Nara Rohit : నెట్టింట వైరల్ అవుతున్న నారా రోహిత్ – శిరీష వెడ్డింగ్ వీడియో

ప్రముఖ నటుడు నారా రోహిత్, నటి శిరీష (సిరి) గతేడాది అక్టోబరులో వివాహ బంధంతో ఒక్కటైన సంగతి తెలిసిందే. ‘ప్రతినిధి 2’ సినిమాలో కలిసి నటించిన ఈ జంట, ఆ పరిచయాన్ని ప్రేమగా మార్చుకుని పెద్దల సమక్షంలో ఘనంగా పెళ్లి చేసుకున్నారు. అయితే, వివాహ సమయంలో కేవలం కొన్ని ఫోటోలను మాత్రమే అభిమానులతో పంచుకున్న ఈ జంట, తాజాగా తమ వెడ్డింగ్ ఫిల్మ్ (Nara Rohit Wedding Video)ను విడుదల చేశారు. ఈ వీడియోలో పెళ్లి వేడుకకు సంబంధించిన అపురూప ఘట్టాలు, మెగాస్టార్ చిరంజీవి వంటి సినీ ప్రముఖులు, రాజకీయ దిగ్గజాలు హాజరైన దృశ్యాలు కనువిందు చేస్తున్నాయి.

Also Read : Harish Shankar : అహంకారం కాదు.. అనుబంధం ముఖ్యం: ఫ్యాన్స్‌ను అన్‌బ్లాక్ చేసిన హరీష్ శంకర్!

ఈ వెడ్డింగ్ వీడియో ఇప్పుడు సోషల్ మీడియాలో విపరీతంగా వైరల్ అవుతోంది. నారా రోహిత్ తన పెళ్లిలో ఎంతో సంతోషంగా కనిపిస్తుండగా, శిరీష సాంప్రదాయక కట్టుబొట్టులో మెరిసిపోతున్నారు. నారా చంద్రబాబు నాయుడు, నందమూరి బాలకృష్ణ వంటి కుటుంబ సభ్యుల సందడి ఈ వీడియోలో ప్రత్యేక ఆకర్షణగా నిలిచింది. తమ అభిమాన నటుడి వివాహ వేడుకను పూర్తిస్థాయిలో చూసే అవకాశం కలగడంతో అభిమానులు ఆనందం వ్యక్తం చేస్తూ ఈ కొత్త జంటకు శుభాకాంక్షలు తెలుపుతున్నారు. నారా రోహిత్ ప్రస్తుతం తన తదుపరి సినిమాలతో బిజీగా ఉండగా, వ్యక్తిగత జీవితానికి సంబంధించిన ఈ స్పెషల్ వీడియో నెటిజన్లను ఆకట్టుకుంటోంది.