Vrushakarma : ‘వృషకర్మ’ గ్లింప్స్‌లో విలన్ హైలైట్‌పై నాగచైతన్య క్లారిటీ

అక్కినేని నాగచైతన్య హీరోగా వస్తున్న మిథికల్ థ్రిల్లర్ ‘వృషకర్మ’ ఫస్ట్ గ్లింప్స్ ఇప్పుడు సోషల్ మీడియాలో సెన్సేషన్ సృష్టిస్తోంది. అయితే, ఈ గ్లింప్స్‌లో హీరో కంటే విలన్ స్పర్ష్ శ్రీవాస్తవకు ఎక్కువ స్క్రీన్ స్పేస్ ఇవ్వడంపై కొందరు అడిగిన ప్రశ్నకు చైతూ ఇచ్చిన సమాధానం ఇప్పుడు నెట్టింట వైరల్ అవుతోంది.

Also Read : Adivi Sesh: అడివి శేష్ కోసం రాహుల్ రవీంద్రన్ క్రేజీ స్క్రిప్ట్..

“సినిమా ఫస్ట్ కంటెంట్ విడుదల చేసేటప్పుడు హీరో ఎలివేషన్లు, స్క్రీన్ స్పేస్ వంటి లెక్కలు నేను వేసుకోను. నేను కేవలం దర్శకుడు కార్తీక్ దండు విజన్‌ను మాత్రమే నమ్ముతాను. రెగ్యులర్ సినిమాల్లో నటించడం నాకు ఇష్టం లేదు. కథకు ఏది అవసరమో అదే ఉండాలి తప్ప, కేవలం హీరోని చూపించడం కోసం కథను పక్కన పెట్టలేం’ అని చైతన్య కుండబద్దలు కొట్టారు. ఒక కొత్త రకమైన సినిమాటిక్ ఎక్స్‌పీరియన్స్‌ను ప్రేక్షకులకు అందించడమే నా లక్ష్యమని ఆయన స్పష్టం చేశారు. అలాగే స్క్రిప్ట్ విన్నప్పుడే ఇందులో విలన్ పాత్ర ఎంత పవర్‌ఫుల్‌గా ఉంటుందో తనకు తెలుసని, విలన్ ఎంత బలంగా ఉంటేనే హీరో క్యారెక్టర్ అంతగా ఎలివేట్ అవుతుందని చైతూ విశ్లేషించారు. ‘విరూపాక్ష’తో తన సత్తా చాటిన కార్తీక్ దండుపై చైతన్యకు ఉన్న ఈ నమ్మకం చూస్తుంటే, ‘వృషకర్మ’తో అక్కినేని హీరో మరో ప్రయోగాత్మక విజయాన్ని తన ఖాతాలో వేసుకోవడం ఖాయమనిపిస్తోంది.