NANI : బ్లడీ రోమియోగా నేచురల్ స్టార్ నాని.. అనౌన్స్మెంట్ వీడియో అదిరింది

నేచురల్ స్టార్ నాని తదుపరి చిత్రం టైటిల్ అధికారికంగా ఖరారైంది. OG డైరెక్టర్ సుజీత్ దర్శకత్వంలో తెరకెక్కుతున్న ఈ సినిమాకు “BloodyRomeo”అనే ఆసక్తికరమైన టైటిల్‌ను ఖరారు చేశారు. ఈ చిత్రంలో నాని రెండు విభిన్న పాత్రలలో కనిపించబోతున్నారు. ఒకవైపు చెఫ్ గా కనిపిస్తూ మరోవైపు నంబర్ 1 గ్యాంగ్‌స్టర్ గా బాక్సాఫీస్ వద్ద రచ్చ చేయనున్నారు. నాని కెరీర్‌లోనే ఇది అత్యంత వైవిధ్యమైన పాత్ర అని చెప్పవచ్చు.

ఈ రోజు నేచురల్ స్టార్ నాని బర్త్ డే సందర్భంగా బ్లడీ రోమియో గ్లిమ్స్ ను రిలీజ్ చేసారు మేకర్స్. నాని లాంటి నేచురల్ నటుడి నుండి ఇలాంటి వెస్ట్రన్ స్టైల్ మ్యూజిక్ అప్రోచ్ అభిమానులకు ఒక బిగ్ సర్ప్రైజ్ అని చెప్పాలి. నాని సినిమా హైలైట్స్‌లో ఒకటిగా నిలిచేలా ఉంది బ్లడీ రోమియో. అయితే మేకర్స్ మొదట ఈ సినిమాకు “గన్స్ అండ్ రోజెస్” (Guns N Roses) అనే టైటిల్‌ను పరిశీలించింది. కానీ చివరకు ‘బ్లడీ రోమియో’ అనే టైటిల్‌ను ఫైనలైజ్ చేశారు. అయితే, టైటిల్ డిజైన్ మరియు థీమ్‌లో మాత్రం ‘గన్స్ అండ్ రోజెస్’ ఎలిమెంట్స్‌ను హైలెట్ చేస్తు డిజైన్ చేసారు. ఇక టీజర్ లోని నం 1 గ్యాంగ్ స్టర్ సాంగ్ చాలా బాగుంది.  ముఖ్యంగా ఎండింగ్ సీక్వెన్స్‌లో వచ్చే బ్యాక్‌గ్రౌండ్ స్కోర్ సినిమా రేంజ్‌ను మరో స్థాయికి తీసుకెళ్లేలా ఉందని చెప్పాలి. . నానిసక్సెస్ ట్రాక్ నుజ్ ఈ ‘బ్లడీ రోమియో’ కంటిన్యూ చేసేలా ఉంది. భారీ బడ్జెట్ పై తెరకెక్కుతున్న ఈ సినిమాను నిహారిక ఎంటర్టైన్మెంట్స్ బ్యానర్, యూనానిమస్ ప్రొడక్షన్స్ సంయుక్తంగా నిర్మిస్తున్నాయి.