Nagarjuna’s Naa Saami Ranga Movie Locks OTT Release Date: ‘కింగ్’ నాగార్జున హీరోగా, విజయ్ బిన్నీ దర్శకత్వంలో తెరకెక్కిన చిత్రం ‘నా సామిరంగ’. సంక్రాంతి కానుకగా జనవరి 14న రిలీజ్ అయిన ఈ చిత్రం బాక్సాఫీస్ వద్ద హిట్‍గా నిలిచింది. గుంటూరు కారం, సైంధవ్ నుంచి గట్టి పోటీ ఎదురైనా.. అంచనాలకు తగ్గట్టుగా కలెక్షన్లను రాబట్టింది. విలేజ్ బ్యాక్‍డ్రాప్‍లో యాక్షన్ ఎంటర్‌టైనర్‌గా తెరకెక్కిన ఈ మూవీ నాగార్జునకు మంచి హిట్ ఇచ్చింది. నా సామిరంగ సినిమా ఓటీటీలోకి ఎప్పుడొస్తుందా? అని వెయిట్ చేస్తున్న అభిమానులకు శుభవార్త.
నా సామిరంగ మూవీ డిజిటల్ స్ట్రీమింగ్ హక్కులను ‘డిస్నీ ప్లస్ హాట్‍స్టార్’ ఓటీటీ ప్లాట్‍ఫామ్ సొంతం చేసుకుంది. ఈ సినిమా డిస్నీ ప్లస్ హాట్‍స్టార్‌లో ఫిబ్రవరి 17 నుంచి స్ట్రీమింగ్ కాబోతోంది. మరో వారం రోజుల్లో థియేటర్లో చూడని వారు ఎంచక్కా ఇంట్లోనే ఎంజాయ్ చేయొచ్చు. ‘మీ స్క్రీన్‍లపై ఫైర్ అయ్యేందుకు కింగ్ వస్తున్నాడు. డేట్‍ను ఊహించగలరా’ అంటూ ఫిబ్రవరి 8న డిస్నీ ప్లస్ హాట్‍స్టార్ ఓ ట్వీట్ చేసింది. దాంతో అందరూ ఫిబ్రవరి 15 నుంచి నా సామిరంగ స్ట్రీమింగ్ అవుతుందని అందరూ ఊహించారు. అయితే అందరి అంచులను తలక్రిందులు చేస్తూ.. ఫిబ్రవరి 17న కింగ్ ఓటీటీలోకి వస్తున్నాడు.
Also Read: Eagle Collections: రవితేజ కెరీర్‌లోనే రికార్డు కలెక్షన్స్.. యుద్ధకాండపై పెరిగిపోతున్న అంచనాలు!
నా సామిరంగ సినిమాను పవన్ కుమార్ సమర్పణలో శ్రీనివాసా సిల్వర్ స్క్రీన్‌ బ్యానర్ పై శ్రీనివాస చిట్టూరి భారీ బడ్జెట్‌తో నిర్మించారు. ఈ చిత్రంలో నాగార్జున సరసన యంగ్ అండ్ బ్యూటిఫుల్ ఆశికా రంగనాథ్ కథానాయికగా నటించగా.. అల్లరి నరేష్, రాజ్ తరుణ్, మిర్నా మీనన్, రుక్సార్ ధిల్లాన్ కీలక పాత్రల్లో కనిపించారు. ఈ సినిమాకు ఆస్కార్ అవార్డ్ విన్నింగ్ కంపోజర్ ఎంఎం కీరవాణి ఇచ్చిన మ్యూజిక్ ఆకర్షణగా నిలిచింది.