Nag Ashwin to attend for Kalki 2898 AD in USA Biggest IMAX: రెబల్ స్టార్ ప్రభాస్ హీరోగా నాగ్‌ అశ్విన్ దర్శకత్వంలో తెరకెక్కిన ‘కల్కి 2898 ఏడీ’ చిత్రం ప్రపంచవ్యాప్తంగా బాక్సాఫీస్ వద్ద భారీ బ్లాక్‌బస్టర్‌గా నిలిచింది. ప్రపంచవ్యాప్తంగా 11 రోజుల్లో ఈ సినిమా రూ.900 కోట్లకు (గ్రాస్‌) పైగా వసూలు చేసింది. ఇప్పటికీ థియేటర్ల వద్ద హౌస్‌ఫుల్ బోర్డులు కన్పిస్తున్నాయి. దీంతో త్వరలోనే కల్కి రూ.1000 కోట్లు వసూల్ చేయడం ఖాయంగా కనిపిస్తోంది. వరుసగా రెండు సినిమాలు బ్లాక్‌బస్టర్‌ కావడంతో ప్రభాస్ ఫాన్స్ ఆనందంలో తేలియాడుతున్నారు.
కల్కి 2898 ఏడీ సినిమా విడుదలకు ముందు నుంచే అమెరికాలో ప్రభంజనం సృష్టిస్తోంది. ముఖ్యంగా నార్త్ అమెరికాలో కలెక్షన్ల వర్షం కురుస్తోంది. ఇప్పటికే యూస్ ప్రేక్షకులకు ధన్యవాదాలు చెప్పిన నాగ్‌ అశ్విన్.. వారితో కలిసి కల్కి సినిమా చూసేందుకు సిద్ధమయ్యారు. అమెరికాలోని బిగ్గెస్ట్‌ ఐమాక్స్‌లో ఈ శనివారం (జులై 13) మధ్యాహ్నం 2:30 గంటలకు అభిమానులతో కలిసి ఆయన కల్కి చూడనున్నారు. ఈ మేరకు చిత్ర నిర్మాణ సంస్థ ఓ పోస్టర్‌ విడుదల చేసింది. షో అనంతరం అభిమానులతో కలిసి నాగ్‌ అశ్విన్ విజయోత్సవాలు జరుపుకోనున్నారు.
Also Read: Actress Anandhi: విజయ్ సర్‌కి నా సపోర్ట్ ఎప్పుడూ ఉంటుంది: తెలుగమ్మాయి ఆనంది
కల్కి 2898 ఏడీలో ప్రభాస్, దీపికా పదుకొనే, అమితాబ్ బచ్చన్, కమల్ హాసన్, శోభన, దిశా పటానీ, అన్నా బెన్, పశుపతి, విజయ్ దేవరకొండ, దుల్కర్‌ సల్మాన్‌ మరియు పలువురు ప్రముఖ పాత్రలు పోషించారు. అగ్ర నిర్మాత అశ్విని దత్ నిర్మించిన ఈ చిత్రానికి సంతోష్ నారాయణన్ మ్యూజిక్ అందించారు. బౌంటీ ఫైటర్‌ భైరవగా కనిపించిన ప్రభాస్.. చివరిలో కర్ణుడిగా కనిపించి పార్ట్‌ 2పై అంచనాలు పెంచేశారు.