైనల్ చేరింది. అంతకుముందు సూపర్-4లో పాకిస్థాన్, శ్రీలంకపై విజయాలతో భారత్ ఫైనల్ చేరిన విషయం తెలిసిందే. నామమాత్రమైన మ్యాచ్లో భారత్ నేడు బంగ్లాదేశ్తో తలపడనుంది. ఈ మ్యాచ్లో రోహిత్ శర్మ ప్రయోగాలు చేసే అవకాశముంది. పని భారం దృష్ట్యా కీలక ఆటగాళ్లకు విశ్రాంతినిచ్చి.. మిగతా క్రికెటర్లను పరీక్షించే అవకాశం ఉంది. సూపర్-4లో పాక్, శ్రీలంకపై ఆడిన రెండు మ్యాచ్ల్లో ఓడిన బంగ్లాదేశ్.. గెలుపుతో టోర్నీని ముగించాలనే పట్టుదలతో ఉంది. దాంతో బంగ్లాను తేలిగ్గా తీసుకుంటే భారత్ మూల్యం చెల్లించక తప్పదు. ఆదివారం జరిగే ఆసియా కప్ 2023 ఫైనల్ మ్యాచ్ కోసం జట్టులోని కీలక ప్లేయర్స్కు రెస్ట్ ఇవ్వాలని టీమిండియా మేనేజ్మెంట్ భావిస్తోందట. వెన్ను నొప్పితో సూపర్- 4లో రెండు మ్యాచ్లకూ దూరమయిన శ్రేయస్ అయ్యర్ బంగ్లాపై ఆడే అవకాశముంది. శ్రేయస్ వస్తే ఇషాన్ కిషన్ బయటకు వెళ్లక తప్పదు. మరోవైపు విరాట్ కోహ్లీకి విశ్రాంతినిచ్చి.. సూర్యకుమార్ యాదవ్ను ఆడించే సూచనలూ ఉన్నాయి. పునరాగమనంలో పాకిస్థాన్పై సెంచరీ చేసిన కేఎల్ రాహుల్ కొనసాగనున్నాడు. ఆల్రౌండర్ హార్దిక్ పాండ్యా వరుస మ్యాచ్లు ఆడటంతో అతడికి పని భారం ఎక్కువైందని మేనేజ్మెంట్ భావిస్తోంది. అతడి స్థానంలో శార్దూల్ ఠాకూర్ ఆడే అవకాశం ఉంది. పేస్ బౌలింగ్ విభాగంలో జస్ప్రీత్ బుమ్రా, మొహ్మద్ సిరాజ్కు రెస్ట్ ఇచ్చి.. మొహ్మద్ షమీ, ప్రసిద్ధ్ కృష్ణని ఆడించే అవకాశం ఉంది. మరోవైపు ఈ టోర్నీలో అఫ్గానిస్తాన్పై మ్యాచ్ గెలవడం మినహా.. బంగ్లాదేశ్ ఏ రకంగానూ ఆకట్టుకోలేకపోయింది. కెప్టెన్ షకీబ్ సహా ఏ ఒక్కరు కూడా చెప్పుకోదగ్గ ప్రదర్శన చేయలేదు. దాంతో టీమిండియాకు బంగ్లా ఏ మేరకు పోటీ ఇస్తుందో చూడాలి.