Ram Gopal Varma: చూడు బేబీ.. నిన్ను చూస్తుంటే నవ్వాలో ఏడవాలో అర్థం కావడం లేదు.. రాంగోపాల్ వర్మ

Viral News: రాంగోపాల్ వర్మ ఈ పేరుకి పెద్ద పరిచయం అవసరం లేదు. నాగార్జున నటించిన శివ చిత్రానికి దర్శకత్వం వహించి మొదటి సినిమాతోనే దర్శకుడిగా గుర్తింపు సంపాదించుకున్నారు వర్మ. వైవిధ్య భరితమైన చిత్రాలు తియ్యడంలో వర్మ ప్రావీణ్యుడు అనే చెప్పాలి. ఈ దేశంలో వాక్ స్వాతంత్రాన్ని ఏ బెరుకు లేకుండా పూర్తిగా వినియోగించుకునే ఏకైక వ్యక్తి వర్మ అని చాలమంది అభిప్రాయం. తన అభిప్రాయాల్ని నిర్మొహమాటంగా చెప్తారు. ఎవరైనా ప్రశ్నిస్తే ఇది నా ఇజం.. రాముఇజం అని చేప్తారు. అయితే ఈయన సినిమాలకు దర్శకత్వం వహించడమే కాదు వైస్సార్ సీపీ పార్టీకి మద్దతుగా కూడా నిలుస్తున్నారు.

Read also:Electric Vehicle: ఇకపై ఎలక్ట్రిక్ వాహనమే వాడాలి.. జిల్లా కలెక్టర్ ఆదేశాలు..

ఈయన టీడీపీ, జనసేన, పవన్ కళ్యాణ్‌ లక్ష్యంగా ఏ చిన్న అవకాశం దొరికిన కౌంటర్ ఇస్తున్నారు. అయితే తాజాగా వర్మ ద్రుష్టి నారా లోకేష్ పైన పడింది. ఈ నేపథ్యంలో వర్మ నారా లోకేష్ కి ఇచ్చిన కౌంటర్ వైరల్ గా మారింది. వివరాలలోకి వెళ్తే .. x (ట్విట్టర్) వేదికగా వర్మ నారా లోకేష్ గురించి ట్వీట్ చేశారు. చూడు బేబీ.. నిన్ను చూస్తుంటే నవ్వాలో.. ఏడవాలో అర్థం కావడం లేదు. నేను డైరెక్టర్ ని.. ఒక డైరెక్టర్ గా సినిమాలు తియ్యడమే నా పని.. అంతేగాని APకి సేవలు అందించాల్సిన పని నాది కాదు.. అలానే మీలాగ నేను జనం కోసం పుట్టాను, పెరిగాను, జనం కోసమే చనిపోతాను వంటి మాటలు చెప్పట్లేదు కదా అని ప్రశ్నిస్తూ ట్వీట్ చేశారు.కాగా ప్రస్తుతం ఈ ట్వీట్ వైరల్ అవుతుంది.