No Shave November: మగాళ్లు.. ‘నో షేవ్ నవంబర్’ గురించి తెలుసా?

No Shave November: నవంబర్ నెల రాగానే చాలా మంది షేవింగ్ మానేస్తారన్న సంగతి మీకు తెలుసా? అవును.. దీనికి కారణం నవంబర్ నెలను కొందరు ‘నో షేవ్ నవంబర్’ అని కూడా అంటారు. అయితే, నవంబర్‌లో కొందరు తమ గడ్డం, జుట్టును ఎందుకు కత్తిరించుకోరని మీకు తెలుసా.? దీనికి కారణం మనలో చాలా తక్కువ మందికి మాత్రమే తెలుసు. కొంతమంది కేవలం ఫ్యాషన్ కోసమే ఎలాంటి కారణం లేకుండా ఈ ప్రచారాన్ని ఫాలో అవుతున్నారు. దీని కథనం గురించి ఒకసారి చూద్దాం.

Read Also: Gaza-Israel War: గాజా కీలక దస్త్రాల లీకేజీ.. నెతన్యాహు ప్రభుత్వంపై బందీల కుటుంబాలు ఆగ్రహం

‘నో షేవ్ నవంబర్’ అనేది క్యాన్సర్, ముఖ్యంగా ప్రోస్టేట్ క్యాన్సర్ గురించి అవగాహన కల్పించడానికి ఒక ప్రచారం. ఈ సమయంలో, ప్రజలు ఒక నెల వరకు గడ్డం లేదా జుట్టును కత్తిరించరు. దీని ఉద్దేశ్యం జుట్టు పెరగడమే కాదు, క్యాన్సర్‌పై పోరాటంలో సంఘీభావం చూపడం కూడా అని అర్థం. అయితే, జుట్టు కత్తిరించకపోవడం క్యాన్సర్ రోగులకు ఎలా సహాయపడుతుందని మీరు ఆలోచిస్తున్నారా? నిజానికి, ఈ ప్రచారం ముఖ్య ఉద్దేశ్యం జుట్టు పెరగడం మాత్రమే కాదు.. జుట్టు కత్తిరించడానికి మేము ఖర్చు చేసే డబ్బు క్యాన్సర్ రోగుల చికిత్స కోసం విరాళంగా ఇవ్వడం. ఈ విధంగా అవగాహనను వ్యాప్తి చేయడమే కాకుండా క్యాన్సర్‌తో పోరాడుతున్న ప్రజలకు మద్దతు ఇస్తున్నట్లు.

Read Also: iQOO 13 5G: వావ్.. అనిపించే ఫీచర్లతో మార్కెట్లో అడుగుపెట్టబోతున్న iQOO 13

2009లో, మాథ్యూ హిల్ ఫౌండేషన్ అనే అమెరికన్ ప్రభుత్వేతర సంస్థ “నో షేవ్ నవంబర్” ప్రచారాన్ని ప్రారంభించింది. ఈ ప్రచారం ప్రధాన లక్ష్యం క్యాన్సర్‌తో పోరాడటానికి నిధులు సేకరించడం. ఈ ప్రచారం ద్వారా సేకరించిన డబ్బును క్యాన్సర్ చికిత్స, నివారణ ఇంకా అవగాహన కోసం కృషి చేస్తున్న వివిధ సంస్థలకు అందించబడుతుంది.